Goðasteinn - 01.09.2010, Side 27

25
Goðasteinn 2010
skyldu um óákveðinn tíma. Sannir höfðingjar.
Ég vil geta Gunnars á Rauðalæk sérstaklega
fyrir hans fjölþættu störf sem hann sinnti á langri
æfi. Hann rak búskap á jörð sinni, tók við búi af
Runólfi föður sínum. Hann var opinn fyrir vél-
væðingu – setti að ég held fyrstur bænda í Rang-
árþingi súgþurrkun í hlöðu sína. En honum var
frekar ósýnt um húsbyggingar. Hélt við hlöðnum
húsum lengur en margur annar. Þess vegna tel
ég mig kunna hleðslukúnstina að hluta. Hrepp-
stjóri Holtahrepps var hann í þrjátíu og sjö ár,
í hreppsnefnd fjörtíu og fjögur ár. Deildarstjóri
hjá Sláturfélagi Suðurlands lengi.
Sparisjóður Holta- og Ásahrepps var stofn-
aður árið 1915. Gunnar valdist til að vera forstöðumaður hans strax í upphafi þá
32 ára og stýrði honum alla tíð í 49 ár. Heyrt hefi ég að hann hafi byrjað með
sjóðinn og skjöl hans í kofforti við rúm sitt. En sjóðurinn óx og í ritinu Sunn-
lenskar byggðir setur merkur maður, Sigurjón Sigurðsson bóndi í Raftholti,
þau orð fram að Gunnar hafi af öryggi stýrt
sjóðnum gegnum verðbólgu, gengisbreyt-
ingar og margskonar veðrabrigði á sviði
fjármála. Orðrétt segir hann: „Gunnar var
einn af þessum fáu traustu mönnum sem
láta lítið yfir sér en bregðast í engu því
sem þeim er til trúað.“ Það var því mjög
gestkvæmt á Syðri-Rauðalæk. Gestrisni
í hávegum höfð. Þar höfðu þær mæðgur
Valgerður og Lára dóttir hennar sinn sess.
Orðlagðar fyrir reglusemi og frábært hand-
bragð á hverju því verki sem þær tóku sér
fyrir hendur. Vinnufólk var margt á bænum,
sumir unnu þar samfellt í áratugi – heimilið var hjúasælt. Í þessu umhverfi ólst
maður upp. Eins manns úr hópi vinnufólksins vil ég geta sérstaklega. Hann hét
Guðmundur Sigurðsson f. í Seli í Ásahreppi árið 1903. Við vorum herbergis-
félagar allan þann tíma sem ég átti heima á staðnum. Hann var ekki þrekmikill
en handfljótur og honum vannst vel við þau verk sem hann réði við, skemmti-
legur í viðkynningu og hafði mjög gott vit á skepnuhirðingu og allri meðferð
búfjár. Af honum lærði ég ýmislegt tengt veðri og veðurútliti. Nefni orð eins og
Gunnar Runólfsson Syðri-Rauða-
læk [Myndin er tekin á sjötugs-
afmæli hans 19. júní 1953}.
Guðmundur Sigurðsson vinnumaður á
Syðri-Rauðalæk f. 1903.