Helgarpósturinn - 08.11.1984, Page 27
s
^^Fsem kunnugt er hugðist Sölu-
miðstöð hraðfrystihúsanna
bjóða út alla flutninga á fiskafurðum
sínum til erlendra hafna á frjálsum
markaði hér heima, en einhverra
hluta vegna höfðu Eimskip og fær-
eyskt skipafélag að nafni Star
Shipping hlotið hnossið áður en
hin skipafélögin á landinu höfðu
svo mikið sem séð útboðsgögnin.
Eins og gefur að skilja urðu íslensku
skipafélögin, utan Eimskip náttúr-
lega, mjög hlessa á þessari afgreiðslu
mála, ekki síst fyrir þær sakir að
nokkuð ljóst þykir að fyrrgreint
skipafélag úr Færeyjum sé alltof lít-
ið vexti til að annast þetta verkefni
á móti Eimskip. Ný stjórn SH var
kosin nýlega, og komu ungir og nýir
menn inn í hana, en formaðurinn
Eyjólfur ísfeld Eyjólfsson og
stjórnarformaðurinn Jón Ingvars-
son sátu áfram. Yfirmenn skipafé-
laganna sem urðu útundan í um-
ræddu dæmi, væna nú þessa gömlu
stjórnarmenn um að hafa klekkt á
ungliðum stjórnarinnar með því að
hafa komið einir þessu stóra verk-
efni yfir á Eimskip. Þess má reyndar
líka geta að Jón Ingvarsson, áður-
nefndur stjórnarformaður SH, er
sonur Ingvars Vilhjálmssonar
sem situr í stjórn Eimskips.. .
yrst við erum faán að ræða
um menn á réttum stööum í einka-
geiranum er kannski ekki úr vegi að
nefna að Eimskip annast alla flutn-
inga fyrir ÍSAL, en stjóri.arformað-
ur í ÍSAL er Halldór H. Jónsson
sem líka er stjórnarformaður í Eim-
skip. . .
O.......................
aðeins vegna SH þessa dagana,
heldur einnig SÍS. Astæðan er að
Sambandið hefur hingað til ekki
boðið skipafiutninga sína út. heldur
látið eigið skipafélag sjá að öllu leyti
um fiutningana. Petta er vænn biti,
og telja hin skipafélögin að SIS geti
náð mun hagstæðari kjörum á þess-
um flutningum ef það leggur í frjálst
útboð, og reyndar liggja fyrir tölur
um að slíkt kæmi öllum samvinnu-
mönnum til góða, hvort sem litið er
til inn- eða útflutnings. En SÍS dauf-
heyrist við þessum ráðlegging-
um.. .
TTrúnaðarmaður nokkur hjá
Eimskip í Sundahöfn hefur verið
fyrirtækinu erfiður ljár í þúfu. Málið
er að hann hefur þótt helst til of dýr
í sínum ábendingum á úrbætur, og
ef þær hafa ekki komist í gegn, hafa
verkamennirnir undir hans stjórn
einfaldlega hótað vinnustöðvun,
enda samstaða þeirra gríðarleg.
Ekki var annað vitað en að þessi
trúnaðarmaður hafi unað sér dável
í starfi sínu, og kom það því starfsfé-
lögum hans mjög á óvart þegar þeir
sáu hann aka inn hafnarkantinn í
Sundahöfn á dögunum á glænýjum
gámatrukk (svokölluðum trailer).
Trúnaðarmaðurinn var semsé orð-
inn eiginn atvinnurekandi og kom-
inn með þriggja ára samning við
Herjólf um flutninga fyrir firmað
tvisvar á dag og aukinheldur papp-
íra upp á vasann um að fá að flytja
undan nýja gámakrana Eimskips
þegar tími gæfist frá Herjólfsflutn-
ingunum. Verkamennirnir í Sunda-
höfn og nú fyrrverandi starfsfélagar
þessa manns, eiga enn enga skýr-
ingu á því hvernig þessi láglauna-
maður gat fengið lánafyrirgreiðslu
til kaupa á þessum líka flotta trailer,
aðra en þá að forráðamenn Eim-
skips hafi hreinlega keypt trúnaðar-
manninn út úr fyrirtækinu með
þessu móti, enda frægt orðið hvað
hann var orðinn þeim dýr í
rekstri. . .
■ rétt Helgarpóstsins í síðustu
viku um fyrirhugað partý hundrað
manna úrvalsliðs ASÍ á veitinga-
staðnum I Kvosinni á laugardags-
kvöldið, vakti slíkan skjálfta í her-
búðum samtakanna að um tíma leit
út fyrir að hætt yrði við allan glaurm
inn. Símalínur á skrifstofum ASÍ
voru rauðglóandi, enda margir æfir
útí verkalýðsfurstana að boða
til glens og gamans mitt í heitum
samningaviðræðum þeirra við at-
vinnurekendur sem þá stóðu enn
yfir. Fréttastjórar dagblaðanna í
Reykjavík voru meðal þeirra sem
slógu á þráðinn til ASÍ eftir að hafa
lesið þessa frétt HP, en erindi þeirra
var vitaskuld að biðja um leyfi til að
fá að ljósmynda veisluna. Þeir
fengu allir þvert nei. Engu að síður
var Ijósmyndari af NT sendur út af
örkinni á laugardagskvöldið. Hann
komst með lagni inn fyrir veislu-
dyrnar í Kvosinni þegar glaumur-
inn stóð sem hæst og menn að skála
í dýrum veigum. Þegar hann bjóst
til að munda apparatið sitt á liðið
fékk hann eftirfarandi afgreiðslu:
Þjónn á veitingastaðnum óð að hon-
um, greip hann föstu taki og dró
hann að útgöngudyrunum með
F R F F
S S Sn. Kmm
STYLE
K MMSKl rM
LOREAL
SKÚM íhárið?
Já — nýja lagningarskúmið
frá l'Oréal:
og hárgreiðslan verður
leikur einn.
dyggum stuðningi Ásmundar Stef-
ánssonar forseta ASÍ sem hvatti
þjóninn með þessum orðum: Gott
hjá þér, gott hjá þér! Á meðan
heyrðist dimmur hlátur Guðmund-
ar „Jaka“ Guðmundssonar úti í
sal. Það er af ljósmyndara NT að
frétta að hann fékk útkallið borgað
fyrir viðleitni en hafði lítið annað
upp úr krafsinu. . .
ESinn ósmekklegasti og grófasti
þjófnaður blaða á milli er stuldur
DV á Yfirheyrslu Helgarpóstsins,
sem verið hefur fastur þáttur blaðs-
ins frá upphafi. Fyrir nokkrum mánuð-
um byrjaði DV að birta svonefnda
,,DV-Yfirheyrslu“, hreina kópíu af
Yfirheyrslu HP að formi og lengd.
Eins og lesendur HP vita fylgja Yfir-
heyrslu Helgarpóstsins þrjár
myndir; tvær hliðarmyndir og í
midju ein mynd að öllu andlitinu.
DV var lengi með tvær hálfprófíl-
myndir, spegilmyndir af sömu
mynd í stælingu sinni. í síðasta mið-
vikudagsblaði DV brá hins vegar
svo við að myndirnar tvær af Stein-
grími Hermannssyni forsætis-
ráðherra voru ekki lengur spegil-
myndir heldur sitt hvor myndin og
nær í prófíl. Þess má reyndar geta að
sami Steingrímur Hermannsson var
í Yfirheyrslu Helgarpóstsins fyrir
tveimur tölublöðum. Nú bíða lands-
menn spenntir eftir að DV bæti
þriðju myndinni inn og fullkomni
þjófnaðinn. Að lokum má skjóta því
inn í, að annar fréttastjóri DV var
spurður að því á förnum vegi hvers
vegna í ósköpunum blað sem vildi
halda virðingu sinni stæli jafn aug-
Ijóslega efnisþætti sem Yfirheyrslu
beint frá Helgarpóstinum. Frétta-
stjórinn svaraði að bragði: „Þetta er
bara lögmálið þegar hinn stóri sest
á hinn litla." Og þá vitið þið það. . .
HELGARPÖSTURINN 27