Helgarpósturinn - 30.04.1987, Síða 31

Eins og
Jagúar
á 10 km
hrada!
Tölvuspjall við tölvu-
fríkin Friðrik og Berg-
þór Skúlasyni, sem nú
fyrir kosningar settu á
markaðinn forritið
Þjóðráð og seldu fyrir
slikk.
„Þjóðráður er tölvuforrit þar sem
hœgt er ad slá inn atkvœdatölur og
úthluta þingmönnum samkvœmt
nýjustu kosningalögum. Þetta er hið
einfalda; mesta vinnan er hins veg-
ar fólgin íþvíad búa til skemmtileg-
ar töflur og yfirlit, í heild og innan
kjördœma, yfir jöfnunarúthlutun-
ina og fleira sem er þó nokkud flók-
id í hinum nýju lögum," segja Friðrik
Skúlason og Bergþór Skúlason (þeir
eru ekki brœöur) um forritið Þjóð-
ráð, sem þeir leitudust við að setja á
markaðinn fyrir nýafstaðnar kosn-
ingar. Forritið seldu þeir á aðeins
1500 krónur og það er auðvitað
hœgt að nota aftur og aftur, að lög-
unum óbreyttum — þá þarf aðal-
lega að setja inn nöfn nýrra fram-
bjóðenda. Þeir Friðrik og Bergþór
eru miklir tölvuáhugamenn og hafa
undanfarin ár numið við Raunvís-
indastofnun Háskólans. Þeir sögðu
viðtökur við Þjóðráði hafa verið
góðar en að þeir hafi haft lítinn tíma
aflögu til að selja forritið.
„Þetta var ætlað fyrir tvenns kon-
ar markað má segja. Annars vegar
fyrir þá sem áhuga hafa af því að
leika sér með tölur og hins vegar þá
sem vilja skilja lögin, sem eru um-
talsvert flóknari en þau gömlu, en
það fylgdi handbók með leiðbein-
ingum. Við fórum seint af stað með
þetta og sinntum að auki kosninga-
útvarpi og kannski væri það ágætt
sem nú hefur verið minnst á, að kos-
ið yrði aftur í haust! Auðvitað viljum
við sterka og góða stjórn sem fyrst
en óneitanlega myndum við græða
á því að hafa kosningar í haust.“
Þeir félagar hafa unnið við fleiri
tegundir af forritum, meðal annars
hefur Friðrik unnið að gerð „staf-
setningarvilluleitarkerfis" sem enn
er að þróast og felur í sér athyglis-
verðar nýjungar. Vandamál eru í
veginum eins og breytingar á beyg-
ingafræði og svo auðvitað „slang-
ið“. En vafalaust leysast slíkir smá-
munir!
BYLTING Á SViÐI
GERVIGREINDAR
Til að festast ekki alveg í tölvu-
heiminum hefur Friðrik numið sál-
arfræði með og Bergþór byrjaði í
heimspeki. Friðrik segir að sá hlutur
sem hann hefur mikinn áhuga á,
gervigreindin, liggi að mörgu leyti á
mörkum sálfræðinnar og tölvu-
fræðinnar. Þá er átt við að tölvur
séu látnar ,,hugsa“.
„Þeir aðilar sem dæla mestum
peningum í rannsóknir á gervi-
greind eru t.d. bandarísku olíufélög-
in en sérstaklega þó bandaríski her-
inn, sem vitaskuld er að leita að
„gáfuðum" vopnum. Dæmi um siíka
afurð hersins er Cruising eldflaug-
arnar sem geta fylgt landslagi og
fundið skotmarkið. Þessi þróun
gervigreindar er auðvitað talsvert
áfall fyrir þá sem eru að grúska í hin-
um fræðilegu vandamálum; að her-
inn skuli hafa dottið inn á þetta
hagnýtingargildi. Mikið er um sér-
hæfða gervigreind, nefna má skák-
borðið og svo fréttaforrit sem gera
útdrátt úr kannski óhemju magni
frétta. Þá má nefna sjálfvirkar þýð-
ingar, sem eru auðvitað mikið
áhugamál stórra aiþjóðasamtaka og
stofnana. Framundan er síðan bylt-
ing í myndgreiningu, t.d. á hinum
ótölulega fjölda gervihnattamynda
við kortagerð og annað."
Þeir félagar nefna einnig hina
margumtöluðu „fimmtu kynslóð",
tölvudraum Japana, en reynast ekki
hafa mikla trúa á því að sá draumur
rætist.
DRAUMUR JAPANA RÆTIST
EKKI
„Fjölmargir af þeim vísinda-
mönnum sem voru í fararbroddi í
Japan hafa hreinlega verið keyptir,
t.d. af bandarískum háskólum. Það
eru nánast bara skriffinnarnir eftir!
Þá er það hitt, að Japanir hafa nán-
ast aldrei komið sjálfir með merki-
legar nýjungar, en hafa oft komið
með endurbættar og ódýrari útgáf-
ur skömmu á eftir hinni raunveru-
legu nýjung. Um þetta hafa Bretarn-
ir sagt: Fundið upp í Bretlandi, þró-
að í Bandaríkjunum, markaðssett í
Japan."
Framtíðin bendir einnig til ákveð-
innar upplýsingabyltingar. Þróunin
verður líklega sú að geysilegur fjöldi
sérhæfðra forrita verður markaðs-
séttur og að hinn almenni notandi
geti auðveldlega fengið hvaðeina
upplýsingar á auðveldan hátt og í til-
tæku formi án þess að hann þurfi
sjálfur að gera mikið. Inn í það spilar
almenn þróun eins og sú, að lykla-
borðin koma til með að hverfa með
auknum „skilningi" tölva á tákn-
máli. En hvað segja þeir félagar með
þetta í huga, tölvur hafa streymt inn
í landið í geysilegum mæli, eru fyrir-
Iiggjandi kerfi kannski þegar orðin
úrelt?
„Já, tæknilega séð og það fyrir
löngu. Fyrst og fremst þó einmenn-
ingstölvurnar. Hins vegar er það
vandamál uppi með þróuðustu
tölvukerfin, að hugbúnaðurinn er
kannski ekki til staðar. Apple 2 er
gjörsamlega úrelt kerfi, eins og
Ford-T módelið frá upphafi aldarinn-
ar, en lifir á því að það er til f jöldi for-
rita. En síðan er hægt að kaupa nýj-
ustu tækniundrin á markaðinum en
þú stendur berrassaður, vegna þess
að allan hugbúnað vantar. Annað
dæmi eru vélar eins og 8386
Compaq, sem eru tæknilega mjög
fullkomnar en hugbúnaðurinn sem
til er nýtir sér ekki vélina, svipað og
að keyra Jagúar-bifreið á 10 kíló-
metra hraða.“
Þeir Friðrik og Bergþór fengu
fyrst áhuga á tölvum í menntaskóla.
Það var ekki fyrr en háskólanám
var hafið að þeir hins vegar skiptu
yfir í tölvufræðina, eins og æ fleiri
gera.
NEMENDUR LAUNAHÆRRI EN
KENNARARNIR
„Það má segja að það séu tveir
hópar sem fara út í tölvufræðina,
annars vegar þeir sem hafa áhuga á
tölum og gaman af því að grúska í
tækinu sjálfu, en hins vegar þeir
sem sjá í þessu góðan vinnumarkað
og vilja taka þátt í tölvuvæðingunni.
En þetta er umfram allt tækninám
og þeir sem koma hingað fyrst og
fremst með viðskiptalega hagnýt-
ingu í huga lenda gjarnan í vand-
ræðum og skipta yfir í viðskipta-
fræðina! Þeir sem á hinn bóginn
klára tölvufræðina eru mjög vel
settir, vinnuframboð er meira en
nóg og nóg pláss fyrir alla. Margir af
bestu tölvumönnum landsins eru
sjálfmenntaðir og sumir þeirra sem
byrjuðu hér en féllu út eru nú jafnvel
orðnir yfirmenn þeirra sem útskrif-
uðust síðar! Það er ekki að sjá að
þetta breytist mikið á næstunni
hvað eftirspurn varðar, eins og t.d.
hefur gerst síðustu árin í viðskipta-
fræðinni, en sú menntun þykir í dag
álíka merkileg og stúdentspróf fyrir
20 árum og gagnfræðapróf fyrir 50
árum. Þetta er ekki sagt viðskipta-
fræðingum til lasts, þeir eru bara
orðnir svo margir og komnir inn á
svo mörg svið. í tölvufræðinni er
hins vegar mikil gróska og þróunin
ör. Eitt vandamál hér er þó að kenn-
arar í tölvufræðum eru of fáir og
þeir fáu sem eru vinna ómetanlegt
starf. Þeir gætu hæglega fengið
mun betri laun í einkageiranum.
Laun tölvuprófessors hér eru jafnvel
lægri en sumarlaun kauphæstu
nemenda hans! Flestir nemendurn-
ir fá síðan hærri laun en kennararn-
ir strax að námi loknu."
Þegar þeir félagar eru nánar
spurðir um tölvunotkun íslendinga
kemur í Ijós að ísland er miðað við
fólksfjölda tölvuvæddasta þjóð
heimsins að öllum líkindum! Hér
eru um 10 þúsund PC-tölvur og mik-
ill fjöldi einmenningstölva. Það sé
hins vegar góð spurning hversu vel
þessar tölvur allar séu nýttar.
FLESTAR TÖLVUR — OG
FÓTANUDDTÆKI!
„Mjög margar tölvur fara inn á
heimilin er sagt, en maður verður
ósköp lítið var við það. Maður veit
varla hvar allar þessar tölvur eru og
hvað verið er að gera með þær. Þó
er staðreynd að mörg fyrirtæki,
stofnanir og félög eru að gera góða
hluti með tölvur, við sáum það t.d.
hjá stjórnmálaflokkunum að þeir
eru að gera hagnýta hluti með tölv-
unum. En í fjölmörgum tilfellum er
tölvan nánast leikfang sem skilar
sér ekki sem fjárfesting, á heimilun-
um og mörgum fyrirtækjum. Það
breytir því ekki að við erum mjög
tölvuvæddir hér, enda ákaflega nýj-
ungagjarnir, eigum t.d. sennilega
líka heimsmetið í fótanuddtækja-
eign! Þá má nefna að mikið er um
að tölvur séu keyptar nánast sem
ritvélar, enda er reiknað með því að
í sumar fari ódýru PC-eftirlikingarn-
ar niður fyrir 30 þúsund krónur og
þá er maður kominn niður fyrir
verð á ritvél. í Bandaríkjunum eru
ódýrustu slíkar tölvur á 20 þúsund
krónur."
Á þessum nótum endar viðtalið,
sem þó hefði hæglega getað haldið
áfram allan liðlangan daginn, því af
nógu er að taka þegar tölvuveröldin
er annars vegar og þeir Friðrik og
Bergþór greinilega öllum hnútum
kunnugir. Vafalaust heyrist þó fleira
frá þeim í náinni tölvuvæddri fram-
tíð... •
HELGARPÓSTURINN 31