Skógræktarritið - 15.10.2019, Qupperneq 9

SKÓGRÆKTARRITIÐ 2019 7
Þegar undirritaður kom til starfa í
þágu Skógræktarfélags Íslands var Hulda
formaður og margt skemmtilegt á döfinni.
Samstarf okkar og samvinna efldist með
hverju árinu sem leið. Hulda var varkár
þegar kom að stærri ákvörðunum og
ráðfærði sig gjarnan við nána samstarfs-
menn. Segja má að málstaður skógræktar-
hreyfingarinnar á Íslandi hafi verið henni
metnaður og kappsmál. Hún lagði mikla
vinnu og tíma í að vinna að framgangi
þessara mála. Þess má geta að hún nýtti
sér óspart ítök á Morgunblaðinu til
framdráttar skógrækt og er rétt að nefna í
því sambandi að á annan áratug var gefinn
út sérstakur kálfur í Morgunblaðinu,
allt að 16 síður, á sumardaginn fyrsta
þar sem fjallað var eingöngu um málefni
skógræktar. Þannig stuðlaði Hulda að því
að opna augu fólks fyrir því að hægt væri
að rækta skóga á Íslandi en hún ólst upp
við það á sínum ungdómsárum að vantrú
Með öflugt bakland í farteskinu tók hún
því að sér ábyrgðarstörf fyrir skógræktar-
hreyfinguna.
Hulda var kosin í varastjórn Skógræktar-
félags Íslands 1972 og sat þar í átta ár.
Hún kynntist hugsjónafólki sem starfaði
í aðildarfélögunum og heillaðist af því
óeigingjarna starfi sem unnið var um allt
land. Hún notaði þennan tíma til að læra,
hlusta og kynna sér starfsemi skógræktar-
hreyfingarinnar.
Hulda var fyrsta konan sem gegndi
starfi formanns Skógræktarfélags Íslands.
Hún var formaður í 18 ár, frá 1981
til 1999. Hún var jafnframt formaður
Framkvæmdanefndar um Landgræðslu-
skógaátakið og sat í stjórn Landgræðslu-
sjóðs árin 1990-1996. Hún átti sæti í stjórn
Rannsóknarstöðvarinnar á Mógilsá og
sinnti fleiri verkefnum á þessu sviði. Hulda
var gerð að heiðursfélaga Skógræktarfélags
Reykjavíkur árið 1998.
Hulda ásamt mætum konum, f.h. er Ólafía Jónsdóttir velgerðarkona félagsins en hún arfleiddi ásamt eiginmanni sínum
félagið að öllum eignum þeirra hjóna. Næst henni er Guðrún Bjarnason, heiðursfélagi Skógræktarfélags Íslands og
eiginkona Hákonar Bjarnasonar skógræktarstjóra og lengst til vinstri er Gyða Bergþórsdóttir, eiginkona Guðmundur
Þorsteinssonar frá Efri-Hrepp, sem var lengi formaður Skógræktarfélags Borgarfjarðar. Þau hjónin voru lengi vel
fastagestir á öllum skógræktarsamkomum.