Goðasteinn - 01.09.2010, Blaðsíða 172

170
Goðasteinn 2010
austan við Hellu, enda fyrirséð að engin yrði spurn eftir íbúðalóðum á Hellu,
á meðan fyrirhugaðar virkjanaframkvæmdir í Þjórsá og vegaframkvæmdir í
tengslum við þær frestuðust.
Hins vegar var vissa manna að aðstæður myndu breytast fljótt og líklega
færu hjól efnahagslífsins óvíða fyrr og hraðar af stað, en í Rangárþingi ytra.
Með þetta í huga var horft lengra fram á veginn en oft áður. Undirbúningi að
stofnun framhaldsskóla á Hellu var haldið áfram og arkitekt falið að gera teikn-
ingar að nýbyggingu sem myndi hýsa skólann. Menntamálaráðuneytið taldi
ótímabært að hefja undirbúning að stofnun skólans á meðan ekki leystist úr
efnahagsmálum og voru fyrirætlanir þar að lútandi lagðar til hliðar uns betur
árar.
Skipulagsmál voru ofarlega á
baugi á árinu og var aðalskipulag
sveitarfélagsins fram til ársins 2022,
tekið til endurskoðunar. Mikil vinna
var lögð í að samhæfa þau þrjú skipu-
lög sem í gildi voru frá Djúpár hreppi,
Rangárvallahreppi og Holta- og
Landssveit. Meginþunga hugmynda-
vinnunnar var lokið undir árslok og
fór aðalskipulag sveitarfélagsins í lög-
formlegt skipulagsferli að því loknu.
Einnig var haldið áfram vinnu við
skilgreiningu á vegaslóðum í sveitar-
félaginu í samvinnu við Vegagerð-
ina og Umhverfisstofnun, og var þar
af nógu að taka enda sveitarfélagið
óvenju víðfemt og vegir liggja þar
víða.
Sorphirðumál voru í skoðun meginhluta ársins. Til stóð að urðunarstað
Sunnlendinga í Kirkjuferjuhjáleigu í Ölfusi yrði lokað undir árslok og var því
kannað hvort urða mætti almennt heimilissorp á Strönd á Rangárvöllum. Því
miður fékkst ekki leyfi til þess, enda ekki gert ráð fyrir því í gildandi starfs-
leyfi urðunarstaðarins. Öllu sorpi er því ekið úr sveitarfélaginu til Reykjavíkur
á meðan ekki fæst leyfi til urðunar á Suðurlandi, með þeim óþægindum og
aukakostnaði sem því fylgir. Ráðinn var starfsmaður á Strönd til að hafa um-
Steinrunnið tröll í Reynifelli.