Morgunblaðið - 12.02.1980, Blaðsíða 20
20
MORGUNBLAÐIÐ, ÞRIÐJUDAGUR 12. FEBRÚAR 1980
Vel heppnað minniboltamót
2. og 3. febrúar sl. var haldið
minniboltamót í Borgarnesi á
vegum KKÍ og UMF Skalla-
gríms. Keppt var í hinni nýju og
glæsilegu íþróttamiðstöð í Borg-
arnesi. Minnibolti er körfuknatt-
leikur fyrir börn 12 ára og yngri.
Þátttakendur voru um 140 í 11
liðum frá 6 félögum.
Úrslit urðu sem hér segir:
1. sæti: ÍR-a lið
2. sæti KR-a lið
3. sæti U.M.F.N.
4. sæti Valur
5. sæti KR-b lið
6. sæti U.M.F.S.
7. sæti Fram
Kðrfuknattielkur
___________________________
Bjarni afhendir verðlaun.
8. sæti ÍR-b lið
í yngra flokki (10 ára og yngri)
urðu úrslit þessi:
1. sæti Fram
2. sæti U.M.F.N.
3. sæti U.M.F.S.
Framkvæmd mótsins gekk í alla
staði mjög vel, þrátt fyrir þennan
mikla fjölda þátttakenda.
Krakkarnir sváfu í Grunnskól-
anum og borðuðu að Hótel Borg-
arnes. Boðið var til kvikmynda-
sýningar í Borgarnesbíói á laugar-
dagskvöldið.
Bjarni Bachmann einn af
brautryðjendum körfuknattleiks-
ins í Borgarnesi var verndari
mótsins og afhenti hann öllum
þátttakendum verðlaunaskjöl í
mótslok og sleit síðan mótinu.
Siglingar eru ört
vaxandi íþróttagrein
Sú íþróttagrein sem er í hvað
örustum vexti hérlendis er án efa
sigling á seglbátum. Á sama hátt
og skíðaáhugi hcfur aukist segja
siglingamenn það áberandi hve
margir skiðamenn taka upp sigl-
ingar á sumrin enda i báðum
tilfellum um að ræða ágætis
útivist og íþrótt. sem öll fjöl-
skyldan getur stundað saman.
Aðstæður til siglinga eru mjög
góðar hérlendis fyrir smærri
báta. má til dæmis nefna björt
kvöld þar sem unnt er að sigla að
loknum vinnudegi, nokkuð sem
ekki er unnt í hinum suðlægari
löndum. Þá er sjórinn hér tiltölu-
lcga hlýr, þannig að siglingatim-
inn er lengri en á hinum Norður-
löndunum. Aftur á móti er að-
staða hér erfiðari fyrir stærri
báta, kjölbáta. vegna hafnleysis.
Aukning siglingaáhuga er ekk-
ert sérfyrirbæri hérlendis, því
sömu sögu er að segja frá öðrum
Norðurlöndum. Til dæmis hefur
bátafloti Gautaborgarbúa fimm-
tánfaldast á aðeins fimm árum.
Hér hefur nokkuð gætt hræðslu
manna við að byrja siglingar
vegna aðstöðuleysis, en þetta eins
og annað er að breytast og
siglingamenn eru þegar orðnir
varir við svipaða þróun hér og í
nágrannalöndunum.
Vafalaust hafa auknar tóm-
stundir og áróður fyrir útivist
hjálpað til við uppbyggingu klúbb-
anna hérlendis, einnig fjölgun
fullorðins fólks, sem stundar sigl-
ingar, svipað og gerst hefur hjá
skíðafólki. Samkvæmt upplýsing-
um Siglingasambands Islands
(S.I.L.) stunduðu nærri þrjú þús-
und manns siglingaíþróttir hér á
landi árið 1979. Stærstu klúbbar
landsins eru: Brokey og Siglunes
— Reykjavík, Ýmir og Kópanes —
Kópavogi, Vogur — Garðabæ,
Þytur — Hafnarfirði og Nökkvi —
Akureyri. Skipulagðar siglinga-
keppnir hafa farið fram í öllum
þessum klúbbum undanfarin sum-
ur og telja siglingamenn það
mesta framfarasporið þegar
landsliðsþjálfari Skota, Allister
Mitchell, leiðbeindi siglinga-
mönnum hér sumarið 1976. Gerði
hann strangari kröfur til keppnis-
aga og kom upp íslenskum þjálf-
urum enda lét árangurinn ekki á
sér standa og hefur keppnishark-
an aukist að sama skapi.
Ilópurinn sem keppti á mótinu.
Evrópusamband Knatt-
spynuþjálfara stofnað
HINN 12. janúar s.l. var stofnað í
Vín í Austurríki Evrópusamband
knattspyrnuþjálfara. Stjórn
Knattspyrnuþjálfarafélags
íslands (KÞI) hafði fylgst með
undirbúningi um stofnun þessa
sambands og sendi á stofnfund-
inn sem fulltrúa sína þá Reyni G.
Karlsson og Lárus Loftsson. Með
þátttöku i þessu samstarfi
knattspyrnuþjálfara í Evrópu
gefst íslenskum þjálfurum í
fyrsta sinn tækifæri til þess að ná
með skipulegum hætti tengslum
við þjálfara og þjálfarafélög
margra Evrópuþjóða. Væntir
stjórn KÞÍ þess að þetta samstarf
verði íslenskum þjálfurum og um
leið islenskri knattspyrnu mjög
til framdráttar.
Á stofnfundinum var samþykkt
m.a. að þjálfarafélög viðkómandi
þjóða sendi hvert öðru öll þau
gögn sem út eru gefin á þeirra
vegum, og eins að þau gerðu hvert
öðru grein fyrir námskeiðum og
ráðstefnum sem halda ætti og að
reynt verði að bjóða sem flestum
þjálfurum frá öðrum þjóðum
þátttöku.
Stjórn KÞÍ mun leitast við eftir
mætti að koma þessum gögnum og
boðum á framfæri við íslenska
knattspyrnuþjálfara, og mun
leggja áherslu á útgáfu frétta-
bréfs síns, sem m.a. mun flytja
fræðsluefni og upplýsingar frá
Evrópusambandinu og
knattspyrnuþjálfarafélögunum.
Þess er vænst að þátttaka í
samstarfi knattspyrnuþjálfara í
Evrópu verði þýðingarmikill þátt-
ur í yfirjgripsmiklu átaki sem
stjórn KÞI hefur gert áætlun um í
þeim tilgangi að efla til muna
starfsemi félagsins.
Aðalfundur Knattspyrnuþjálf-
arafélags íslands verður haldinn
mánudaginn 18. febrúar n.k. að
Hótel Esju og hefst hann kl. 20.00.
Dagskrá: Venjuleg aðalfundar-
störf. Æskilegt er að tillögur um
lagabreytingar berist stjórn fé-
lagsins í síðasta lagi 7 dögum fyrir
aðalfundinn.
Góð þátttaka
í hringhlaupinu
Stjórn Siglingasambandsins
vinnur nú að því að fá skoskan eða
skandinaviskan þjálfara hingað til
lands í sumar.
Ekki hefur farið miklum sögum
af þátttöku íslendinga í siglinga-
keppnum erlendis. Á undanförn-
um árum hafa Islendingar tekið
þátt í þremur Evrópumótum og
einu heimsmeistaramóti á „Fireb-
all“ og einu Norðurlandamóti
unglinga á „Flipper". Árangur
hefur verið upp og ofan en þó
aðallega í meðallagi. Stoltastir eru
þó íslenskir siglingamenn yfir
sigri Gunnars Hilmarssonar og
áhafnar hans í sterkri kjölbáta-
keppni 1973, Stavanger/Bergen
keppninni. Þar höfnuðu þeir í 1.
sæti eftir harða keppni á 20 feta
„Alacrity" skútu sinni.
Hringhlaup frjálsíþróttadeild-
ar Breiðabliks fór fram um
síðustu helgi og var þátttaka
mikil og góð. Góður árangur
náðist eins og vænta mátti, en
efstu keppendur í hverjum flokki
urðu sem hér segir.
Strákar f. 1966:
Arnór SijfurðsNon
Reynir SÍKurósson
Strákar f. 1967—68:
Hreinn Ilrafnkelsson
Inifvi InKÓifsson
Ginar Júlíusson
Stelpur f. 1967-68:
Eyja Sigurjónsdóttir
Gunnhildur Gunnarsdóttir 5:10.91 mín
Strákar f. 1969-70:
Björn Már Sveinbjörnsson 3:14.62 mín
Jón Björn Björnsson 3:17.62 mín
Vilhelm Gunnarsson 3:29,75 mín
Stúlkur f. 1969-70:
Linda Stefánsdóttir 1:02,20 mín
Auður Stefánsdóttir 4:05,52 mín
Steinunn Purkelsdóttir 4:10,79 mín
Strákar f. 1971 og síðar
Helgi KoIviÖsson 2:22.20 mín
Björjívin I>. Björgvinsson 2:27,90 min
Arnar G. Ómarsson 2:30,50 min
Stúlkur f. 1971 og síðar:
Jórunn Sigurjónsdóttir 2:39.98 mín
Steiniterður Danielsdóttir 3:01,05 min
María Gunnarsdóttir 3:15.90 min
6:47,20 mín
7:24,42 min
4:33,53 mín
4:52,82 mín
4:57,94 mín
5:04,68 mín
Enn um samskipti UÍA og ÍBR vegna Baldurshaga
*
Síðasi liðið haust skrifaði ég grein um óréttláta úthlutun á timum i
Baldurshaga sem er eina frjálsiþróttaaðstaðan innanhúss hér á landi.
í neitunarbréfi ÍBR til UÍÁ sem barst seint, var ástæðan sögð sú að
eitt félag í Reykjavík hefði verið á móti því að UÍA fengi leigða tíma
og meðan svo væri þyrfti ekkert um málið að ræða. Úndarlegt, því
fulltrúar frjálsiþróttadeilda félaganna í Reykjavík hafa borið þetta af
sér. Enn eru lausir tímar i Baldurshaga og frjálsíþóttaaðstaðan
eftirsótta ekki fullnýtt.
Það sem skeði i haust eftir
fyrrnefnd málaiok var að frjáls-
íþróttamenn UIA reyndu að pota
sér inn á æfingar hjá Reykja-
víkurfélögunum. Urðu þeir að fá
skírteini sem sýndu að þeir væru
félgar í því félagi sem þeir æfðu
hjá. Þetta útilokaði að Austfirð-
ingarnir gætu haldið hópinn og að
hægt væri að ráða þjálfara eins og
ráðgert var. Nú eru afleiðingarnar
að koma í ljós eða öllu heldur
frábær árangur stjórnar ÍBR.
Egill Eiðsson einn efnilegasti
frjálsíþróttamaður innan UÍA
fékk að æfa hjá KR og lenti þar í
hópi KA manna sem einnig syndg-
uðu upp á náðina hjá KR, aðallega
vegna fólksfæðar þar. Egill varð
fjórfaldur íslandsmeistari á
drengjameistaramóti Islands s.l.
sumar. Hann haföi á æfingunum
hjá KR félagsskap KA manna,
æfði mikið með Oddi Sigurðssyni,
naut tilsagnar þjálfara hans og
auðvitað hlaut að koma að því.
Viðkomandi er genginn í KA og
verður næsta sumar á Akureyri.
Þar verður eflaust æft af kappi,
Egill er ákveðinn í að ná sem
bestum árangri og kannski verður
þetta honum besta tækifærið til
þessa, við skulum vona að loforðin
standi. Þetta er ágætt dæmi um
það sem skeð hefur á undanförn-
um árum í þessum efnum í
Reykjavík.
ÚÍA hefur ekki tækifæri til að
keppa við KA og Reykjavíkurfé-
lögin á grundvelli sömu aðstöðu.
Þeir Austfirðingar sem ná góðum
árangri verða einfaldlega að vera í
Reykjavík og æfa þar. Ef félög og
sambönd af landsbyggðinni eiga
að geta haldið í þá íþróttamenn
sem þau hafa alið upp verða þau
að fá afnot af aðstöðu til æfinga í
höfuðborginni.
Ég fullyrði að ef UÍA hefði
fengið tíma í Baldurshaga og haft
eigin þjálfara og Austfirðingarnir
þar með haldið hópinn hefði öðru
vísi farið.
AÐ lokum: Á Meistaramóti
Islands 14 ára og yngri s.l. sumar
sigraði UÍA, hlaut 97 stig, næsta
samband UMSB hlaut 67 stig hin
16 og þar með talin Reykjavíkur-
félögin hlutu þaðan af minna.
Á íslandsmeistaramóti 15—18
ára hlaut UÍA flesta meistaratitla
og flest stig í óopinberri stiga-
keppni.
200 íslendingar 18 ára og yngri
hlutu afreksstjörnu FRÍ, Héraðs-
sambönd og félögin í Reykjavík
eru um 30 talsins en UÍA eitt átti
60 krakka af 200.
Á s.l. ári hlaut UÍA 19 ís-
landsmeistara í frjálsíþróttum.
Á fjölmennasta frjálsíþrótta-
móti sem haldið er á Islandi
árlega Sumarhátíð UÍA, voru 900
keppendur og er þátttaka þó
takmörkuð.
Sumum félögum og forystu-
mönnum væri nær að snúa sér að
uppbyggingu eigin unglingastarfs
og síðan afreksfólks og sleppa því
að leggja stein í götu annarra.
Hermann Níelsson
form. UÍA.
P.S. Til að undirstrika aðstöðu-
mun þeirra félaga og sambanda
sem staðsett eru langt frá
Reykjavík þar sem flest mót fara
fram og hinna sem staðsett eru í
borginni eða í nágrenni hennar
mun það kosta UÍA um eina
milljón kr. að senda keppendur á
3 mót í frjálsum íþróttum innan-
húss á næstunni. Er hér um að
ræða íslandsmeistaramót 14 ára
og yngri, 15—18 ára og í flokki
karla og kvenna. Þátttakendur
frá UÍA verða um 35 talsins og er
hér eingöngu reiknaður ferða-
kostnaður.