Goðasteinn - 01.09.2010, Page 50

48
Goðasteinn 2010
eftir, þá 16 ára gamall (1942). Ástæðan fyrir því að Óskar sækir ekki sund-
námskeið fyrr en eftir að skólaskyldu lýkur er líklega sú að sund er ekki gert
að skyldugrein í barnaskólum fyrr en árið 1940 (Ingimar Jónsson 1976:139-
140). Skólarnir byrja að framfylgja þessu skólaárið 1940-41 og bjóða þá eldri
unglingum að fara á námskeið. Sundnámskeiðið stóð yfir í 10 daga og var tekið
próf að tímabilinu loknu. Gist var í Laugarskarði í Hveragerði og var Halldór
skólastjóri með þeim allan tímann. Fjöldi nemenda á námskeiðinu voru um 16
börn (Fljótshlíðarskóli: Skýrsla um sundkennslu barna og unglinga, Fljótshlíð-
arskólahverfi 1941-1942).
Fermingarfræðslan stóð yfir í tvo vetur og sá presturinn um hana. Vænt-
anleg fermingarbörn mættu þá til messu með foreldrum sínum og urðu svo
eftir í kirkjunni. Eftir fermingu sótti Óskar námskeið í dönsku í einn vetur
hjá Guðrúnu Sveinbjörgu Þorsteinsdóttur, en það er kennslukonan sem sá um
að kenna söng í Fljótshlíðarskóla. Hún bauð upp á námskeið í bæði ensku og
dönsku og kenndi á kvöldin. Systir Óskars fór líka og lærði ensku. Kennt var
tvö kvöld í viku.
Óskar fór ekki í nám eftir að skyldunámi lauk. Hann veit til þess að börn úr
Fljótshlíðinni fóru að Laugarvatni í frekara nám, en það var dýrt og ekki margir
sem höfðu efni á því. Þegar hann var sextugur settist hann aftur á skólabekk
og náði sér í réttindi til einkaflugmanns. Í framhaldi af því keypti hann sér litla
flugvél en þetta „uppátæki“ veitti honum margar ánægjustundir.
Óskar vann lengstan hluta ævinnar við rútufyrirtæki, sem hann stofnaði
ásamt fleirum árið 1963, sem síðar varð að fjölskyldufyrirtæki. Hann hafði áður
unnið ýmis störf s.s. í vegavinnu, við rafmagn og sem bílstjóri hjá Kaupfélagi
Rangæinga.
ÖRUGG ÞJÓNUSTA
VARAhlUTAVeRSlUN
Björns Jóhannssonar
Lyngási 5 - 850 Hellu - Sími 487 5995