Golf á Íslandi - 01.12.2014, Page 28

GOLF Á ÍSLANDI • www.golf.is
28
„Ég reyni að
sinna krökk-
unum mínum
fram að golfæf-
ingunum sem
eru í um tvo tíma
síðdegis. Ég tek
kvöldmat með
fjölskyldunni og
síðan tekur við
að koma börn-
unum í rúmið“
Ecco atvinnumótaröðina í haust og var ná-
lægt því að komast áfram. Hann segir að sú
reynsla hafi verið skemmtileg og hann ætli
sér stærri hluti á næsta ári.
Ætlar að toppa í september
á úrtökumótunum
„Þetta var skemmtileg reynsla en það var
leiðinlegt að hafa ekki komist áfram. Ég veit
það sjálfur að ég á fyllilega heima á þessari
mótaröð. Staðan á mér eftir þetta er mjög
góð. Ég veit mun betur núna hvað þarf að
vera í 100% lagi fyrir næsta úrtökumót.
Næsta ár verður mjög annasamt hjá mér
en það er á dagskrá að byrja keppnistíma-
bilið mun fyrr en ég gerði í fyrra. Ég stefni
á að fara strax í febrúar á mót sem fram
fer í Portúgal. Í lok mars er stefnan sett á
úrtökumót fyrir EuroPro mótaröðina á
Bretlandi. Í kjölfarið stefni ég á að spila í 2-3
mótum á Nordic Ecco mótaröðinni samhliða
því að leika á sem flestum stigamótum hérna
heima. Þetta verður allt liður í því að ég verði
í sem besta keppnisforminu fyrir átökin í lok
september. Á þeim tíma mun ég taka þátt í
úrtökumótum fyrir Nordea mótaröðina og
Evrópumótaröðina.“
Kristján Þór er þegar farinn að æfa eins og
hægt er hér á landi en hann ætlar að setja
allt á „fulla“ ferð í janúar. „Í janúar ætla ég
að æfa fimm sinnum í viku – þar sem mesta
áherslan verður lögð á stutta spilið. Það eru
tvær æfingaferðir á dagskrá – ein í febrúar og
önnur í apríl.“
Sofnar oft í sófanum
Það er í nógu að snúast hjá Kristjáni en
hann er í sambúð og á þrjú börn – hann er í
byggingarvinnu í vetur og hefur einnig tekið
að sér ýmis aukastörf í veitingaþjónustu. Á
sumrin hefur hann verið að vinna hjá golf-
klúbbnum Kili og þar sem hann hefur verið í
umhirðu vallarins.
„Ég vakna snemma, svona korter í sjö, það
tekst ekki alltaf. Ég byrja að vinna 7:30 og
vinn til 16.30. Ég reyni að sinna krökkunum
mínum fram að golfæfingunum sem eru í
um tvo tíma síðdegis. Ég tek kvöldmat með
fjölskyldunni og síðan tekur við að koma
börnunum í rúmið. Það gefst tími til að
horfa á sjónvarpið um kl. 22 en oftar en ekki
sofna ég í sófanum yfir sjónvarpinu.“
Eimskipsmótaröðin þarf að fá meira
vægi í landsliðsvalinu
Landsliðsmálin voru mikið rædd í sumar í
golfhreyfingunni og þar fannst mörgum að
Kristján Þór hafi átt að fá tækifæri í lands-
liðinu. Kristján er á þeirri skoðun að auka
þurfi vægi Eimskipsmótaraðarinnar þegar
kemur að valinu á landsliðinu.
„Í mínum huga er það æðsta markmið hvers
kylfings að spila fyrir hönd Íslands á erlendri
grundu á stærstu mótunum. Ég leyni því
ekki að ég var svekktur að hafa ekki fengið
tækifæri í sumar með landsliðinu. Stigin á
Eimskipsmótaröðinni hafa vissulega gildi
þegar að kemur að vali í landsliðið fyrir
verkefni. Okkur var tilkynnt það á fundi í
vor hvernig valið myndi standa þannig að
það kæmi ekki neinum á óvart. Að mínu
mati mætti gera Eimskipsmótaröðina stærri
og veigameiri með því að hún telji meira til
landsliðs. Það er mín skoðun að þrjú efstu
sætin á stigalista Eimskipsmótaraðarinnar
ættu að fá sæti í landsliði Íslands hverju sinni
þegar valið er í verkefni. Mótanefnd GSÍ
gerði vel með því að bæta einu móti við í
byrjun sumarsins sem gerir landsliðsþjálfar-
anum auðveldara að velja í liðið. Það gefur
betri mynd á stöðu kylfinga fyrir valið á
liðinu sem keppir á Evrópumótinu. Við erum
að leika á þremur stigamótum fyrir það mót
og landsliðsþjálfarinn hefur því betri sýn á
hvernig staðan er á hópnum.“
Eins og áður segir ætlar Kristján að leggja
allt í sölurnar á næsta ári og hann á sér stóra
drauma varðandi framtíðina. „Á næstu
fimm árum sé ég sjálfan mig spila á Evrópu-
mótaröðinni. Ég á mér mjög stóra drauma,
bæði raunhæfa og kannski óraunhæfa. Mig
dreymir um að verða einn af þeim bestu í
íþróttinni og skapa mér nafn innan golf-
sögunnar,“ segir Kristján og leggur áherslu á
að hann þurfi að bæta margt í leik sínum til
að ná upp á næsta stig á ferlinum.
„Það er alltaf eitthvað sem má bæta en til
að ná næsta „getustigi“ þarf ég vera miklu
skarpari í „pitch“ höggunum. Þar er verk að
vinna og skekkjurnar eru stundum miklar.
Ég mun leggja mikla áherslu á þessi högg á
æfingum. Það kemur alltaf fyrir að maður
missir teighögg út í skóg eða eitthvað „drasl“.
Þar af leiðandi þarf maður að treyst á gott
„pitch“ högg til að bjarga parinu. Ég var ekki
nógu sterkur á þessu sviði á úrtökumótinu
fyrir Nordic Ecco mótaröðina í haust.“