Goðasteinn - 01.09.2010, Page 22

20
Goðasteinn 2010
stíga smalar af baki hest-
um sínum við Þrívörður.
Hestarnir eru taglhnýtt-
ir og einn maður gengur
með þá fram Hestapall-
inn.
Frá Þrívörðum var
haldið niður í Meyjarsæti,
þar var áður tjaldstaður
smala og kallaðist „Undir
fossi“. Meyjarsæti er rétt
innan við fossinn Dynk í
Þjórsá, öðru nafni Búðar-
hálsfoss. Í fossinum Dynk
fellur Þjórsá um 38 metra
fram af mörg um stöllum
og myndar þannig marga
smáfossa sem ákaflega
fallegt er að sjá úr fjar-
lægð, en nálægt má betur
njóta fjölbreyti leika hvers
foss fyrir sig og skynja
kraftinn sem býr í Þjórsá.
Þetta er einn af þeim stöð-
um þar sem maður á að staldra við um stund og njóta þess sem fyrir augu ber.
Áfram þurftum við samt að halda því framundan voru Básar, en það er svæðið
frá Dynk og langleiðina fram að Sultar tangalóni. Í bókinni Göngur og Réttir
I eftir Braga Sigurjónsson er Básum lýst á eftir farandi hátt: „Básar skiptast í
reglulega lagaða hamrahjalla og gróðurríkar grasbrekkur. Eru stallarnir úr fjar-
lægð að sjá líkastir tröllslegum stigaþrepum. Neðan við stallana rennur Þjórsá.
Stallar þessir eru taldir vera 18 talsins„. Básar eru grasi- og mosavaxnir, þar er
talsvert af víði og eini og nokkrar birkihríslur. Básar eru sundurskornir af gilj-
um, mest þeirra er Vonda gil. Þar fórum við alveg niður að Þjórsá og skoðuðum
Manntapahellu. Manntapahella er stór klapparhella er liggur skáhallt niður að
og ofan í Þjórsá. Seitlar vatn á hana og heldur henni sleipri. Sagan segir að í
gegnum tíðina hafi þeir smalar sem voru í neðstu göngu í Básum freistast til að
stökkva yfir helluna, fremur en taka á sig krók til baka, en við það lent á henni
og runnið ofan í Þjórsá. Munnmæli segja að alls hafi 18 manns farist við Mann-
Í Þröngubásum.