Skógræktarritið - 15.10.2019, Side 55

SKÓGRÆKTARRITIÐ 2019 53
á félaga sinn, Oscar Schwendtner, sem
rekur lítið ráðgjafafyrirtæki sem aðallega
vinnur að skógræktarúttektum, skýrslu-
gerð og þjónar mest opinberum aðilum.
Segja má að við höfum verið stálheppin
að fá Oscar en hann reyndist vera eldhugi
í að miðla fróðleik um skóga og náttúru.
Þá tók að sér fararstjórn þaulvanur
fararstjóri og leiðsögumaður, Þórarinn
Sigurbergsson. Þórarinn er tónlistarkennari
og lærði klassískan gítarleik á Spáni fyrir
margt löngu og er einn þriggja gítarleikara
sem skipa hljómsveitin „Hið íslenska
gítar Tríó“. Alls tóku þátt í ferðinni 50
manns, allt félagsmenn í aðildarfélögum
Skógræktarfélags Íslands, en Ferðaþjón-
usta bænda tók að sér umsýslu og bókun
flugs, hótela og ferða og leysti verkið með
ágætum. Oft á tíðum er ekki einfalt mál að
stilla strengi á stöðum sem teljast kannski
ekki hefðbundin túristasvæði en aftur á
móti er sá tími sem Skógræktarfélagið
hefur valið að tímasetja þessar ferðir á
þeim árstíma sem hin hefðbundni túrismi er
í lágmarki þannig að yfirleitt tekst að finna
viðunandi gistingu sem allir sætta sig við.
17. október – Haldið til Spánar
Brottför okkar bar upp á 17. október en
í viðræðum okkar Juan Manuel Rubiales
taldi hann þetta hentugan tíma. Búast
mætti við fallegum haustlitum og hitastig
þægilegt. Flogið var með WOW sáluga
um miðjan dag að íslenskum tíma og lent
í Barcelona um kl. 21 að þarlendum tíma.
Eina verkefni sem lá fyrir var að komast á
hótel, Hotel Novotel Barcelona San Joan
Despí, í útjaðri borgarinnar. Það gekk
eftir en því miður urðu nokkrir farþegar
fyrir því að töskur skiluðu sér ekki og ein
hjón voru svo ólánsöm að fá ekki töskur
sínar fyrr en í lok ferðar. Að öðru leyti
gekk þessi fyrsti leggur áfallalaust fyrir sig
og lögðust menn til hvílu um miðnætti í
höfuðborg Katalóníu.
Spánn er eitt af stærri löndum í Evrópu,
rúmlega 500 þúsund ferkílómetrar að flatar-
máli eða fimm sinnum stærra en Ísland
og þar búa nú 45 milljónir íbúa. Stærstu
borgirnar eru Madríd og Barcelona þar
sem við sváfum úr okkur flugþreytuna en
þangað komum við aftur eftir þrjá daga og
dvöldum þá og skoðuðum borgina betur.
Útsýni yfir sveitir í nágrenni við Montserrat. Mynd: BJ