Morgunblaðið - 16.08.1974, Blaðsíða 14
14
MORGUNBLAÐIÐ, FÖSTUDAGUR 16. ÁGUST 1974
Blessunars traumar
í 75 ár
ÍSLANDI 75 ÁRA
PRENTARAVERKFALLIÐ í vor varð
til þess að menn fóru á mis við
ýmsar fréttir, sumir sendu
fermingarskeytin of snemma, aðrir
misstu af afmælum eða fréttu of
seint um merkisatburði
Þrátt fyrir þessa erfiðleika voru um
200 konur saman komnar til fagn-
aðar hinn 30 apríl í tilefni af 75 ára
afmæli KFUK daginn áður
KFUK, Kristilegt félag ungra
kvenna, hefur tekið þátt í uppeldi og
mótun æskunnar í Reykjavík í 7 5 ár,
vaxið með bænum og náð til svo
margra einstaklinga, að ómögulegt
er að láta vera að minnast félagsins
opinberlega á þessu afmælisári.
Upphafið
va árið 1899. í janúar sama ár
hafði sr Friðrik Friðriksson stofnað
félag fyrir drengi, KFUM Fundir
þeirra voru haldnir í hegningarhús-
inu við Skólavörðustíg Ein dóttir
fangavarðarins, María Sigurðardótt-
ir, gekk á sr Friðrik og spurði, hvort
stúlkur mættu ekki koma á þessa
fundi Hún lét sér ekki nægja að fá
neikvætt svar, heldur spurði, hvort
þar færi eitthvað fram, sem stúlkur
mættu ekki heyra, eða hvort Guðs
orð væri bara fyrir drengi
Vegna ágengni Maríu ákvað sr.
Friðrik að boða til stúlknafundar, þó
að honum þætti það eiginlega ekki
vera hlutverk sitt Varð það til þess,
að stofnfundur KFUK var haldinn
29 apríl 1899, tæpum 5 mánuðum
eftir stofnfund KFUM
Starf í vexti
75 ár eru heil mannsævi. Þau
hafa leitt í Ijós, hvort nokkur þörf var
á slíku starfi á íslandi Ekki er saga
allra félaga sú sama frekar en ævi-
sögur manna Sum félög lenda í
erfiðleikum, úreldast, standa í stað
eða lognast alveg út af. í starfi
KFUK hefur hvorki orðið afturkippur
eða dauði Það er starf í stöðugum
vexti Fundahöld, ferðalög, sumar-
búðir, sönghópar, fóndurstarf,
kristniboðsstarf. og ýmislegt
fleira mætti nefna
Sá, sem á sunnudegi er staddur á
Amtamannsstíg í Reykjavík, mætir
þar óteljandi börnum, sem ýmist eru
að koma af fundi eða fara á fund í
KFUK. Á sama tíma eru aðrir hópar
á ferðinni annars staðar í bænum
En það eru ekki bara sunnudagarnir,
sem eru notaðir Flesta eða alla daga
vikunnar koma hópar stúlkna á
KFUK-fundi Starfað er á nálægt 10
stöðum í Reykjavík og nágrenni Að
vetrinum kemur hver hópur saman
einu sinni í viku eða oftar, og þarf
oft að margskipta hópnum vegna
þrengsla
Barna- og unglingastarf
Á þessum fyrstu 75 árum félags-
ins hefur þungamiðja starfsins verið
barna- og unglingastarfið Stjórn-
endum í KFUK hefur frá upphafi
verið Ijóst, að mikilvægasti þátturinn
í lífi þjóðar er uppeldi æskunnar.
Þau áhrif, sem einstaklingurinn
verður fyrir í æsku, einkenna líf
hans og móta persónu og lífsvið-
horf.
Fundir KFUK eru sniðnir við hæfi
barnanna og unglinganna. Hinn
mikli fjöldi starfsmanna vinnur óslit-
ið við að undirbúa fundi, endurnýja
og bæta starfsaðferðir, svo að þær
samræmist nútímanum, höfði til
æskunnar eins og hún er á hverjum
tíma Sjálfboðastarf er ekki úr sög-
unni. Það þekkist í ríkum mæli í
KFUK, jafnvel þótt það kosti nám,
undirbúning, fyrirhöfn og tíma Og
það sem meira er: Það er unnið með
gleði
Hvað fer þá fram á fundunum?
Það yrði langur listi, ef ég ætti að
telja það allt upp Ég veit ekki einu
sinni um það alltf Þó veit ég, að það
er ekki dansað Það er glaðzt og
hlegið og blandað geði, og það er
sungið mikið, — en ekki hávær
dægurlög.
í nafni félagsins er fyrsta k-ið hið
mikilvægasta. K-ið, sem táknar
„kristilegt". Á fundum félagsins ber
það líka hæst og er raunar hið eina
nauðsynlega. Félli það niður, mundi
félagið Ifka lognast út af, því að það
er grundvöllur félagsins.
Flest börnin, sem hafa komið að
staðaldri í KFUK, koma fyrst og
fremst til að heyra um Jesúm. Sama
er að segja um unglingana, þó að
0 í kvennaflokki í Vindáshlíð
þeir láti það oftast minna í Ijós Mér
er minnisstaeð 10 ára hnáta, sem
sat á fundi með handklæði undir
handleggnum. Hún átti að vera
mætt i fótaæfingum kl. 6,30, á
sama tima og fundi lauk Hún var
vön því, að hugleiðingin um Guðs
orð væri áður en hún færi, en i þetta
sinn voru leikir, sem tóku óvenju
langan tíma, svo að hún sneri sér
hálfreið að mér, benti á úrið sitt og
sagði: „Ég þarf bráðum að fara, og
það er ekki byrjað að tala enn '.
Q Sumarbúðirnar í Vindáshlíð í Kjós
Sumarstarf
KFUK hefur rekið sumarstarf i
fjöldamörg ár Upphaflega voru það
tjaldbúðir, einstaka ár fengust hús til
afnota, svo sem Straumur við
Hafnarfjörð og Kaldársel, sem er
eign KFUM I Hafnarfirði 1951 var
skálinn í Vindáshlið i Kjós tekinn í
notkun, og eru þær að sönnu marg-
ar, islenzku stúlkurnar, sem eiga
Ijúfar minningar úr Vindáshlið
„í Vindáshlíð, i Vindáshlið,
þar vil ég eyða sumartið"
Hver Ijóðlinan og hver söngurinn
á fætur öðrum kemur upp i hugann
Minningarnar frá sumardvöl i
Vindáshlið eru dýrmætar: Umhverf-
ið, atburðir, einstaklingar .
En það bezta er, að engin stúlka
verður of gömul til að dvelja i
Vindáshlið, fremur en til að vera i
KFUK Á hverju ári er f lok ágúst
kvennaflokkur, þar sem konur, 17
til næstum 100 ára, njóta hvlldar i
„Hlíðinni", — og eiga dýrmætar
stundir um orð Guðs. Þið, sem vor-
uð i barna- og unglingaflokkum fyrir
mörgum árum, gaman væri að hitta
ykkur i Vindáshlið aftur — i kvenna-
flokki! Skrifstofan er enn á gamla
staðnum á Amtmannsstig. Allar eru
jafn velkomnar. Líka þær, sem koma
í fyrsta sinn
Systur og bræður
Starf KFUK er ekki bundið við
Reykjavík, þó að hópurinn þar sé
stærstur. Systurfélög eru líka í
Hafnarfirði, á Akranesi, á Akureyri
og í Vestmannaeyjum. Frá þremur
fyrst nefndu stöðunum eru og
sumarbúðir í tengslum við starfið
eða sem hluti af því.
Starfið fer fram með svipuðum
hætti á öllum þessum stöðum. Alls
staðar er það í nánum tengslum við
kristniboðsstarfið í Eþíópíu, og
margir kristniboðshópar eru til inn-
an félaganna og enn fleiri f nánu
samstarfi við þau
Sjaldan er KFUK nefnt eitt sér
Félgið á sér bróður — eða maka:
KFUM, sem er jafnvel oftar nefndur
en KFUK. Stundum er átt við bæði
félögin, þó að KFUM eitt sé nefnt
Stafar það af því, hve sambúðin er
góð og samstarfið mikið. Hefur svo
verið frá upphafi og aldrei verið
hætta á skilnaði, eftir því sem ég
bezt veit Margir þættir starfins eru
sameiginlegir, en þeir eru allir
ónefndir í þessari grein.
Blessun
Þeir einstaklingar eru óteljandi,
sem hafa sótt fundi eða dvalið í
sumarbúðum KFUK um lengri eða
skemmri tíma. Þessar stúlkur og
konur má finna í öllum stéttum og
flestum landshornum. Sumar urðu
kyrrar í félaginu og gengu í aðal-
deildina, A.D., og taka virkan þátt í
starfi félagsins Aðrar fundu sér ann-
an vettvang í lífinu
Sú, sem þetta ritar, er ein af
hinum mörgu, sem hafa átt því láni
að fagna að taka þátt í starfi KFUK,
bæði sem þiggjandi og þjónandi.
Þvf er mér Ijúft að mega koma því á
framfæri, svo að sem flestir megi
heyra, að þar hef ég hlotið svo
ríkulega blessun, — ásamt svo
mörgum öðrum, — að það er ósk
mín, að sem allra flestar stúlkur og
konur á öllum aldri megi njóta þess
sama.
Sannfærð er ég um, að hinar
mörgu, sem hafa hlotið blessun í
KFUK, hugsa til félagsins með hlýj-
um huga. senda þangað börnin sfn
og finna fyrir því í lífsbaráttunni, að
áhrifin frá KFUK, blessunin frá
Guði, sem þær hlutu þar, er þeim
dýrmætur fjársjóður. Þær skulu og
allar vita að þær eru ávallt velkomn-
ar í KFUK, líka í heimsókn í eitt og
eitt skipti, hvort sem þær nú eru
ráðherrafrúr, verkakonur, konsert-
meistarar, húsmæður, bankastarfs-
menn eða annað.
KRISTILEGT FÉLAG UNGRA
KVENNA þýðir ekki, að allar
stúlkurnar eru undir þrítugt! Þar eru
sumar mjög gamlar, — en ungar í
anda. Þær gömlu hafa aldrei slitnað
úr tengslum við þær ungu, og þvf
eru þær síungar, lifandi, starfandi
og biðjandi. Og unga kynslóðin hlýt-
ur sérstaka blessun af að umgangast
slfkar konur. Kynslóðabilið hverfur
Samstarf og samfélag ólíkra kyn-
slóða er einn þáttur blessunarinnar.
Framtíðin?
KFUK er ekki sértrúarflokkur. Það
er frjálst sjálfboðastarf leikmanna
innan islenzku þjóðkirkjunnar.
Þær eru margar, sem á þessu ári
taka undir hamingjuóskir minar í
garð KFUK. Það er einlæg von min
og bæn, að þær stúlkur mættu
stöðugt verða fleiri, sem finna, að í
KFUK gerist það sama og meðal
lærisveinanna forðum, þegar „Jesús
hóf upp hendur sinar og blessaði
þá "
Enginn veit, hvað framtiðin ber i
skauti sér En sá. sem treystir
Drottni, á ótal fyrirheit. Hann veit,
að í ríki Guðs, þar sem stærsti
fjársjóður mannsins er, ávinnst
„ekkert með valdi né krafti, heldur
fyrir anda Drottins" (Einkunnarorð
KFUK, Sak 4,6)
Mætti KFUK áfram starfa í þeim
anda, eflast og verða ungum og
öldnum blessun í nútíð og framtið.
Stfna Glsladóttir.