Golf á Íslandi - 01.08.2015, Page 94

Þriðja mót ársins á Íslandsbankamótaröð barna og unglinga fór fram á Húsatófta­
velli í Grindavík dagana 19. – 21. júní s.l. Þetta er í fyrsta sinn sem mótaröðin fer
fram á þessum velli en Golfklúbbur Grindavíkur sá um framkvæmd mótsins.
Alls tóku 110 keppendur þátt og athyglis­
verður árangur náðist í mörgum flokkum.
Ingvar Andri Magnússon úr GR náði
bestum árangri allra en hann lék á -7
samtals og Henning Darri Þórðarson úr
GK lék einnig undir pari í elsta flokknum í
drengjaflokki.
Leiknar voru 54 holur í elsta aldurs­
flokknum hjá báðum kynjum en alls var
keppt í þremur aldursflokkum hjá báðum
kynjum. Tveir yngstu aldursflokkarnir léku
36 holur.
Næsta mót á Íslandsbankamótaröðinni er
sjálft Íslandsmótið í höggleik sem fram fer
á Korpúlfsstaðavelli. Það hefst 17. júlí og
stendur yfir í þrjá daga.
– Íslandsbankamótaröðin á Húsatóftavelli
í Grindavík í fyrsta sinn
Ingvar Andri lék best allra
Frá vinstri: Elmar Geir Jónsson viðskiptastjóri Íslandsbanka í
Reykjanesbæ, Daníel Ísak Steinarsson GK, Ingvar Andri Magnússon
GR, Kristján Benedikt Sveinsson GA.
Frá vinstri: Sigurlaug Rún Jónsdóttir GK, Saga Traustadóttir GR,
Elísabet Ágústsdóttir GKG, Elmar Geir Jónsson viðskiptastjóri
Íslandsbanka í Reykjanesbæ.
94 GOLF.IS - Golf á Íslandi
Ingvar Andri lék best allra