Morgunblaðið - 24.06.1983, Blaðsíða 23

MORGUNBLAÐIÐ, FÖSTUDAGUR 24. JÚNÍ 1983
55
OrkufLutningurinn er meðvit-
aður — orkuflæðið ómeðvitað
Tilkynning
til símnotenda
Guðni Björgúlfsson skrifar:
„Velvakandi!
Ágæt grein birtist í Morgun-
blaðinu sunnudaginn 19. júní sem
fjallaði um huglækningar. Þær
eru nú staðreynd hvort sem
mönnum fellur það betur eða verr,
Ég saknaði þess í þessari grein að
ekki skyldi vera rökum að því
leitt, í sambandi við tilraunir á
plöntum, að um orkuflæði gæti
verið að ræða.
Huglæknir tekst á hendur, eða
réttara sagt rannsóknarmennirn-
ir, að sýna fram á orkuflutning
þegar jurtir sem fengu meðferð
hans uxu hraðar en hinar sem
enga meðferð fengu. En er nú al-
veg víst að huglæknirinn hafi ver-
ið einn að verki? Auðvitað er um
hvort tveggja að ræða, orkuflutn-
ing og orkuflæði. Sjálfur orku-
flutningurinn er meðvitaður; hug-
læknirinn veit að hann er að starfi
og til hvers er ætlast af honum.
En orkuflæðið er ómeðvitað því að
mjög sennilegt er að rannsóknar-
maðurinn meðtaki orku frá hug-
lækninum ómeðvitað og beini
henni að viðfanginu. Það er því
ekki um það að ræða að planta eða
hvað það nú er fái einungis orku
huglæknisins heldur rannsókn-
armannsins líka.
í greininni er minnst á dáleiðslu
og sagt: „Vitundin getur haft
ótrúlega mikil áhrif á einstaka
vefi líkamans og er reyndar á
huldu hvar takmörkin eru.“ Hér
gætir mikillar ónákvæmni, þvi að
dáleiðsla hefur ekki áhrif á vefi
líkamans að vitað sé. Hún hefur
fyrst og fremst áhrif í svonefnd-
um starfrænum sjúkdómum
(functional), en ekki í vefrænum
(organic).
Hafa ber í huga að dauða vefi er
ekki hægt að vekja til lifsins, en
aftur á móti geta þeir starfað í
annarri heild að því tilskildu að
þeir séu lífs. Sem dæmi um þetta
má taka einstakling sem ekki hef-
ur getað hreyft handlegg sinn í tíu
ár. Svo kann að virðast sem við-
fangið sé lamað, en við dáleiðslu
reynist það geta hreyft handlegg-
inn. Hér er um dæmigerða starf-
ræna truflun að ræða sem hægt
hefði sennilegast verið að lækna
miklu fyrr.
Einnig má taka dæmi um
blindu. Ollu máli skiptir hvort hún
er starfræn eða vefræn. Sú síðar-
talda verður tæplega læknuð, en í
fyrra tilfellinu, jafnvel þó ékki sé
allur sá vefur fyrir hendi sem
þyrfti við almenna lækningu, þá
getur dáleiðsla nýtt sér takmark-
aðan vef og komið upplýsingum á
framfæri sem um óskaddaðan vef
væri að ræða. Gera má ráð fyrir
því, að „lækningar", sem fram
fara hér og hvar þar sem margt
fólk er saman komið í því skyni að
þær fari fram, séu sefjun og annað
ekki, en þær eru jafn góðar fyrir
það. Dáleiðsla er sefjun, en samt
annars konar en gerist á hóp-
samkomum. Um eðli þeirrar sefj-
unar er ekki vitað.“
Þessir hringdu . . .
Af hverju er
kaupið svona
lágt?
Árni Bergsveinsson hringdi og
hafði eftirfarandi að segja: — Mig
langar til að koma á framfæri
fyrirspurn um það, af hverju
kaupið er svona lágt í unglinga-
vinnunni. Þá langar mig einnig til
að beina þeirri ósk til sjónvarps-
ins, að það sýni betri gamanmynd-
ir en boðið hefur verið uppá nú
undanfarið. Og hvernig væri að fá
Dave Allen á skjáinn? Að síðustu
legg ég til, að sjónvarpið vandi
enn frekar en nú er valið á endur-
sýndu myndunum á laugardags-
kvöldum.
Kærar þakkir
Elísabet Jónsson, Keflavík,
hringdi og hafði eftirfarandi að
segja: — Ég þakka Magnúsi
Olafssyni og Mjólkursamsölunni,
og enn fremur Víkurbæ, fyrir góð-
ar undirtektir vegna fyrirspurnar
minnar hér í dálkunum um ís
handa sykursjúkum. Ég er þegar
búin að borða fyrsta skammtinn
minn, með góðri lyst og mikilli
ánægju. Kærar þakkir.
Þaé hefði farið
um mannskapinn
Aldamótamaður hringdi og hafði
eftirfarandi að segja: — Einhvern
tíma hefði maður nú ekki haldið
að refir og minkar væru sérstak-
lega vandir að virðingu sinni í
mataræði. Nú sé ég að fundið hef-
ur verið út, að reynandi væri að
gefa þeim selkjöt svona í eina og
eina máltíð. En hvað ætli sé langt
síðan Grænlendingar fundu það
út, að hægt væri að nýta þetta
kjöt til manneldis? Og hvernig er
það: Er ekki hægt að gefa það
hundunum og köttunum, i stað
þess að kaupa handa þeim dósa-
mat? í mínu ungdæmi hefði sá
verið álitinn eitthvað hinsegin,
sem komið hefði út í búð og beðið
um dósamat handa hundum og
köttum. Það hefði farið um
mannskapinn.
GÆTUM TUNGUNNAR
Sagt var: Menn læra að skilja hverja aðra.
Rétt væri: Menn læra að skilja hver annan,
eða að skilja hverjir aðra.
Á blaðsíðu 458 í símaskrá 1983 hefur misprentast
svæðisnúmer símstöðvarinnar Vogar Vatnsleysu-
strandarhreppi. Svæöisnúmerið er 92 ekki 99. Vin-
samlegast skrifiö inn á blaðsíðu 458 svæðisnúmer 92
í stað 99.
Póst- og símamálastofnunin.
A
SLA TTUORFIÐ
LEYSIR VANDANN
Þú slærö blettinn með blaðinu,
og í kringum tré,
runna og fl.með i -
spottanum.
/^SHINGI
HOMELITE
;eki
ALLTAF Á LAUGARDÖGUM
EIN LÍTIL BAUN
— en var á stærö viö herbergi 1946.
Slík er þróunin í almenningstölvum,
sem nú eru aö leggja undir sig heiminn.
SVARTAGALLSRAUS
EÐA SANNLEIKI
Ásgeir Jakobsson veltir fyrir sér því
áliti sumra sérfróöra aö bókmenntir í
heiminum fari snarversnandi.
BYGGINGAR ÁÐUR EN
MAÐURINN KOM TIL
SÖGUNNAR
Haraldur Helgason byrjar á byrjun-
inni í sögu byggingarlistarinnar og
rekur byggingar úr dýraríkinu.

Vönduð og menningarleg helgarlesning
AUGLVSiNGASTOf Á KRISTINAR HF