Skógræktarritið - 15.05.2003, Síða 49

kemur í Ijós að 21 ha er f yfirhæð-
arflokki 10-15 m, aðallega sitka-
greni. Gera má ráð fyrir að til falli
um 50 m3/ ha sem gerir alls um
1000 m3 af bolviði sem nýta má
sem smíðavið, spírur og kurl.
f yfirhæðarflokki 6-9,9 metrar
eru 34 ha. Ef gert er ráð fyrir að
um 30 m3/ha falli að jafnaði til
við grisjun í slíkum skógi eru það
einnig um 1000 m3afbolviði
sem til falla. Þar sem bolir eru
grannir, má gera ráð fyrir því að
mest af viðnum verði kurlað.
Um sautján ha falla í yfirhæð-
arflokk sem er milli 3,0-5,9 m.
Gróf áætlun bendir því til þess
að á næstu fimm árum falli til um
2000 m3 af bolviði við grisjun á
Heiðmörk, verði þessari úttekt
fylgt eftir.
Eins og fyrr segir, þarf að afla
frekari gagna til að geta sagt til
um þetta með meiri vissu. Einnig
þarf að gera tíma- og afkasta-
mælingar, þannig að hægt sé að
áætla kostnað. Þá er nauðsynlegt
að fram fari athugun á hagkvæm-
ustu aðferðum við grisjun og
flutning á bolviði úr skóginum að
vinnslustað. Rökrétt væri að setja
af stað u.þ.b. eins árs þróunar-
verkefni í þessu skyni.
Þar sem grisjun getur verið
skýrt afmarkað verkefni, kemur til
álita að bjóða hana út.
Náttúruvernd
Vel hefur tekist til varðandi
verndun náttúru, landslags og
mannvistarleifa. Umsjónaraðilar
Heiðmerkur hafa meira að segja
verið það framsýnir að vinna í
Mynd 8
anda laga, sem nýlega gengu í
gildi, um friðun eldhrauna. Heil-
leg gróðursamfélög, eins og kjarr-
lendi utan í Hjallamisgenginu,
hafa notið friðunar.
Nokkuð er um mannvistarleif-
ar, s. s. fjárborgir og beitarhús,
sem notið hafa verndar. Elliða-
vatnsbærinn, fæðingarstaður
Einars Benediktssonar, er í umsjá
Skógræktarfélags Reykjavíkur og
hefur verið unnið ötullega að
varðveislu hans. Þingnes tilheyrir
friðlandinu. Þar er talið að fyrsta
þinghald landsmanna hafi verið.
Stór hluti fornminja þar lenti
undirvatni þegar vatnsborð
Elliðavatns var hækkað. Nú er
fyrirhugað að gera víðtækar forn-
leifarannsóknir á svæðinu.
Rauðhólar eru nú sérstakt
friðland innan Heiðmerkur.
Drjúgum hluta þeirra hafði verið
spillt með efnistöku áður en þeir
voru friðaðir, en vestast eru þeir
lítið sem ekkert skertir.
Verndun hvers konar minja og
tillit til náttúruverndarsjónar-
miða, ásamt öflugu rannsókna-,
ræktunar- og uppbyggingarstarfi
á Heiðmörk stuðla að því að gera
gott útivistarsvæði enn betra í
framtíðinni.
SKÓGRÆKTARRITIÐ 2003
47