Golf á Íslandi - 01.08.2015, Page 143

Við fáum mjög góða umsögn frá
gestum okkar sem koma hingað á
Gufudalsvöll. Það eru allir búnir að
gleyma því að það getur tekið á að
ganga upp fyrstu brautina þegar
þeir standa og njóta útsýnisins á
2. teig. Völlurinn er ekki langur,
hann er samt sem áður nokkuð
erfiður viðureignar en sanngjarn.
Auðunn Guðjónsson
formaður GHG.
„Það er búið að teikna upp
umtalsverðar endurbætur
á golfskálanum. Ef það
gengur eftir mun öllu verða
snúið við í skálanum og
sett á nýtt þak. Það er búið
að teikna þessar breytingar
og þetta er spennandi
verkefni. Vélakosturinn
hefur einnig verið í forgangi
hvað varðar endurnýjun og
við keyptum tvær notaðar
vélar nýverið sem nýtast
vel í þau verkefni sem við
erum með. Golfklúbburinn
er með samning við
Hveragerðisbæ og sér
um umhirðu á ýmsum
grasvöllum,“ segir Auðunn
Guðjónsson formaður GHG
þegar hann er inntur eftir
þeim framkvæmdum sem
eru á döfinni hjá klúbbnum.
Töluverðar breytingar hafa
orðið á áherslum í rekstri
GHG.
„Við höfum verið að skoða reksturinn frá
öllum hliðum og það var tekin ákvörðun
um að leggja niður stöðu framkvæmdastjóra
s.l. haust. Það var heilsársstarf en niðurstaða
stjórnarinnar var að reksturinn stæði ekki
undir því. Það er því mun meira um sjálf­
boðaliðastarf hjá okkur en áður en góður
og stór hópur hefur tekið sig saman um að
halda utan um rekstur klúbbsins. Að mínu
mati hefur tekist ágætlega til. Það er góður
andi í klúbbnum og félagsmenn eru tilbúnir
að leggja ýmislegt á sig til þess að hlutirnir
gangi upp. Í stjórninni eru alls tíu manns,
þar af þrír varamenn, og það eru allir mjög
virkir í starfinu.“
Lifnaði yfir starfinu með
betra veðri
Auðunn segir að sjálfboðaliðarnir hafi lagt
mikið á sig en um 220 félagar eru í GHG.
„Það hefur aðeins tekið á mannskapinn
sem er að vinna mikið í sjálfboðavinnu
að veðrið undanfarin tvö ár hefur ekki
verið gott. Og þetta kalda vor sem stóð að
okkar mati endalaust yfir gladdi okkur ekki
mikið. Það hefur lifnað yfir öllu starfinu
um leið og veðrið fór að lagast og hitastigið
fór að hækka. Um 220 félagsmenn eru
í GHG en þar af er um helmingurinn
félagar úr starfsmannafélögum í Reykjavík.
Golfklúbbur Borgarstarfsmanna og
Golfklúbbur Landsvirkjunar. Það búa
um 2300 manns í Hveragerði og við
náum rúmlega 5% af íbúafjöldanum í
klúbbinn en í GHG er talsvert af fólki af
höfuðborgarsvæðinu.“
Ímynd Gufudalsvallar er sú að völlurinn er
vel hirtur og skemmtilegur 9 holu völlur.
Og það mun ekkert breytast í náinni framtíð
að sögn formannsins.
„Við fáum mjög góða umsögn frá gestum
okkar sem koma hingað á Gufudalsvöll.
Það eru allir búnir að gleyma því að það
getur tekið á að ganga upp fyrstu brautina
þegar þeir standa og njóta útsýnisins á 2.
teig. Völlurinn er ekki langur, hann er
samt sem áður nokkuð erfiður viðureignar
en sanngjarn. Það eru nokkrar brautir sem
Hér er horft yfir áttundu flötina
en brautin er par 5 og mjög
skemmtileg.
GOLF.IS 143