Morgunblaðið - 12.02.1980, Blaðsíða 11

MORGUNBLAÐIÐ, ÞRIÐJUDAGUR 12. FEBRÚAR 1980
11
— Áttu þér einhverja fyrir-
mynd?
„Já, það er blökkusöngkpna sem
heitir Dídí Bridgewater. Ég efast
um að margir kannist við hana
hér á landi.
Hér á íslandi eru líka margar
góðar söngkonur sem ég held upp
á eins og t.d. Diddú, Brunaliðs-
stelpurnar og Helga Möller.
— Að lokum, hvað hefur þú
ætlað þér að gera í framtíðinni?
„Ég stefni að því að komast til
útlanda sem fyrst í söngnám og
ætla ég þá að snúa mér alfarið að
söngnum."
MARIA
„Ég hef haft áhuga á söng frá
því ég man fyrst eftir mér,“ segir
María. „Er ég var í skóla söng ég
einu sinni í Stundinni okkar og
síðar í ýmsum kórum. Þegar ég
var 14 ára fór ég í kór Langholts-
kirkju en er nú á öðru ári við nám
í Söngskólanum.
Hins vegar finnst mér það ekki
passa nógu vel saman að syngja
klassísk lög og dægurlög. Mér
finnst röddin í mér hafa versnað
mikið eftir að ég fór að syngja
dægurlögin. En það er ekki svo
gott að ráða við þetta þar sem hér
er einungis hægt að læra klassísk-
an söng. Það vantar eitthvað
þarna á milli, t.d. kennslu í
jazzsöng."
— Er kennara þinum þá ekk-
ert illa við að þú syngir dægurlög
jafnframt náminu?
„Hún hefur sagt við mig að ég
þyrfti fljótlega að velja á milli
þess, hvort ég vil halda áfram í
náminu eða helga mig dægur-
söngnum algjörlega. En eins og er
veit ég ekki alveg hvort ég vil
heldur. Núna langar mig að halda
áfram að syngja dægurlög en það
getur allt eins verið að ég sjái eftir
því seinna að hafa ekki haldið
áfram á klassísku brautinni."
— Var það ekkert erfitt að
skipta yfir frá því að syngja með
„íslenskri kjötsúpu“ og i það að
syngja með Ragnari Bjarnasyni?
„Það er ekkert svo frábrugðið að
syngja með þessum tveimur
hljómsveitum. Það eina sem er
virkilega frábrugðið eru lögin."
— Hvernig er að syngja fyrir
íslenska danshúsagesti?
„Margir þeirra eru mjög rudda-
legir og ókurteisir. Það kemur
fyrir að þeir koma upp að sviðinu
og heimta það að við leikum önnur
lög ef þeim líkar ekki það sem við
erum að leika í augnablikinu.
Maður reynir þá að vera kurteis
og uppfylla óskir þeirra að ein-
hverju leyti jafnvel þótt maður
roðni í framan af innbyrgðri
reiði.“
Ættum að eiga
góða möguleika
— Hvernig er íslenskur dæg-
urlagasöngur í dag?
„Mér finnst hann vera mjög
góður, og hann hefur batnað mikið
nú á síðustu árum. Gunnar Þórð-
arson sem ég tel vera okkar besta
lagasmið, hefur gert mikið sem
hefur orðið til að bæta dægursöng
á íslandi. Einnig hefur Diddú
(Sigrún Hjálmtýsdóttir) átt mik-
inn þátt í því. Ég hef alltaf haldið
mikið upp á hana, og tel hana vera
okkar bestu dægurlagasöngkonu.
— Er hægt að verða rikur af
að syngja dægurlög?
„Ékki hér á íslandi. Hér er ekki
hægt að lifa eingöngu á því að
syngja dægurlög. Hins vegar ætt-
um við að eiga möguleika á
erlendum markaði, það sýna best
móttökur íslensku hljómlistar-
mannana í Cannes," sagði María
að lokum.
íslenzki dansflokkur-
inn með nýia dagskrá
í KVÖLD verður frumsýning hjá
íslenska dansflokknum í Þjóð-
leikhúsinu. Dagskráin að þessu
sinni skiptist í þrjá hluta og er
miðað við að veita áhorfendum
sem fjölbreyttasta skemmtun.
í fyrsta lagi verður sýnd dans-
syrpa með atriðum úr hinum
ýmsu ballettum rússneska tón-
skáldsins Tsjaikovskis eins og t.d.
Svanavatninu, Hnotubrjótnum og
Þyrnirósu. Dansar þessir eru
samdir af ballettmeistara Þjóð-
leikhússins, Kenneth Tillson, sem
áhorfendum er kunnug af upp-
setningunni á óperunni Orfeifur
og Evridís eftir Christoph Gluck.
Þá verður og fluttur ballettinn
Kerran eftir Tillson við tónlist
eftir Sergej Prokofjev; þessi ball-
ett var frumfluttur hér á Lista-
hátíð 1976.
Loks er á dagskrá Danskokk-
teill, syrpa af ýmsum skemmti-
dönsum þessarar aldar sem Svein-
björg Alexanders hefur samið
fyrir íslenska dansflokkinn og
stjórnar einnig flutningi á. Þetta
eru dansar allt frá Can-can til
Disco-jazz. Sveinbjörg Alexand-
ers, var hér síðast á ferð á
Listahátíð 1978 og dansaði þá
sólódans í sýningu dansflokkkins.
Leikmynd sýningarinnar er eftir
Birgi Éngilberts.
Veriövelkomin
Gisting á Hótel Esju er til reiðu.
Viö bjóðum þér þægilega gistingu á
góöu hóteli. Herbergin eru vistleg og
rúmgóö, — leigð á vildarkjörum að vetri
til. Héðan liggja greiðar leiðir til allra
átta. Stutt í stórt verslunarhverfi.
Laugardalslaugin og Laugardalsvöllur í
næsta nágrenni.Strætisvagninn
stoppar við hóteldyrnar,með honum
ertu örfáar mínútur í miðbæinn.
Á Esjubergi bjóðum við þér f jölbreyttar
veitingar á vægu verði.
Á Skálafelli, veitingastaðnum á 9. hæð
læturðu þér líða vel, — nýtur lífsins og
einstaks útsýnis.

' Hér er heimili *
þeirra sem Reykjavík gista.
#HOTEI L«
■sni □ n
Suðurlandsbraut4,sími82200 Reykjavik.