Goðasteinn - 01.09.2010, Side 44

42
Goðasteinn 2010
Kveikjan að þessari lokaritgerð við Kennaraháskóla
Íslands eru vinnubækur sem foreldrar mínir eiga í fór-
um sínum síðan þau voru í skóla. Þegar ég fór að skoða
þessar bækur kom það mér á óvart hversu mikið efni
var í þeim og hversu miklar upplýsingar kennarar höfðu
á þessum tíma, en tímabilið er frá 1933 til 1943. Ég
ákvað að taka viðtöl við foreldra mína og fá þau til að
segja mér nánar frá skólagöngu sinni. Viðtölin voru tek-
in í febrúar 2008 á heimili þeirra og tekin upp á band.
Talað var við einn aðila í einu og hann beðinn að rifja upp skólagöngu sína.
Faðir minn, sem fæddur er 1925, gengur í fastan heimangönguskóla alla sína
skólagöngu en móðir mín, sem fædd er 1929, gengur aftur á móti í farskóla
allan tímann.
Þegar ég fór að afla heimilda komst ég að því að líklega væru til skýrslur
og skjöl frá þeim tíma sem ég fjalla um í því húsnæði sem hýsti Fljótshlíð-
arskóla fyrir sameiningu sveitarfélaga. Ég fékk leyfi til að kanna málið og fann
nokkrar möppur frá þessum árum. Það á meðal voru skýrslur, sem sendar voru
fræðslumálastjóra, í þríriti. Þar má t.d. finna upplýsingar um fjölda nemenda,
kynjahlutfall, kennslutímabil og fjölda kennara. Þessar upplýsingar reyndust
mjög gagnlegar til að átta sig betur á skólahaldinu og til að styðja við endur-
minningar viðmælanda. Þegar ég sá að þessi gögn voru til um Fljótshlíðarskóla
fannst mér líklegt að kennari í A-Landeyjum hefði líka þurft að skila af sér
slíkum skýrslum. Ég hófst handa við að afla þessara gagna, en það reyndist
þrautin þyngri. Eftir töluverðan fjölda símtala komst ég að því að afrit af þess-
um skýrslum ættu að vera í varðveislu á Þjóðskjalasafni. Í ljós kom að skýrsl-
urnar voru þar og ég þar með komin með áreiðanlegar heimildir um skráningar
á skólahaldinu frá báðum skólunum á þessum tíma.
Inngangur
Þórunn Óskarsdóttir