Golf á Íslandi - 01.08.2015, Page 66

Úrval Útsýn |  Hlíðasmára 19 | 201 Kópavogi |  585 4000 |  uu.is
GOLF Á SPÁNI
– Í HAUST OG VETUR
HUSA ALICANTE HHHH
Tvíbýlí með morgunmat og golf með golfbíl.
VERÐ FRÁ: 179.900 kr.
á mann. m.v. 2 fullorðna.
GOLFSKÁLAFERÐIN HHHH
Ferð til Husa í samvinnu við verslunina Golfskálann.
Mikið fjör og mikið gaman.
VERÐ FRÁ: 188.400 kr.
á mann. m.v. 2 fullorðna.
PLANTIO ALICANTE HHHH
Íbúð með 2 svefnherbergjum, 2 baðherbergjum og
ALLT INNIFALIÐ.
VERÐ FRÁ: 219.900 kr.
á mann. m.v. 2 fullorðna.
GOLFSKÓLI Á PLANTIO HHHH
Lúxus íbúðir, flottur skógarvöllur við Alicante borg og
allt innifalið!
VERÐ FRÁ: 239.900 kr.
á mann. m.v. 2 fullorðna.
BÓKAÐU Á UU.ISTENERIFE Í FEBRÚAR
Gisting á hinni geysivinsælu Las Americas strönd
og golfið á Las Americas golfvellinum. Val um 1, 2
eða 3 vikur á timabilinu 2.–23. febrúar.
VERÐ FRÁ: 219.900 kr.
á mann. m.v. 2 fullorðna.
GETUM SNIÐIÐ
GOLFFERÐINA AÐ
ÞÍNUM ÓSKUM
VILTU VERA LENGUR EÐA SKEMUR,
EÐA KOMAST Í GOLFKENNSLU?
VIÐ BJÖRGUM MÁLUNUM
Titilvörn í annað
sinn: Það hefur engin
kona varið titilinn
á Íslandsmótinu frá
árinu 1996.
Búin að læra
mjög mikið
– Titilvörnin leggst
vel í Ólafíu Þórunni
Kristinsdóttur
Mér finnst Garðavöllur er
skemmtilegur. Þær holur sem
standa upp úr að mínu mati er
3.holan sem er skemmtilega
„lúmsk“ miðað við lengd,
næst kemur 4. holan er orðin
„geðveikt“ eftir breytingarnar
og í þriðja lagi er það 6. holan.
Á þeirri holur er oft erfitt að
taka ákvörðun hvað maður
gerir í teighögginu.
Ólafía Þórunn Kristinsdóttir úr GR mætir í titilvörn á Íslandsmótin í golfi
í annað sinn á ferlinum á Garðavelli þann 23. júlí. Ólafía þekkir því þessa
tilfinningu en hún sigraði í fyrsta sinn árið 2011 en náði ekki að verja titilinn
á Strandarvelli á Hellu árið eftir. Ólafía er reynslunni ríkari og hún ætlar
ekki að láta þá staðreynd trufla sig að engin kona hefur varið titilinn á
Íslandsmótinu í golfi frá árinu 1996 þegar Karen Sævarsdóttir úr GS sigraði
áttunda árið í röð.
„Titilvörnin leggst bara mjög vel í mig. Ég
klára mót í Belgíu á LETAS mótaröðinni
í vikunni áður en Íslandsmótið hefst. Ég
kem beint til Íslands legg lokahöndina á
undirbúninginn fyrir mótið á Garðavelli.
Þetta verður bara gaman og vonandi
verðum við heppin með veður,“ segir Ólafía
í samtal við Golf á Íslandi.
Þú náðir ekki að verja titilinn árið 2012 á
Hellu - og í raun hefur enginn kona náð að
verja titilinn frá því að Karen Sævars gerði
það í sjöunda sinn í röð. Ertu reynslunni
ríkari með þá hluti sem þarf að gera til þess
að verja titil?
„Já ég held það nú. Árið 2012 hafði þessi
„mýta“ kannski eitthvað að segja. En núna
er ég búin að læra mikið, sérstaklega á
andlega hlutann og hvernig maður á að
hugsa úti á golfvellinum. Ég læt ekki svona
hluti hafa áhrif á mig.“
Garðavöllur - hvernig ætlar þú að leggja
leik þinn upp á þeim velli, hvað þarf að
varast sérstaklega?
„Ég ætla bara að spila gáfulegt golf.
Þetta er fjögurra daga mót og hvert högg
skiptir máli. Maður má ekki við neinum
kjánalegum ákvörðunum og auka höggum
útaf því.“
Þú ert á fyrsta teig á fyrsta keppnisdegi að
slá fyrsta höggið. Hvaða hugsanir lætur
þú fara í gegnum hausinn á þér við slíkar
aðstæður?
„Ég reyni örugglega bara að hugsa sem
minnst. Ég þarf bara að vera þolinmóð og
slá eitt högg í einu,“ sagði Ólafía Þórunn
Kristinsdóttir Íslandsmeistari í golfi 2014.