Morgunblaðið - 23.07.1965, Blaðsíða 10

10
MORGUNBLADIÐ
Föstudagur 23. júlí 1965
UM síðustu helgi voru héraðs-
mót Sjálfstæðisflokksins hald-
in á þremur stöðum á Yest
fjörðum: á ísafirði, Bolungar-
vík og á Þingeyri. Geysimikil
aðsókn var að öllum þessum
mótum og töluðu þrír ræðu-
menn á hverjum stað og dag-
skrártilhögun sú sama og ver-
ið hefur á héraðsmótum
flokksins í sumar. Svavar
Gests og hljómsveit hans
skemmti með mjög fjölbreytt-
um skemmtiatriðum og ekki
má gleyma söngvurunum Elly
Vilhjálms og Ragnari Bjarna-
syni. Á öllum þessum mótum
talaði Ingólfur Jónsson ráð-
herra, en auk þess þingmenn
Sjálfstæðisflokksins í kjör-
dæminu og fulltrúar ungu
kynslóðarinnar. Á ísafirði
talaði Matthías Bjarnason, al-
þingismaður, í Bolungarvík
Sigurður Bjarnason alþingis-
maður frá Vigur og á Þing-
eyri Þorvaldur Garðar
Kristjánsson alþingismaður.
Af hálfu ungra Sjálfstæðis-
manna talaði á ísafirði Jökull
Guðmundsson verkamaður, í
Bolungarvík Sigurður Helga-
son framkvæmdastjóri úr
Kópavogi og á Þingeyri Jón
Stefánsson framkvæmdastjóri
á Flateyri.
Á ÍSAFIRÐI
Héraðsmótið á fsafirði var
haldið í Alþýðuhúsinu og var
mjög fjölsótt. Mótinu stjórn-
aði Bárður Jakobsson héraðs-
dómslögmaður, formaður Sjálf
stæðisfélags ísfirðinga. Á
meðan á mótinu stóð var erfitt
að ná tali af nokkrum manni,
en eftir að dansleikurinn hófst
með miklu fjöri náðum við tali
af Högna Þórðarsyni bæjar-
fulltrúa, sem um áraraðir hef-
ur verið í fylkingarbrjósti í
starfi Sjálfstæðisflokksins í
höfuðstað Vestfjarða. Báðum
við hann að segja okkur frá
því helzta, sem er að gerast
á ísafirði um þessar mundir.
— Mér finnst rétt að segja
frá því í upphafi, að á næsta
ári, nánar tiltekið 26. janúar
1966, á ísafjarðarkaupstaður
100 ára afmæli. Hefur verið
áformað að minnast þeirra
tímamóti á ýmsan hátt og
starfandi er afmælisnefnd að
undirbúningi hátáðahaldanna,
sem verða tvískipt: í fyrsta
lagi í kringum afmælið, en al-
menn hátíðahöld verða í júlí
næsta sumar og vonum við
að gamlir ísfirðingar og aðrir
fjölmenni þá til ísafjarðar.
Verður reynt að vánda til
hátíðahaldanna og hafa þau
fjöl'breytt. Frá hendi bæjar-
stjórnar er lögð á það rík
áherzla, að bæjarbúar sjálfir
taki þátt í þessum undirbún-
ingi með því að fegra hús sín
og lóðir.
— Atvinnuástand í bænum
er yfirleitt gott þó segja megi
að ennþá sé það of einhæft.
Nú er erfitt að fá vinnuafl
þannig að bæjarfélagið hefur
ekki getað haldið uppi fram-
kvæmdum vegna skorts á
verkamönnum í sumar. Mér.
finnst þó ástæða til að benda
á, að fjölbreytni í atvinnu-
lífinu er frafriundan, sérstak-
lega í iðnaði. Um þessar mund
ir standa yfir miklar fram-
kvæmdir hjá skipasmíðastöð
Marzellíusar Bernharðssonar.
Fyrir tveimur árum var þar
byggð stór dráttarbraut, sem
getur tekið upp allt að 400
lesta skipum og er það til
mikilla hagsbóta fyrir vest-
firzka bátaflotann, sem áður
þurfti að leita ýmist til Reykja
víkur eða Akureyrar og jafn-
vel til útlanda með sitt við-
hald vor og haust, að minnsta
kosti stærri skipin. Nú er ver-
ið að koma hér upp stálskipa-
smíðastöð hjá Marzellíusi og
er þegar búið að reisa hús,
þar sem hægt verður að
byggja inni 330—350 lesta
stálskip. Er nú verið að koma
þar fyrir vélum og tækjum.
Við bindum miklar vonir við
þessa starfsemi og teljum að
hún muni veita mörgum at-
vinnu og aðrar iðngreinar
njóti góðs af. Annars er rétt
að benda á það, að hjá skipa-
smíðastöðinni hefur nú síðari
árin eingöngu verið um við-
haldsvinnu að ræða, en okkur
vantar illilega nýsmíði og
þarf að leggja mikla áherzlu
á aukna skipasmíði innan-
lands.
— Þá má geta þess, að hér
hefur verið starfandi nokkur
undanfarin ár iðnfyrirtæki,
sem nefnist Fjöliðjan og fram
leiðir sinangrunargler, og er
sú framleiðsla seld viða um
land og hefur líkað mjög vel.
Hefur þetta fyrirtæki veitt
mörgum ágæta og stöðuga at-
vinnu. Forráðamenn þess eru
nú að undirbúa stofnun verk-
smiðju til framleiðslu á mið-
stöðvarofnum í samráði við
Finnbjörn Finnbjörnsson
tsafirði
brezkt fyrirtæki og er það
mál komið á allgóðan rekspöl.
Er búizt við að sú verksmiðja
myndi veita talsvert mikla
atvinnu.
— Rétt um þessar mundir
er svo nýtt iðnfýrirtæki að
taka til starfa hér á ísafirði,
en það er verksmiðja til fram-
leiðslu á plastflotum fyrir
síldarnætur, þorskanet' og
fleiri gerðir af netum. Má bú-
ast við að vestfirzki bátaflot-
inn eigi mikil viðskipti við
það fyrirtæki. Að því standa
sömu aðilar og framleiða hér
Torginol-efnin. bæði máln-
ingu og efni til að 1"""^ á
gólf í dúka stað.
— Þá vil ég víkja að bygg-
ingaframkvæmdum í bænum,
sem nú eru með mesta móti. í
fyrrasumar var byrjað á 1.
áfanga nýrrar byggingu barna
skóla. Skólahúsið, sem fyrir
er, var byggt árið 1901 og er
orðið of lítið og þrengsli mik-
il, enda munu börn á skóla-
skyldualdri hér vera um 400.
í þessum fyrsta áfanga, sem er
tvílyft hús við Austurveg,
verða 8 kennslustofur, skrif-
stofa skólastjóra og kennara-
stofa. Nú er að hefjast smíði
á samkomusal fyrir skólann,
sem er áfastur við þá álmu,
sem byggð var í fyrra. Gagn-
gerar viðgerðir hafa verið
gerðar á gamla skólahúsinu
og verður það tengt þessum
nýbyggingum, en fyrirhugað
er að það verði fjarlægt þegar
síðari hluti nýja skólahússins
verður byggður. Áætlað er að
þessi fyrsti áfangi og sam-
komusalur kosti 13-14 millj.
kr. og greiðir bæjarsjóður
helming. Þetta er stærsta
framkvæmd bæjarfélagsins
um þessar mundir.
— Þá hefur bæjarstjórn
samþykkt að byggt skuli fjöl-
býlishús á vegum bæjarins og
er það mál í undirbúningi.
Byggingarfélag verkamanna
á nú í smíðum 2 fjölbýlishús
með samtals 16 íbúðum, 12
Magnús Ragnarsson
Bolungarvík
fjögurra herbergja íbúðum og
4 tveggja herbergja íbúðum
og er búizt við að hægt verði
að flytja inn í flestar þeirra
á þessu ári. Auk þess eru all-
mörg hús og íbúðir í smíðum
í bænum. Nýlega var rifið
gamalt verzlunarhús Verzl.
Björns Guðmundssonar, og er
verið að byggja þar verzlunar-
og íbúðarhús.
Fyrir nokkru er ' hafin
bygging mjólkurstöðvar og
standa að henni bændur úr
nærsveitum ísafjarðar og
Kaupfél. ísfirðinga. Þetta
verður stór og mjög fullkom-
in mjólkurstöð, sem á að full-
nægja þörfinni fyrir slíka
starfsemi um langa framtíð.
— Mér finnst rétt að það
komi fram, að það háir tals-
vert byggingum íbúðarhúsa
hér í bænum, hvað landrými
er af skornum skammti og í
mjög náinni framtíð verður
erfitt að hafa tiltækar bygg-
ingarlóðir og nú þegar er
þetta orðið mikið vandamál.
Nýtt skipulag af ísafjarðarbæ
hefur verið gert af Skipalags-
stjórn ríkisins og liggur það
fyrir hjá bæjarstjórn til at-
hugunar og nokkrir þættir
þess hafa þegar verið sam-
þykktir.
— Á undanförnum árum
hefur verið unnið mikið að
malbikun gatna í bænum og
því verið haldið áfram í sum-
ar; nokkrar götur og enn-
fremur bifreiðastæði og opin
svæði í bænum verið malbik-
uð. Ætlunin er að búa tvær
götur, Túngötu og Suðurgötu
undir malbikun með endur-
nýjun og nýlögn vatns og
skólplagna. íþróttavöllur var
tekinn í notkun í fyrra, en þar
er enn mjög mikið verk óunn-
ið. Fyrirhugað er að gera
sjóvarnargarð við Sundstræti,
en um þessar framkvæmdir
fer eftir því hvernig tekst að
fá vinnuafl til þeirra.
— Hafnarnefnd hefur sam-
þykkt að steypt verði 12 m.
Guðfinnur Einarsson
Bolungarvík
breið plata á nýja bátahafnar-
uppfyllingunni og áformað að
setja fullkomna raflýsingu á
hafnarsvæðinu og stefnt að
því að verkinu verði lokið í
sumar. Þá hefur hafnarnefnd-
in samþykkt að óska eftir því
við yitamálaskrifstofuna, að
gert verði heildarskipulag af
ísafjarðarhöfn með tillögum
um stækkun á viðleguplássi
og auknu athafnasvæði.
— Útgerð héðan frá ísafirði
fer vaxandi og mörg ný og
stór fiskiskip hafa bætzt við
á undanförnum árum. Jafn-
framt hafa frystihúsin stækk-
að og verið endurbætt og hafa
góða aðstöðu til móttöku og
verkunar á fiski. Niðursuðu-
iðnaður er hér töluvert mikill
og byggist mest á rækjunni úr
Djúpinu, en mikil nauðsyn er
á öflugum . stuðningi ríkis-
valdsins við þá iðngrein til
uppbyggingar og öflunar
nýrra markaða og til meiri
fjölbreytni í framleiðsluhátt-
um.
— fsfirðingar byggja miklar
vonir á framkvæmdaáætlun
Vestfjarða og þeim þætti, sem
nú er verið að framkvæma í
samgöngumálum byggðar-
lagsins. Ég tel mikla nauðsyn
á því, að við áframhaldandi
áætlanagerð fyrir Vestfirði
vinni sérfræðingar hins opin-
bera í auknum mæli með
heimamönnum svo að saman
fari sérfræðiþekking og
reynsla og kunnugleika heima
manna. .
— í bænum starfar barna-
skóli, gagnfræðaskóli, hús-
mæðraskóli, tónlistarskóli og
iðnskóli og mikil ánægja er
hér yfir samþykkt Alþingis
á framvarpinu um mennta-
skóla á ísafirði og miklar von
ir bundnar við hann varðandi
menntun unga fólksins og að
hann muni verða lyftistöng í
menningarlífi bæjarins.
— Félagslíf hefur yfirleitt
verið öflugt hér í bæ og marg-
ur einstaklingur lagt þar fram
Matthías Guffmundsson
Hrafnabjörgum -
mikið og óeigingjarnt starf,
þó öll félagsstarfsemi sé nú
erfiðari en áður vegna mikill-
ar atvinnu og margs annars,
sem tekur tíma frá mönnum.
— Það er bjargföst trú min,
að ísafjörður eigi að geta eflzt
og dafnað í framtíðinni og
fólkinu geti fjölgað og vegnað
hér vel, ekki síður en annnars
sfaðar.
Einn af góðborgurum ísa-
fjarðar er Finnbjörn Finn-
björnsson málarameistari,
skemmtilegur og ræðinn mað-
ur, sem kann frá mörgu að
segja, þótt fátt eitt af þvi
verði fest hér á blað. Finn-
björn mun einn elzti iðnrek-
andi á ísafirði.
— Ég byrjaði sjálfstætt hér
árið 1923 og hefi stundað mína
iðn síðan og einnig verzlun.
Oddur sýslumaður Gísilason
veitti mér verzlunarleyfið.
Hann klappaði á öxlina á mér
og minnti mig á, að ég væri
ekki verzlunarlærður og þessu
fylgdu réttindi og jafnframt
skyldur. Ég verzlaði aðallega
með málningarvörur, veggfóð
ur, gólfdúka o.fl. Ég auglýsti
í marga áratugi í Vesturlandi
„Málið meira!“ Þetta var orð-
in föst auglýsing í Vesturlandi
og bankastjórar og aðrir góðir
menn buðu mér ekki góðan
dag, heldur sögðu við mig:
„Málið meira!“ Þeir, sem selja
málningu, þurfa eiginlega
ekki að auglýsa annað.
— Jú, blessaður Vertu, það
var oft mikið að gera og mað-
ur er búinn að slíta sér út á
því að fegra ísafjörð utan og
innan, en eftir því hefi ég ekki
séð. Öll þessi mannvirki, skip
og hús, litlu illa út ef ekki
væri málarinn. Já, heimurinn
væri ljótur ef ekki væri mái-
arinn.
— Nú er ég bráðum 74 ára
og hættur að starfa að mestu
leyti; var þó uppi í kirkjunni
að mála hlerana í turninum.
— Jú, ég er meðhjálpari við
kirkjuna og ég á sæti í þrem-
ur nefndum: sáttanefnd, sókn-
arnefnd og Áfengisvarnaráði
og verið á mörgum fundum i
sáttanefnd og fengið fyrir það
12-15 krónur á 12-15 árum.
— Hvert er viðhorf þitt til
ísafjarðar í dag, FinnbjörnT
— ísafjörður er ódrepandi.
það hafa oft skipzt á skin og
skúrir í atvinnumálunum, en
ég hefi aldrei viljað flytja
héðan þrátt fyrir ítrekuð til-
mæli Sunnlendinga og ann-
arra, sem hafa spurt hvera
vegna maður væri að hanga
hérna fyrir vestan þegar ekk-
ert væri að gera. Ég hefi alltaf
svarað því til, að það sé ekki
aðalatriðið hvar maður lifir,
heldur hvernig maður lifir.