Goðasteinn - 01.09.2010, Qupperneq 224

222
Goðasteinn 2010
Þórhallur er horfinn frá okkur. En minningin um góðan dreng lifir. Hann var
okkur öllum stór og mikil gjöf. Útför hans fór fram frá Bústaðakirkju 8. júlí
2009 og jarðsettur í Skarðskirkjugarði sama dag.
Sr. Örn Bárður Jónsson.
Þórunn Guðjónsdóttir í Borgarholti
Þórunn Guðjónsdóttir fæddist að Neðri Þverá í Fljóts-
hlíð 11. júní árið 1919. Foreldrar hennar voru bændur
þar, Sigríður Sigurðardóttir frá Árkvörn í Fljótshlíð og
Guðjón Árnason frá Neðri Þverá. Börn þeirra eru Sig-
urpáll fæddur 1921, Þórun fædd 1919, Sigurður Ingi
fæddur 1923, Árni fæddur 1928 og Magnús fæddur
1936. Magnús einn lifir systkyni sín. Sigurpáll og Sig-
urður Ingi tóku við búinu eftir foreldra þeirra en hin
fluttust burt þegar aldur leyfði.
Þórunn fluttist úr Fljótshlíðinni í Borgarholt og giftist Yngva Kristni Jóns-
syni í desember 1941. Hún bjó alltaf síðan í Borgarholti pg þótti alltaf fallegt
þar og þá einkum á vorin og á sumarkvöldum en sólarlagið var engu líkt. Krist-
inn fæddist á Hárlaugsstöðum 5. maí 1905, en þar bjuggu foreldrar hans og
þaðan var móðir hans. Hann byggði nýbýlið Borgarholt út frá Hárlaugsstöðum
árið sem þau Þórunn giftust. Þórunn og Kristinn eignuðust fimm börn, Sigríði,
Jón, Árna, Guðjón og Vilberg.
Hjónaband Þórunnar og Kristins var mjög gott. Kristinn lofaði Þórunni æv-
inlega fyrir kosti hennar og eins mat hún hann afar mikils. Þau báru umhyggju
fyrir börnum sínum og nutu líka umhyggju þeirra og fjölskyldna þeirra. Þeim
þótti gott að eiga góða nágranna og vera hluti af samfélagi þar sem fólk hjálpast
að og er hvert öðru til gleði. Þórunn talaði oft um það hvað vel var tekið á móti
henni í sveitinni. Þórunn tók þátt í félagslífinu og var ein af stofnendum Kven-
félagsins Framtíðarinnar í Ásahreppi og gjaldkeri félagsins á fyrstu árunum.
Kristinn vann í fyrstu mikið að heiman og Þórunn sá um heimilið og bú-
skapinn með því vinnufólki sem var þar á hverjum tíma. Kristinn vann við
pípulagnir og keyrði vörur fyrir sveitunga sína. Hann vildi að fólki hans liði vel
og sá í ferðunum ýmislegt fallegt til heimilisins til að gefa Þórunni. Þórunn var
mikill bóndi og annaðist dýrin af gleði og nærgætni. Hún ræktaði blómin sín af
sömu nærgætni og var mikil blópmakona. Vélaöldin var að ganga í garð þegar
þau Kristinn hófu búskap og þau ræstu fram mýrar og stórbættu jörðina. Þegar
börnin uxu úr grasi tóku þau þátt í bústörfunum og þegar verkin voru erfið lagði