Helgarpósturinn - 26.05.1988, Blaðsíða 24

Ólafur Engilbertsson vinnur sérkennilegar myndir með aðstoð óvenjulegrar
tölvutækni.
Rafmagnið er á
Tölvumyndasýning í Bókakaffi v/Gardastrœti
Um þessar mundir sýnir myndlist-
argagnrýnandi HP, Ólafur Engil-
bertsson, verk sín í Bókakaffi við
Garðastræti. Hér er um allsérstæða
sýningu að ræða, og hefur viðlíka
að öilum líkindum ekki sést hér á
landi fyrr. Ólafur kallar sýningu sína
Rafmagnid er á.
Alls sýnir Ólafur tólf myndir sem
unnar eru með tölvutækni. Þær eru
unnar með teikniforritinu Lumena
frá Time Arts í Kaliforníu, en þar
vann Ólafur myndirnar. Frummynd-
irnar, sem listamaðurinn sýnir í
kveri sem fá má á sýningunni, voru
teknar inn á tölvuskjá með vídeó-
tökuvél. Þeim var síðan breytt.
Punkt fyrir punkt. Lit fyrir lit. Við
slíkar breytingar gefast óendanlegir
möguleikar sem glöggt má sjá á sýn-
ingunni. Ólafur viðhefur engar for-
skissur, myndirnar ráða sér nokkuð
sjálfar, umskapa sig sjálfar. Vinnsla
hverrar myndar tekur mjög stuttan
tíma, 3—8 klukkustundir, og Ólafur
segir það henta vel við útfærslu hug-
myndanna, sem reyndar eru mjög
lauslegar að baki hverri mynd. Þrátt
fyrir að ákveðnar raunverulegar
fyrirmyndir séu til staðar er útkom-
an ekki lík þeim í neinum skilningi,
því oft er verið að fást við aðeins
agnarlitið brot frummyndarinnar í
tölvunni. Samt er byggt á raunveru-
leika ljósmyndarinnar og einn af
óteljandi draumveruleikum hennar
leiddur fram í rafeindabirtuna. Eng-
in bið eftir málningar- eða lím-
þurrki — bara að setja rafmagnið á.
Til verða eins konar íkon úr rusli,
túristamyndum og viðlíka efni.
Skyggnitökuvél er einnig tengd inn
á tölvuna og þannig er unnt að ná
því sem næst fullkomnum mynd-
gæðum þrátt fyrir að um þrjá milli-
liði sé að ræða; ljósmynd í tölvu,
tölvu á skyggnu og skyggnu á ljós-
mynd. Eins og áður segir er ekki
unnið út frá neinni ákveðinni hug-
mynd, aðeins mjög lauslegri, og
með tækninni nær listamaðurinn að
umskapa raunveruleikann í mjög
svo sérkennilegar myndir. Myndir
sem virðast í hæsta máta draum-
kenndar og óraunverulegar en eiga
sér samt fulla stoð í rauveruleikan-
um.
Sýning Ólafs í Bókakaffi við
Garðastræti stendur til annars
sunnudags og er opin alla daga frá
9—22 og á laugardögum frá 10—22.
Á sunnudögum frá 14—22. Allar
myndirnar eru til sölu og er hver
þeirra framkölluð í tólf eintökum.
kk
Minjar og saga
Farvegur fyrir góðar hugmyndir“
5*
Minjar og saga, nýstofnað félag
áhugafólks um málefni Þjóðminja-
safnsins, heldur fyrsta félagsfund
sinn í safninu í dag, fimmtudag, kl.
17.15.
„Félaginu er ætlað að styðja við
starfsemi Þjóðminjasafnsins, vekja
áhuga á því og virkja þann áhuga
sem er fyrir hendi," sagði Katrín
Fjeldsted, læknir og formaður fé-
lagsins, í samtali við Helgarpóstinn.
Til þess að ná fram markmiðum
sínum hyggst félagið m.a. halda
fræðsluerindi og efna til skoðunar-
ferða á merka staði þar sem forn-
leifauppgröftur fer fram. Félagið
hefur t.d. ákveðið skoðunarferð út í
Viðey um mánaðamótin ágúst-sept-
ember, en Viðeyjarstofa verður ein-
mitt vígð á afmælisdegi Reykjavík-
ur, þann 18. ágúst næstkomandi.
Magnús Sædal hjá byggingadeild
borgarverkfræðins og Margrét Hall-
grímsdóttir fornleifafræðingur ætla
að gefa félagsmönnum og öðrum
fundargestum í dag forsmekk að
þeirri ferð og segja frá uppgreftrin-
um sem farið hefur fram í Viðey og
jafnframt sýna myndir. Annar fund-
ur félagsins hefur verið ákveðinn í
lok júní. Þá ætlar Magnús Magnús-
son, sjónvarpsmaður frá Bretlandi,
að segja frá uppgreftri í Jórvík á
Bretlandi. Þar hefur verið grafinn
upp víkingabær, og að sögn Katrín-
ar stendur fólk í biðröðum í margar
klukkustundir til að skoða minjarn-
ar.
„Það sýnir bara að það er hægt að
gera ýmislegt til að efla þennan
áhuga,“ sagði Katrín.
Félagið er líka að undirbúa útgáfu
fréttabréfs og mun fyrsta tölublaðið
væntanlega sjá dagsins ljós í næsta
mánuði.
Á síðastliðnu hausti var skipuð
nefnd undir forsæti Sverris Her-
mannssonar til að endurskoða lög
um Þjóðminjasafnið. Nefndin hefur
líka bent á að það þurfi að gera
breytingar á safninu, m.a. vegna
þess að nú hefur það fengið til um-
ráða húsnæðið þar sem Listasafnið
var áður. Og það voru nefndarmenn
sem komu að máli við Katrínu og
báðu hana að sitja í bráðabirgða-
stjórn félagsins.
Menningarstofnanir erlendis eiga
margar hverjar vináttufélög eins og
Minjar og sögu, en Katrín sagði að
ekki væru til hliðstæð félög hér á
landi. En er áhugi almennings á
Þjóðminjasafninu það lítill, að
svona vinafélag sé nauðsynlegt?
„Það hefur kannski verið til beinn
farvegur fyrir áhuga almennings.
Við vonum að með stofnun svona
félags sé kominn farvegur fyrir fólk
til að koma með góðar hugmyndir,"
sagði Katrín Fjeldsted.
Minjar og saga ætla að reyna að glæða áhuga landsmanna á fornminjum
okkar.
A stofnfundinum, sem haldinn
var 3. maí síðastliðinn, voru á annað
hundrað manns. Auk Katrínar voru
þau Sigríður Erlendsdóttir, Ólafur
Ragnarsson, Sverrir Kristinsson,
Friðjón Guðröðarson, Guðjón
Friðriksson og Sverrir Scheving
Thorsteinsson kosin í stjórn félags-
ins. Fundurinn í dag er öllum opinn.
— GB
Óvenjulegir
kammertónleikar
Á sunnudaginn verða haldnir í
Bústaðakirkju kammertónleikar.
Slíkt er kannski ekki sérlega í frá-
sögur færandi, nema hvað á þessum
tónleikum eru engar fiðlur en þær
eru sem kunnugt er yfirleitt leiðandi
hljóðfæri í kammertónlist. Þessir
tónleikar eru líka óvenjulegir fyrir
þær sakir að jafnhliða þeim verður
I/gls/7 /
haldin hljóðfærasýning.
Á þessum tónleikum leika alls átta
listamenn. Arnþór Jónsson selló,
Bryndís Björgvinsdóttir selló,
Richard Talkowsky, Richard Korn
kontrabassi og víólóne, Elizabeth
Dean víóla, Martin Frewer víóla,
Catherine Williams píanó og Anna
M. Magnúsdóttir semball.
Efnisskráin er fjölbreytt og ekki
munu hljóðfæraleikararnir leika all-
ir í einu. Byrjað verður á Sónötu eft-
ir Wagenseil fyrir 3 selló og kontra-
bassa, sem er óvenjuleg hljóðfæra-
skipan. Síðan frægur dúett fyrir
selló og kontrabassa eftir Rossini, þá
Requiem fyrir 3 selló og píanó eftir
Pöpper og að lokum Konsert í
d-moll fyrir 2 víólur, 3 selló, violone
og sembal. Þetta verk er þekktara
sem Sónata í g-moll fyrir viola da
gamba, en þarna hefur það verið
útsett fyrir aðra hljóðfæraskipan og
í stað þess að fiðlurnar leiki aðal-
hlutverkið eru það víólurnar sem
fara með laglínuna.
Eins og fyrr greinir verður jafn-
hliða konsertinum sýning á hljóð-
færum og eru þau öll smíðuð af
fiðlusmiðnum Hans Jóhannssyni.
Hans býr í Lúxemborg og smíðar
þar fiðlur við góðan orðstír og eru
öll hljóðfærin sem sýnd eru í notk-
un. Þ.e. hljóðfæri sem Hans hefur
smíðað fyrir tónlistarmenn hér
heima og þeir nota alla jafna.
Það má svo að lokum nefna að
þetta er næsta fjölþjóðlegur
konsert, þrír íslendingar, þrír Bretar
og tveir Bandaríkjamenn. Flestir
útlendingarnir hafa hér dvalist um
margra ára skeið og verið aufúsu-
gestir íslensku tónlistarlífi til efling-
ar. Eins og fyrr segir verða tónleik-
arnir í Bústaðakirkju á sunnudaginn
og hefjast klukkan 20.30.
KK
24 HELGARPÓSTURINN