Ársrit Skógræktarfélags Íslands - 15.12.1946, Side 116

114
Skátafélag á Hólmavík var einnig styrkt til að koma
upp girðingu við kauptúnið.
Við Eiða á Héraði var sett upp 8 km girðing vorið 1939.
Var hún að mestu kostuð af Skógrækt ríkisins, en a henni
hvíldi kr. 2000.00 lán, sem Skógræktin greiddi á síðast-
liðnu sumri. Hefir Skógrækt ríkisins þá greitt þessa girð-
ingu að nærri öllu leyti.
Eldri girðingar voru lagfærðar og endurbættar að
venju. Sums staðar þurfti að endurbæta þær verulega og
fór til þess mikið fé.
GRÓÐRARSTÖÐVAR
Á Tumastöðum í Fljótshlíð var unnið að undirbúningi
stöðvarinnar. Þar var byggt íbúðarhús handa skógarverð-
inum á Suðurlandi, sem verður forstöðumaður gróðrar-
stöðvarinnar. Þessu húsi var ekki að fullu lokið um ára-
mót en það er orðið íbúðarhæft. Stærð þess er 8x12 metr-
ar, ein hæð og kjallari. Ennfremur var byggð áhalda-
geymsla úr holsteini 9x10 metrar að stærð. Framræslu
var haldið áfram á landinu og grafnir 525 metrar af stór-
um opnum skurðum, 2 metra djúpum en 1700 metrar af
venjulegum hnausalokræsum. Ennfremur voru 3400 metr-
ar lokræsa gerð með kílplógi, sem dreginn var af dráttar-
vél af gerðinni TD 9. Enn er of snemmt að spá nokkuru
um endingu slíkra ræsa, en verði hún sæmileg, þá er þessi
aðferð mikið ódýrari en hin venjulega framræsla þar
sem þessi ræsi kostuðu aðeins 1/10 af því, sem hnausa-
ræsi kosta.
í gróðrarstöðinni á Vöglum var nokkuð unnið að stækk-
un og lagfæringu. Elzta reitnum var öllum bylt til og hann
færður saman í tvö 1200 fermetra svæði. Þau liggja með
hallanum 1:16 til vesturs en 1:40 á móti suðri.
Milli svæðanna er 1 meters hár stallur. Neðan við
elzta reitinn var 1600 fermetra spilda sléttuð og í hana
borið, svo að taka má hana til ræktunar vorið 1946. Stöð-
in er nú alls um 7000 fermetrar.