Golf á Íslandi - 01.12.2014, Side 46

GOLF Á ÍSLANDI • www.golf.is
46
FRÁBÆR ÁRANGUR HJÁ
KARLASVEIT KEILIS Á
EM KLÚBBALIÐA
„Þetta er skrítnasta mót sem ég hef tekið þátt í“
„Þetta er skrítnasta mót sem ég hef tekið
þátt í,“ sagði Gísli Sveinbergsson eftir að
karlasveit Keilis hafnaði í 3.-4. sæti á Evr-
ópumóti klúbbaliða í Búlgaríu. Ofankoma
setti keppnishaldið úr skorðum en úrkoma
á fyrsta hringnum varð til þess að fyrsta
umferðin var felld niður og snjókoma varð
til þess að lokaumferðin var felld niður.
Aðeins ein umferð af alls þremur var því
leikinn
Axel Bóasson lék þessar 18 holur á höggi
undir pari, Gísli Sveinbergsson var á pari
vallar og Henning Darri Þórðarson lék
á +6 en tvö bestu skorin töldu. Árangur
Keilis er samt sem áður með því besta sem
Íslendingar hafa náð í þessari keppni. Parco
di Roma frá Ítalíu og Clube de Golfe de
Vilamoura frá Portúgal deildu efsta sætinu á
-6 samtals en Kelir var þar á eftir ásamt Keer-
bergen GC frá Belgíu.
„Veðrið var ekki að vinna með okkur á þessu
móti. Við spiluðum vel og það hefði verið
gaman að spila fleiri hringi,“ sagði Axel
Bóasson.
„Stemningin var góð hjá okkur eftir mjög
skrítið mót, þetta er skrítnasta mótið sem
hef tekið þátt í. Við vorum frekar svekktir að
hafa ekki klárað fyrstu umferðina en það er
ekkert hægt að gera í því. Við vorum efstir
á þeim tíma en það eina sem við gátum
gert var að halda áfram að spila vel. Þetta er
„sjúklega“ flottur völlur. Veðrið var eins gott
og það gat verið fyrir mótið, +20 stiga hiti
og logn. Okkur brá því frekar mikið þegar
við sáum allt þakið í snjó á lokadeginum.
Þetta var samt sem áður mjög skemmtileg
ferð í skemmtilegum félagsskap,“ sagði Gísli
Sveinbergsson sem bætti því við að keppnis-
völlurinn hafi hentað Keilismönnum mjög
vel.
Mótshaldarar tóku ákvörðun snemma dags
að stöðva leik og kalla keppendur inn í
klúbbhús vegna úrkomu. Þeir ákváðu síðan
að skorið á fyrsta hringnum yrði fellt niður
aðeins hálftíma síðar í stað þess að bíða
aðeins lengur og meta stöðuna.
„Þetta var frekar undarleg ákvörðun hjá
mótsstjórninni að stroka út skorið í þess að
bíða eftir því að rigningin hætti. Það þýðir
ekkert að svekkja sig á því – svona er þetta
bara,“ sagði Axel.
Svona leit keppnisvöllurinn út í Búlgaríu á æfingadeginum fyrir mótið. Þannig var útsýnið yfir sama svæði á lokakeppnisdeginum.
Íslandsmeistarasveit Keilis í kvennaflokki
endaði í 10. sæti á European Ladies Club
meistaramótinu sem fram fór í Þýska-
landi 2.-4. okt. Þórdís Geirsdóttir, Anna
Sólveig Hinriksdóttir og Margrét Saga
Hinriksdóttir skipuðu sveitina en Signý
Arnórsdóttir gat ekki verið með vegna
vinnu. Guðrún Brá Björgvinsdóttir var
fjarverandi en hún stundar nám í Banda-
ríkjunum og Tinna Jóhannsdóttir var liðs-
stjóri. Alls voru leiknir þrír hringir og var
fyrsti keppnisdagurinn erfiðastur hjá Keili
en tvö bestu skorin í hverri umferð taldi.
Þórdís Geirsdóttir (87-79-85)
Sara Margrét Hinriksdóttir (87-93-85)
Anna Sólveig Snorradóttir (92-78-78)
KVENNASVEIT KEILIS
ENDAÐI Í 10. SÆTI Á EM
Í ÞÝSKALANDI
Anna Sólveig byrjaði illa en lék ágætlega í næstu
tveimur hringjum í Þýskalandi.
islandsbanki.is Netspjall Sími 440 4000 Facebook
Gjöf sem þú getur verið viss um að hittir í mark
Gjafakort Íslandsbanka er gjöf með endalausa möguleika. Kortið gildir
eins og önnur greiðslukort jafnt í verslunum um allan heim og á netinu.
Þú færð gjafakortið í fallegum umbúðum í næsta útibúi Íslandsbanka
Gjafakort Íslandsbanka
Gjöf sem er alltaf
efst á óskalistanum