Morgunblaðið - 14.03.1984, Blaðsíða 22

22
MORGUNBLAÐIÐ, MIÐVIKUDAGUR 14. MARZ 1984
Mikið lægðarsvæði yfir USA:
Mannskæðir
vetrarkuldar
New York, 13. mars. AP.
MIKIÐ lægöarsvæöi gekk yfir
Bandaríkin síðasta sólarhringinn
með snjókomu og frosti víöast hvar.
Mikið tjón varö sums staðar og
dauðsfóll urðu rekja mátti til slæmr-
ar færðar á akbrautum.
í Missouri létu fjórir lífið í um-
ferðaróhöppum, sem urðu vegna
mikillar hálku. Einn lést í sams
konar slysi í Virginiu. Mest varð
tjónið í smábæ í Texas, þar sem
eignatjónið nam milljónum doll-
ara, þök fuku af húsum, rúður
brotnuðu og staurar fuku um koll,
auk þess sem síma- og rafmagns-
línur slitnuðu og bílar skemmdust
af ýmsum sökum í óveðrinu.
Sums staðar snjóaði, en annars
staðar rigndi, svo sem í Miami,
þar sem 5 sentimetrar af regni
féllu úr háloftunum. í Fort Laud-
erdale myndaðist hvirfilbylur,
sem reif tré upp með rótum, mölv-
aði rúður og svipti þökum með sér
án teljandi fyrirhafnar. Manntjón
varð þó ekki og þótti það með af-
brigðum vel sloppið.
Ekki allir jafn
sannfærðir um
tilvist kafbáts
Stokkbólmi, 13. mars. Frá Olle Ekstrðm, fréttaritara Mbl.
LENNART Ljung, hershöfðingi, hins vegar
sagði í dag, að hann ítrekaði að það
væru hvorki sjófuglar né fiskitorfur
sem sjóherinn hefur verið að eltast
við í skerjagarðinum nærri Karls-
krona, heidur óþekktur kafbátur,
fyrir því heföu Svíar trúlegar vís-
bendingar og myndi leitinni ekki
verða hætt þó ekki hefði orðið vart
við bátinn síðustu daga. „Ekkert
bendir til að hann sé sloppinn,“
sagði Ljung.
En Ljung gat þess einnig að
þetta væri sín skoðun og sam-
starfsmanna sinna. Þeir hafa lagt
fyrir ríkisstjórnina skýrslu sem
kölluð hefur verið „sönnunar-
gögn“, en í ljós hefur komið að
Olof Palme forsætisráðherra og
Anders Thunborg varnarmálaráð-
herra eru ekki eins trúaðir. Um
þetta segir Ljung: „Við höfum
aldrei sagt að hér sé um óyggjandi
sönnunargögn að ræða. Þetta er
samansafn af yfir-
gnæfandi líkum, það sem sjóher-
inn hefur orðið var við á þessum
slóðum getur að mínu viti ekki
verið annað en kafbátur."
Stuttu pilsin í tísku á ný
Verið er að kynna haust- og vetrartískuna hjá helstu
tískufrömuðum Evrópu um þessar mundir og ef marka
má myndina af þessum fallegu stúlkum virðist stutt-
pilsnatískan vera að hefja innreið sína að nýju.
Fundur landbúnaöarráðherra EBE:
Ákveðið að draga úr
offramleiðslu mjólkur
.......i 10 tu
Heimsins
elsti hundur
nú dauður
Sydney, Ástralíu. 13. mars. AP.
HEIMSINS elsti hundur, sem vit-
að var um, drapst í Sydney í Ástr-
alíu í dag, 32 ára að aldri. Er það
geysihár aldur, samsvarandi
mannsaldur er 224 ár. Þetta var
tíkin „t'hilla" og eigandi hennar,
David Gordon, sagði að við þessu
hefði hann búist í þó nokkur ár.
„Reyndar furðulegt hvað dýrið
tórði lengi. Auðvitað sakna ég
hennar, en það er svo langt síðan
hún var orðin fjörgömul að ég hef
byggt mig upp fyrir áfallið," sagði
Gordon.
Chilla var blendingur af
svörtum Labrador og áströlsk-
um fjárhundi, og fæddist 1.
mars 1952. Gordon var þá 10 ára
gamall og fékk hann dýrið að
gjöf eftir að hafa veikst af löm-
unarveiki. Chilla var á mjög rót-
grónu fæði og telja ýmsir að það
kunni að vera ein af orsökunum
fyrir því að dýrið náði hinum
háa aldri. Fæðið var soðinn
grænmetisúrgangur, kartöflu-
hýði, kálendar, eggjaskurn og
fleira í sama dúr. Einu sinni í
viku fékk tíkin tilbúinn hunda-
mat til að krydda tilveruna. Þó
dýrið hafi verið fjörgamalt, var
það ekki fyrr en á síðasta ári, að
það fór að sýna hrumleika. Það
missti heyrnina, gránaði og
missti hárið.
Brussel, 13. mars. AP.
Á FUNDI landbúnaöarráðherra
landa Efnahagsbandalags Evrópu í
dag var ályktað að draga þyrfti úr
mjólkurframleiðslu landanna til að
stemma stigu við offramleiðslu. Þá
voru gerð samningsdrög um niður-
fellingu hins flókna kerfis tolla og
niðurgreiðsla sem við lýði hefur ver-
ið til að jafna bilið milli sterkra og
veikra gjaldmiðla innan EBE.
Þetta nær þó ekki fram að
ganga nema að það verði sam-
þykkt á leiðtogafundunum sem
fram fara á mánudaginn og
þriðjudaginn. Ekki er talið að það
gangi snurðulaust fyrir sig, til
dæmis sagði landbúnaðarráðherra
írlands, Austin Deacy, að írar
gætu ekki fellt sig við alla þætti
samþykktarinnar og neyddust til
að leggja fram sérkröfur vegna
þess hve landbúnaður er mikil-
vægur írskum efnahag.
Ráðherrarnir samþykktu að
takmarka mjólkurframleiðsiu við
98,8 milljón tonn árin 1984—85 og
síðan í 97,8 milljón tonn á þar
næsta framleiðsluári. Árið 1983
nam framleiðslan 103 milljón
tonn. Áður en ráðherrafundurinn
hófst nú í Brussel voru horfur á
því að framleiðslan yrði 107 millj-
ón tonn. Neysla í EBE-löndunum
er hins vegar innan við 90 milljón
tonn og því hafa þurrmjólkur- og
smjörfjöll farið snarhækkandi.
Ráðherrarnir minntust ekkert á
hver kostnaður yrði af þessari
breyttu framleiðslu og tolla-
afnámi. Er óttast að Margareta •
Thatcher þyki kostnaðurinn of
mikill og samþykki því ekki tillög-
Afganskir flóttamenn á Indlandi mótmæla heimsókn landvarnaráðherra Rússa, Dmitri Ustinovs, og krefjast brott-
flutnings sovézka hernámsliðsins frá Afganistan.
Bretar trúa
á drauga
London, 13. mars. AP.
NÆR allir þeir, sem tóku þátt i
nýlegri breskri könnun um hið
yfirnáttúrulega, sögðust hafa séð
draug einhvern tíma á ævinni. í
ofanálag sögöust flestir hafa get-
að séð óorðna hluti fyrir og töldu
sig vera skyggna. Það var mán-
aöarritið Hers, sem gerði þessa
könnun á meðal lesenda sinna.
Það er selt í um 100.000 eintök-
um
Afsakið,
skakkt
númer
Bedfurd, New York, 13. m»rs. AP.
JANE Landenberger brá ekki
svo mjög er hún fékk þær upplýs-
ingar frá höfuðstöðvum borgar-
símans í New York að hún ætti
von á svimandi háum símareikn-
ingi. Það var hins vegar ekki fyrr
en henni var sagt, að það þyrfti
sendiferðabifreið til þess að
koma reikningnum til hcnnar að
henni brá í brún.
Þegar reikningurinn var loks
sendur var hann upp á 2.578
blaðsíður. Á þeim voru útskýrð
símtöl um heim allan, sem öll
höfðu verið greidd með greiðslu-
korti hennar. Er málið var
rannsakaö kom í ljós, að
Landenberger hafði tapað
greiðslukorti sínu og hafði það
verið notað í tíma og ótíma af
óprúttnum náungum. Yfir-
menn borgarsímans í New
York féllust á útskýringar
hennar. Þurfti hún að endingu
aðeins að greiða 47 dollara og
20 sent. Upphaflegi reikning-
urinn hljóðaði upp á 109.505
doilara (um 3 milij. ísl. króna).
Jesse
Owensgata
í Berlín
Berlín, 13. mars. AP.
GATA, sem liggur að Ólympíu-
lcikvanginum í Berlín var á laug-
ardag nefnd í höfuðið á banda-
ríska frjálsíþróttakappanum
Jesse Owens. Owens vann hug
og hjörtu allra áhorfenda á leik-
unum 1936 og vann til fernra
gullverðlauna. Owens er sjáifur
látinn, en eftirlifandi kona hans,
Ruth, gaf götunni formlega hið
nýja nafn. Aður hét gatan Leik-
vangsgata.
Skæður
sjúkdómur
í laxeldis-
stöðvum
Osló, 13. mars. Frá Jan Erik Lauré,
frétLaritara Mbl.
HIN illræmda „hitra-veiki" hef-
ur nú stungið sér niður í laxeldis-
stöðvum sunnan Oslóar. Þessi
veiki orsakar miklar innvortis
blæöingar í fiskinum og hafði til
þessa aðeins orðið vart í laxeld-
isstöðvum norðan borgarinnar.
Eldisfiskurinn drepst sýkist
hann af veikinni. Norskir dýra-
læknar töldu sig um miðjan
síðasta áratug hafa náð að ein-
angra sýkilinn, sem orsakaði
veikina. Hún stakk sér hins
vegar niður að nýju á árunum
1977—78. Afar erfitt hefur
reynst að hindra útbreiðslu
veikinnar og ógjörningur hefur
verið að bjarga þeim eldisfiski,
sem sýkst hefur. Taldar eru
líkur á að allt að 30% af fiski í
hverri eldisstöð drepist, berist
veikin þangað.