Golf á Íslandi - 01.08.2015, Síða 40

er ótrúlega
Hluti af fjölskyldunni í 60 ár
„Undirbúningurinn hófst árið 2013 þegar við sóttum um að Íslandsmótið
færi fram á Garðavelli á 50 ára afmælisári Leynis árið 2015. Fljótlega eftir
að það var ljóst þá fórum við að undirbúa okkur. Við fengum góð ráð frá
Golfklúbbi Reykjavíkur og Golfklúbbi Kópavogs og Garðabæjar varðandi
ýmsa hluti við framkvæmdina,“ segir Guðmundur þegar hann er inntur eftir
því hvenær undirbúningur hófst hjá klúbbnum. Hann leggur áherslu á að
mikill metnaður sé hjá klúbbnum að halda glæsilegt Íslandsmót á frábærum
keppnisvelli.
Framkvæmdastjórinn bætir því við að
Leynir hafi fengið góðan stuðning frá
ýmsum aðilum.
„Akraneskaupstaður hefur stutt vel við
bakið á okkur með fjárstuðningi og við
fengum góðan styrk frá Menntamála
ráðuneytinu. Leynir var eitt félaganna
sem datt í lukkupottinn, en klúbburinn
hlaut fimm milljóna króna styrk vegna
aðstöðuuppbyggingar fyrir Íslandsmótið.
Við höfum gert margt fyrir þessi framlög,
bætt göngustíga og lagað teiga svo eitthvað
sé nefnt. Í raun eru ótal margir hlutir sem
við höfum gert í aðdraganda Íslandsmótsins
með góðri samvinnu við áðurnefnda aðila
og að sjálfsögðu alla samstarfs- og styrktar
aðila okkar til margra ára.“
Viktor Elvar var um tíma formaður Leynis
og hann þekkir alla innviði klúbbsins.
„Mitt helsta hlutverk er að samræma störf
sjálfboðaliða á meðan á mótinu stendur.
Guðmundur framkvæmdastjóri hefur
undirbúið rammann fyrir þetta mót mjög
vel og ég kem inn í þetta með honum og
öðrum sem eru í mótsstjórninni. Við þurfum
á bilinu 50-70 sjálfboðaliða á meðan mótið
fer fram í allskonar verkefni. Við vitum að
klúbbfélagar og bæjarbúar á Akranesi taka
þátt í þessu verkefni með okkur og þetta
verður bara skemmtilegt.“
Viktor vonast eftir því að veðrið verði sem
allra best eins og það er oftast á „Flórída
Skaganum“ eins og heimamenn kalla
Akranes oftast. Ef veðrið verður gott er von
á miklu fjölmenni á svæðið.
„Það verður nóg af bílastæðum fyrir kepp
endur og áhorfendur. Bílastæðin við Garða
völl verða ætluð fyrir keppendur og starfs
menn. Við munum setja upp bílastæði við
Ásabraut og í næsta nágrenni við Garðavöll
fyrir gesti. Það verður auðvelt aðgengi að
vellinum frá þessum stöðum sem verða vel
merktir. Við vonumst að sjálfsögðu til þess
að sjá sem flesta hérna. Það er mjög gott
að fylgjast með golfmótum hér á Garðvelli.
Þrátt fyrir að Akranes sé þekkt fyrir að vera
slétt þá er mikið af landslagi á Garðavelli
þar sem gott er að staðsetja sig og fylgjast
með bestu kylfingum landsins.“
Séð yfir 4. flötina sem er ný á Garðavelli
og var ekki notuð árið 2004 þegar
Íslandsmótið fór þar fram í fyrsta sinn.
Það er metnaður okkar hjá Leyni að umgjörðin fyrir Íslandsmótið verði
með svipuðu sniði og undanfarin ár. Við verðum með áhorfendastúku
við lokaholuna, það verður stór og glæsilegur upplýsingaskjár á þeim
stað, svo eitthvað sé nefnt. Áhorfendur eiga að fá góða upplifun með
heimsókn sinni á stærsta golfmót ársins.
40 GOLF.IS - Golf á Íslandi
Alltaf gott veður á „FlórídaSkaganum“