Golf á Íslandi - 01.08.2015, Síða 110

Gamla klúbbhúsið var fjarlægt áður en framkvæmdir hófust enda stóð
það á þeim stað þar sem nýja íþróttamiðstöðin rís. Öll starfsemi GKG er í
bráðabirgðahúsnæði í sumar en aðstaðan er öll hin prýðilegasta og fer vel
um gesti, klúbbfélaga og starfsfólk.
Bráðabirgðaaðstaðan er sunnan megin við
æfingapúttflötina. Þar voru settar upp tíu
gámaeiningar upp á 140 fermetra og þar að
auki er 120 metra tjald við veitingasöluna.
Í gámaeiningunum er „Siggi kokkur“ með
aðstöðu og geta um 40 gestir verið í sætum
í veitingasalnum. Í veitingatjaldinu geta
tæplega 100 manns setið til borðs.
„Íþróttamiðstöðin mun mun gjörbylta öllu
okkar starfi og það er tilhlökkun hjá okkur
í GKG að sjá þetta hús rísa,“ segir Agnar
Jónsson, framkvæmdastjóri GKG, í samtali
við Golf á Íslandi.
Íþróttamiðstöðin
verður gjörbylting
Allt gengur samkvæmt
áætlun og spennandi tímar
fram undan hjá GKG
Framkvæmdir við nýja íþróttamiðstöð GKG ganga
samkvæmt áætlun og var mikið um að vera á
byggingarsvæðinu þegar Golf á Íslandi leit þar
við um miðja júnímánuð. Þá var verið að setja
gólfeiningar niður á efri hæðina og gekk verkið
fumlaust fyrir sig. Stefnt er að því að mannvirkið
verði tilbúið í mars á næsta ári.
Stórt mannvirki: Stefnt er að því að nýja íþrótta­
miðstöðin verði tilbúin í mars á næsta ári.
Stemmning: Það fer vel um gesti og félagsmenn
GKG í bráðabirgðaaðstöðu við Leirdalsvöll.
Allt að gerast: Nýja íþróttamiðstöðin rís
hratt við Leirdalsvöll.
110 GOLF.IS - Golf á Íslandi
Íþróttamiðstöðin verður gjörbylting