Golf á Íslandi - 01.12.2014, Blaðsíða 24

GOLF Á ÍSLANDI • www.golf.is
24
Landsliðskylfingarnir Gísli Svein-
bergsson úr Keili og Bjarki Péturs-
son úr GB hafa samið við banda-
ríska háskólaliðið Kent State og halda
þeir utan næsta haust. Kent State er þekkt
nafn í golfheiminum og margir þekktir
kylfingar hafa komið úr röðum skólans
sem er staðsettur í Ohio fylki.
Gísli, sem er 17 ára gamall, hefur nú þegar
leikið með íslenska landsliðinu í golfi en
hann er án efa eitt mesta efni sem komið
hefur fram á Íslandi á undanförnum árum.
Gísli er í 107. sæti heimslista áhugamanna í
golfi og er það besti árangur hjá Íslendingi
frá því að listinn var settur á laggirnar árið
2007.
Bjarki mun í vor flytja til Þýskalands þar sem
hann mun æfa undir handleiðslu Arnars
Más Ólafssonar golfkennara. Áður en að því
kemur mun Bjarki fara til Bandaríkjanna í
byrjun desember þar sem hann mun æfa og
keppa fram að jólum.
Bæði Bjarki og Gísli eru miklir körfubolta-
áhugamenn og þeir ætla að nýta tækifærin
sem gefast til þess að sjá leiki með Cleveland
Cavaliers sem er aðeins í 40 mínútna fjar-
lægð frá Kent State.
„Ég ætla að standa mig gríðarlega vel og gera
Íslendinga stolta. Þessi skóli er vel staðsettur
fyrir mig og Bjarka. Við fáum hvíld í nóvem-
ber eftir keppnistímabilið hér heima og
getum því unnið í tækninni og styrkt okkur
líkamlega,“ sagði Gísli en hann nokkrir
háskólar hafa verið með hann í sigtinu
undanfarin misseri. Þjálfari frá Kent State
kom hingað til lands í maí á þessu ári þar
sem hann fylgdist með keppni á Egils-Gull
mótinu á Hellu.
Margir þekktir kylfingar hafa komið úr
röðum Kent State en Ben Curtis er án efa sá
þekktasti. Hann sigraði á Opna breska árið
2003 sem fram fór á Royal St Georges vell-
inum í Skotlandi en það var jafnframt fyrsta
risamótið sem hann tók þátt í.
Það fjölgar því kylfingum sem leika golf við
bestu aðstæður í Bandaríkjunum en nú þegar
eru 10 kylfingar við nám úr afrekshópi GSÍ.
Það að auki eru fleiri íslenskir kylfingar við
nám í Bandaríkjunum sem eru ekki í afreks-
hóp GSÍ. Þeir kylfingar sem eru í háskóla í
Bandaríkjunum og eru í afrekshóp GSÍ eru:
Andri Björnsson Nicholls State
Berglind Björnsdóttir Univ. of NC
at Greensboro - UNCG
Emil Þór Ragnarsson Nicholls State
Guðmundur Ágúst Kristjánsson East Ten-
nessee State
Guðrún Brá Björgvinsdóttir Fresno State
Gunnhildur Kristjánsdóttir Elon University
Haraldur Magnus Franklín Louisiana-Lafa-
yette
Ragnar Már Garðarsson McNeese State
Rúnar Arnórsson Minnesota
Sunna Víðisdóttir Elon University
GÍSLI OG BJARKI
Á FÖRUM TIL KENT STATE
ALLTAF Á LAUGARDÖGUM
ÞAÐ ER EINFALT AÐ SPILA
MEÐ SNJALLSÍMANUM
W W W. LOT TO . I S
Berocca® Performance er einstök samsetning
af B vítamínunum, C vítamíni, magnesíum og zínki.
Bættu frammistöðu þína með Berocca
- rannsóknir hafa sýnt að það ber árangur.
UPP Á ÞITT BESTA!ÞÚ
SYKURLAUST
Íslenskum
afrekskylfingum
fjölgar í Bandaríkjunum