Golf á Íslandi - 01.08.2015, Síða 132

Orkudrykkir eru ekki ætlaðir
börnum yngri en 15 ára.
Einar og Ágústa opnuðu Haukadalsvöll árið
2006 og Golfklúbburinn Geysir fagnar 10
ára afmæli sínu á næsta ári. Klúbbhúsið var
í upphafi á öðrum stað á vellinum en árið
2013 var starfsemin flutt í nýja klúbbhúsið.
Í kjölfarið hafa nokkrar breytingar verið
gerðar á vellinum. Að mati Golf á Íslandi
eru þær til hins betra og gera góðan völl
enn skemmtilegri og áhugaverðari. Ný flöt
er á sjöundu brautinni sem var áður sú
níunda og búið er að stytta brautina
töluvert. Sömu sögu er að segja af áttundu
brautinni sem var sú fyrsta áður, og hefur sú
breyting tekist vel til.
Það er erfitt að taka út einstakar holur
vallarins því flestar þeirra eru með sín
sérkenni og skiptar skoðanir eru um hvaða
holur vallarins standi upp úr í fegurð
og glæsileika. Tvær par 3 holur eru á
Haukadalsvelli, 3. og 5. braut. Þær eru
báðar við Almenningsá sem rennur af krafti
í gegnum völlinn. Þessar brautir eru í miklu
uppáhaldi hjá blaðamanni Golf á Íslandi
sem og lokaholan sem er par 5 hola og afar
eftirminnileg. Annað og þriðja höggið á
lokaholunni eru með þeim skemmtilegri
sem hægt er að slá á golfvöllum á Íslandi.
Eins og áður segir er bráðum áratugur
liðinn frá því að Haukadalsvöllur opnaði.
Völlurinn hefur á undanförnum árum
verið vinsæll viðkomustaður hjá erlendum
gestum og á hverjum einasta degi yfir
sumartímann koma erlendir gestir til þess
að leika golf og njóta veitinga á glæsilegri
verönd við klúbbhúsið við Haukadalsvöll.
Íslendingar eru einnig tíðir gestir.
Golf á Íslandi mælir með því að kylfingar
landsins setji það á listann hjá sér að leika
Haukadalsvöll á næstu misserum. Einstök
upplifun sem skilur eftir margar minningar.
Lokaholan heitir Blesi og er ógleymanleg
að öllu leiti. Innáhöggið á þessari par 5 holu
er skemmtilegt þar sem slegið er yfir á fyrir
framan flötina.
Fegurðin á Haukadalsvelli er engu
lík og hægt að gleyma sér við hverja
einustu braut.
Vallargjöldum á Haukadalsvöll er stillt í hóf og sérstaklega
hagstætt er að leika þar á virkum dögum fyrir félaga í GSÍ.
Sem dæmi má nefna að 5000 kr. hjónagjald er á virkum degi
fyrir 18 holur og 3500 kr. fyrir 9 holur. Börn 12 ára og yngri fá
frítt á völlinn og 13-17 ára greiða 1000 kr. fyrir 9 holur og 1700
fyrir 18 holur.
132 GOLF.IS - Golf á Íslandi
Einstök upplifun