Golf á Íslandi - 01.12.2014, Side 62

GOLF Á ÍSLANDI • www.golf.is
62
hirtur og skemmtilegur að heimsækja. Það
er ekki grundvöllur að fara í að stækka í 18
holur – stærðin á samfélaginu leyfir það ekki.
Reksturinn hefur gengið ágætlega hjá okkur
undanfarin ár og klúbburinn er ekki skuld-
settur. Klúbbhúsið er gömul kennslustofa úr
Fjölbrautaskóla Vesturlands á Akranesi og
húsið rúmar okkar starf með ágætum. Það er
búið að byggja pall í kringum húsið og þetta
er fínn samkomustaður.“
Gott samstarf við bæjarfélagið
Mostri hefur á undanförnum misserum séð
um að reka tjaldsvæði Stykkishólmsbæjar og
séð um umhirðu á fótboltavellinum.
„Við tókum að okkur að reka tjaldsvæðið
fyrir Stykkishólmsbæ fyrir nokkrum árum
og það hefur breytt ýmsu í okkar rekstri. Það
gerir okkur kleift að hafa klúbbhúsið meira
opið enda er tjaldsvæðið alveg við golfvöll-
inn og vegalengdirnar ekki miklar. Þar að
auki sjáum við um umhirðinu á knattspyrnu-
vellinum ásamt tjaldsvæðinu,“ segir Eyþór
en tveir til þrír starfsmenn vinna á Víkurvelli
yfir sumartímann fyrir utan þá sem koma að
þjónustunni í golfskálanum og tjaldsvæðinu.
Samstarfið við sveitarfélagið hefur einnig
verið með ágætum. Við höfum fengið aðstoð
við mannahald ásamt ýmsu öðru.“
Aðsóknin á Víkurvöll hefur verið með
ágætum og aukist jafnt og þétt á undan-
förnum árum. Það er í takt við þá fjölgun
sem hefur átt sér stað í golfíþróttinni.
„Undanfarin sumur hafa verið frekar erfið
vegna veðurfars en vonandi koma góð sumur
á ný. Það fer lítið fyrir heimsóknum erlendra
ferðamanna sem eru hingað komnir til þess
eins að spila golf. Það eru samt sem áður
alltaf erlendir ferðamenn sem spila á hverju
sumri enda er nálægðin við tjaldsvæðið
mikil,“ segir Eyþór en hann er ánægður með
samstarfið við aðra golfklúbba á Vesturlandi.
„Konurnar hafa verið sérstaklega duglegar
að hittast og Vesturlandsmótið hjá þeim er
árviss viðburður. Hér á Snæfellsnesi erum
við í góðu samstarfi við Vestarr á Grundar-
firði ásamt hinum klúbbunum. Ef eitthvað
bilar í vélunum yfir hásumarið þá leita menn
til hvers annars og það eru allir tilbúnir að
aðstoða ef því er að skipta,“ segir Eyþór
Benediktsson formaður.
Markmiðið er að gera völlinn að
góðum 9 holu velli sem er vel hirtur
og skemmtilegur að heimsækja.
Það er ekki grundvöllur að fara í að
stækka í 18 holur – stærðin á sam-
félaginu leyfir það ekki.
“