Morgunblaðið - 14.03.1984, Blaðsíða 37
MORGUNBLAÐIÐ, MIÐVIKUDAGUR 14. MARZ 1984
37
ná fram sem hagstæðustum skára.
Mikilvægt er að hafa ætíð sem
styzta línu úti eftir aðstæðum. Því
lengri lína sem er úti því erfiðara
er að hemja gáruna og framsetn-
inguna alla. Þetta er ekki síður
mikilvægt í votfluguveiði. Sjálft
kasthornið þarf að velja mjög
vandlega. Þegar kastað er þvert
getur verið erfitt að ná upp gár-
unni og á sama tíma kann að
þurfa að rétta af línuna með tilliti
til straumrennslis í ánni. Hraðinn
á gáruhnútnum í þverkasti er að
öðru jöfnu hægur. Með afréttara
eða stangarsveiflu andstreymis
má laga línuna og auka þannig
hraðann — eða hreinlega að
minnka sjálft kasthornið og jafn-
vel stytta kastið. Þannig er hægt
að auka eða minnka hraðann og
stjórna honum að vild.
Ef straumhraðinn er ekki of
mikill fyrir laxinn á hann heldur
ekki að vera of mikill fyrir veiði-
manninn að hafa stjórn á línunni.
Mörgum góðum veiðimanni er
hætt á að ofgera afréttinguna til
að passa sem allra mest upp á að
laxinn sjái fluguna örugglega á
undan línunni. I staðinn tapa þeir
möguleikanum á hægfara rennsli
og þegar upp er staðið fleiri löxum
en ella. Hinn stóri leyndardómur
er nefnilega sá að hæfilegur bugur
á línunni tuflar ótrúlega lítið en
seiðmögnuð sveifla í hæfilegan
fleigbjúg er oftast ómótstæðileg
fyrir kynngimagnaða fiska. Flest-
ar bækur sem skrifaðar hafa verið
um fluguköst og veiði í heiminum
hafa því miður lagt ofurkapp á
fallegt afrétt rennsli flugunnar en
hafa ekki komið auga á þessa
skæðu sveiflu sem hinn stóri gald-
ur byggir á og ekki síður í vot-
fluguveiði. Waddington-aðferðin
tæpir á þessari sveiflu, einnig
flotlínuaðferð A.H.E. Wood, og nú
seinast glerálstökk eða hristingur
Joseph P. Huberts. Allir eru þeir
þó að fjalla um votfluguna og
sveiflufleygbjúg þyrfti að gera
betri skil.
Kastað á dýpið
Góð regla er að standa þannig
að veiðistað að kastað er á dýpið
og flugan dregin upp að grynning-
unum. Þessu verður ekki alltaf við
komið og verður veiðimaðurinn oft
að velja á milli ýmissa atriða,
færa sér sum í nyt en fórna öðr-
um. Hver veiðiá hefur sínar sér-
stöku aðstæður og er nauðsynlegt
að meta hvern veiðistað með tilliti
til tímasetningar og framan-
greindra atriða.
Stundum kemur það fyrir í lok
rennslis að flugan hægir verulega
á sér. Hún er kannski komin í
lygnu ekki langt frá bakkanum
fyrir neðan veiðimanninn. Hér eru
á tíðum viðkvæm augnablik. Lax-
inn er kannski kominn á hreyf-
ingu á eftir flugunni. Ef gáru-
hnúturinn nú hverfur vegna ónógs
hraða og flugan sekkur undir yfir-
borðið missir öll athöfnin gildi sitt
og laxinn viljann og snýr við —
hættir við tökuna. Á þessum
augnablikum er nauðsynlegt að
verja viðkvæm hár hennar. Teikn-
ing: Ástmar Ólafsson.
rétta af línuna meðstreymis og fá
út nýtt kasthorn og lengja þannig
athöfnina upp í harða land.
Þegar egnt er með gáruhnút á
laxinn það til að rísa all langt á
eftir flugunni eða á misvísa stefnu
við skarann sjálfan. Þegar þetta
kemur fyrir er yfirleitt um að
kenna röngum hraða. Hraðinn er
oftast of mikill. Stundum er þó
öðrum framsetningaratriðum
ábótavant. Hraði flugunnar og
kasthornið eru afgerandi atriði
þegar veitt er á gáruhnút. Oft á
tíðum þarf rennslið að vera þann-
ig að það endar beint fyrir ofan og
framan laxinn svo að hann þurfi
aðeins að lyfta sér augnablik til að
grípa fluguna. Gamlir luralegir
laxar eru oft á tíðum blóðlatir og
hreinlega nenna ekki að elta flug-
una langt. Því er alltaf nauðsyn-
legt að koma sér ætíð fyrir í beztri
vígaðstöðu þó það kosti nokkuð
vað.
Votfluga og gáruhnút-
ur vinna vel saman
Þegar aðstæður haga því þannig
að laxinn taki fluguna seint, — í
eins konar dauðastöðu, eru yfir-
burðir votflugunnar miklir. Auð-
veldara er að halda votflugunni
kyrri en oft mjög erfitt með gáru-
hnútinn. Ekki má gleyma að þess-
ar tvær veiðiaðferðir vinna vel
saman og reistur lax með annarri
aðferðinni er á tíðum tekinn með
hinni. Báðar aðferðir þurfa að
byggja upp skemmtilega atburða-
rás til að flugan verði spennandi
fyrir laxinn.
Portland-bragðið eða gáruhnút-
inn má veiða á flestar flugur. Auð-
veldara er að hemja einkrækjur en
tvíkrækjur. Nú er hægt að fá svo-
kallaða „Partridge Double Wil-
son“ tvíkróka, sem eru með sér-
staklega löngum legg úr fínu
járni. Þessi járn eru talsvert veik-
ari en venjubundin og gætu verið
varhugaverð í erfiðum ám með
slýrennsli. Þau eru hins vegar
mjög heppileg fyrir gáruhnútinn
og sameina marga kosti við ein-
krækjuna.
Hestahnúturinn eða bragðið
geta farið mjög illa með fluguna
og ætti alls ekki að nota fallegar
fjaðraflugur.
Þá er hægt að hnýta fluguna
með löngum háls til að hlífa klæð-
um hennar. Af flugutegundum er
yfrið nóg að hafa tvær eða þrjár
tegundir til skiptanna. Meira at-
riði er að leggja áherslu á mis-
munandi stærðir og hafa þær mis-
munandi klæddar. Léttur klæðn-
aður er þá yfirleitt betri og stærð-
ir geta verið allt frá >/o niður í 10
eða 12 í vatnsminni ám.
Höfundur flotlínuaðferðarinnar
(A.H.E. Wood, greased Iine met-
hod of fishing) fyrr á öldinni not-
aði aðeins tvær flugur. Einn
þekktasti silungsveiðimaður
Bandaríkjanna í dag, Ed Van Put,
notar aðeins 3 mismunandi flugur
en silungsveiðitæknin þar í landi
er mjög háþróuð. Dökk fluga er
alltaf góð og önnur mikið silfurlit-
uð til skiptanna þegar vekja þarf
mikla athygli á örskömmum tíma,
kanski á meðan flugan fer yfir
litla gjótu í ánni. Fluguteórían í
votfluguveiði er þó flóknari en í
gáruverkum.
Val á flugum
Algild regla hjá veiðimönnum
er að skipta niður í flugustærðum
þegar lax rís án þess að taka. Hér
er mikill misskilningur á ferðinni,
en miklu áhrifaríkara er að
stækka fluguna. Sérstaklega þeg-
ar veitt er á gáruhnútinn. Undan-
tekning er þegar lax rís á eftir
mjög stórum flugum nr. 2 eða
stærri, en þá getur verið betra að
skipta niður og þá helzt um tvö
númer. Þegar skipt er um stærðir
í gáruveiði þarf oftast að fá fram
afgerandi breytingar, þ.e. meir en
í votfluguveiði. Þá má gjarnan
koma fram að laxveiðimenn nota
yfir höfuð of litlar flugur og væru
fengsælli með stærri gerðir.
Hámark ánægjunnar við gáru-
hnútinn er sjálf takan. Laxinn
skoðar oftast gáruna mjög vel og
nákvæmlega og í flestum tilfellum
er viðbragðsskyn hans hárná-
kvæmt þannig að hann reiknar
nákvæmlega út skara gárans og
rís á undan flugunni og gleypir
hana eins og silungur í mýkveikju.
Laxinn getur líka tekið fluguna
með venjulegu kollhnísstökki eða
hröðum hliðarspretti. Tilkomu-
mest er þó takan þegar hann lyftir
sér upp úr vatninu og tekur flug-
una á leiðinni niður.
Þegar glímt er við lax, og veiði-
maðurinn hefur öll þessi atriði að
fást við, kemst hann í mjög náið
samband við náttúruna. Hann
gleymir öllu veraldlegu striti og
veiðiathöfnin verður eins og sam-
setning á flókinni leiksýningu og
veðrið spilar undir. Veiðimaður-
inn verður eins og listmálari að
túlka sálræna list af innlifun.
Báðir eru þeir í baráttu við um-
hverfið og eru sífellt að setja fram
nýjar hugmyndir, ný viðhorf og
endurnýja eldri túlkanir á við-
fangsefnum sínum. Mikil gróska
ríkir á veiðitækjamarkaðinum og
skapar grundvöll fyrir nýjum og
nýjum stílum.
Framúrstefna
í listgrein
Ef laxveiðin er listgrein er gáru-
hnúturinn ein af framúrstefnun-
um. Lítum á sjálft lokaatriðið,
sjálfa tökuna, sem er svo mörgum
veiðimanninum erfið. Flestir
veiðimenn gera þá vitleysu að
bregða við fiskinum líkt og tíðkast
á silungsveiðum eða þegar veitt er
á þurrflugu. Reglan með gáru-
hnútinn er hins vegar sú að halda
aftur af sér og taka alls ekki í fyrr
en fiskurinn er sjálfur farinn að
toga í línuna. Mistökin að taka of
fljótt á móti er annars mjög al-
geng hjá mörgum veiðimönnum
sem veiða lax á votflugu. í smærri
ám og þegar fiskar eru smáir hef-
ur það oft lítið að segja þó fiskur
sé tæpt tekinn. í stærri ám og með
stóra fiska er hins vegar mikil-
vægt að lax sé vel tekinn og krók-
urinn vel aftur í kjaftviki hans.
Sama gildir þegar slýrennsli er
mikið eða aðrar svipaðar hættur.
Orri Vigfússon er forstjóri Glits hf.
og þekktur laxveidimaður.
Kastað fyrir lax. Teikning: Sigurður Gunnlaugsson.
Bridge
Arnór Ragnarsson
Betra er seint
en aldrei
Illilega var þrengt að bridge-
þættinum í helgarblöðunum og
urðu nokkrar fréttir útundan og
kannski þær sem sízt skyidi —
en betra er seint en aldrei.
Val á landsliði
á Ólympíumót 1984
í landsliðsnefnd BSÍ eiga sæti
árið 1984: Jakob R. Möller, for-
maður, Björn Theodórsson, Gylfi
Baldursson og Stefán J. Guð-
johnsen. Meginverkefni nefndar-
innar er að velja þau landslið,
sem stjórn BSl felur nefndinni
að velja, auk þess að fylgjast
með undirbúningi áður en end-
anlegt val fer fram. Þegar hefur
verið ákveðið að senda íandslið á
Ólympíumót í sveitakeppni, sem
haldið verður í Seattle í Banda-
ríkjunum í lok október og byrjun
nóvember 1984.
Val landsliðs til Settle mun
fara fram í þremur áföngum:
1. Butler-keppni allt að 16 para
helgina 11,—13. maí 1984.
2. Keppni 6—8 para, sem efst
eru samkvæmt 1. lið um mán-
aðamót ágúst-september 1984.
3. Reglubundnar æfingar yfir
sumarmánuðina fyrir 6—8
para hópinn. Settar verða
reglur um lágmarksæfinga-
sókn. Pörum, sem ekki ná lág-
markinu, kann að verða vikið
úr hópnum, séu skýringar
ekki fullnægjandi.
Að lokinni keppni samkvæmt
2. lið verður Iandsliðið valið úr
6—8 para hópnum, þó þannig að
efsta parið í seinni keppninni er
sjálfkrafa valið. Að öðru leyti
verður valið eftir frammistöðu i
seinni keppninni og með hliðsjón
af fyrri frammistöðu.
Fyrirliði verður skipaður af
stjórn BSl að höfðu samráði við
landsliðsnefnd og landsliðið,
nema hann verði skipaður áður,
en þá verður val hans rætt við
6—8 para hópinn.
Rétt er að fram komi, að
landsliðsnefnd hefur það á valdi
sínu, hvort pörin, sem áfram
fara eftir keppni samkvæmt 1.
lið, verða 6 eða 8. Við þá ákvörð-
un verður einkum höfð hliðsjón
af því, hvort í 7. og 8. sæti eru
pör, sem áður hafa sýnt, að þau
eigi fullt erindi í landslið.
Þeir spilarar, sem hug hafa á
að taka þátt í Butler-keppninni
11.—13. maí, eru beðnir að til-
kynna það til skrifstofu BSÍ eigi
síðar en 24. apríl fyrir kl. 17.00.
Islandsmót kvenna
og unglinga
í sveitakeppni
Mótin fara fram samhliða á
Hótel Hofi 17. og 18. mars. Spil-
uð verða ca. 100 spil, á laugar-
dag, laugardagskvöld og sunnu-
dag. Spilamennskan á laugardag
hefst kl. 13.00 og er áætlað að
mótunum ljúki um kl. 18.00 á
sunnudag.
Keppnin fer þannig fram að
allir spila við alla og verður
spilafjöldi í leik ákvarðaður þeg-
ar fjöldi sveita liggur fyrir.
Þátttökutilkynningar þurfa að
hafa borist til Jóns Baldurssonar
fyrir kl. 17.00, fimmtudaginn 15.
mars. Þátttökugjald er kr. 1200,-
á sveit.
Bridgefélag kvenna
Mánudaginn 5. marz var
spilaður eins kvölds 16 para
tvímenningur. Þrjú efstu pör
voru:
Júlíana Isebarn —
Margrét Margeirsdóttir 265
Una Thorarensen —
Nína Hjaltadóttir 258
Anna Lúðvíksdóttir —
Lilja Petersen 241
Bridgefélag
Reykjavíkur
Aðaltvímenningskeppni
Bridgefélags Reykjavíkur lauk
sl. miðvikudag með yfirburða-
sigri Sigurðar Sverrissonar og
Vals Sigurðssonar, en þeir tóku
forustu um miðbik mótsins og
héldu henni til loka. Baráttan
um næstu sæti var mjög hörð, en
Runólfur og Aðalsteinn náðu að
vera einu stigi á undan Ásgeiri
og Guðbrandi. Efstu pör á mót-
inu urðu þessi:
Sigurður Sverrisson —
Valur Sigurðsson 600
Aðalsteinn Jörgensen —
Runólfur Pálsson 431
Ásgeir Ásbjörnsson —
Guðbrandur Sigurbergsson430
Jón Ásbjörnsson —
Símon Símonarson 409
Guðmundur Pétursson —
Sigtryggur Sigurðsson 407
Jón Páll Sigurjónsson —
Sigfús Örn Árnason 321
Valgarð Blöndal —
Þórir Sigursteinsson 293
Guðmundur Páll Arnarson —
Þórarinn Sigþórsson 261
Júlíus Snorrason —
Sigurður Sigurjónsson 233
Hörður Blöndal —
Jón Baldursson 187
I næstu viku verður ekki spil-
að hjá félaginu, en Board-a-
Match-sveitakeppni hefst
þriðjudaginn 20. mars og verður
haldið áfram miðvikudaginn 21.
mars.
Keppnin stendur í fjögur
kvöld. Keppt er um Stefánsbik-
arinn, sem Valur Fannar gaf.
Núverandi handhafi bikarsins er
sveit Jóns Hjaltasonar. Vænt-
anlegir þátttakendur eru minnt-
ir á að skrá sig sem fyrst hjá
formanni í síma 72876 eða öðrum
stjórnarmanni.
Bridgefélag
Breiðholts
Þriðjudaginn 6. mars var fram
haldið Butler-tvímenningi. Eftir
sex umferðir er röð efstu para
þessi:
A-Riðill:
Þorvaldur Valdimarsson —
Jósef Sigurðsson 77
Ingi Már — Þórður 67
Gísli Tryggvason —
Heimir Tryggvason 65
B-Riðill:
Rafn Kristjánsson —
Þorsteinn Kristjánsson 83
Tómas Baldvinsson —
Guðmundur Sigurbjörnsson 74
Helgi Skúlason —
Kjartan Kristófersson 66
... Næst verður eins
kvölds tvímenningur en síðan
hefst barometer. Skráning er
hafin hjá Baldri í síma 78055.
Spilað er í Gerðubergi. Keppnis-
stjóri er Hermann Lárusson.
Bridgedeild Barð-
strendingafélagsins
Firmakeppni Bridgedeildar
Barðstrendingafélagsins lauk
mánudaginn 5. febrúar. Sigur-
vegari varð Múrarafélag Reykja-
víkur. Fyrir þess hönd spiluðu
Sigurbjörn Ármannsson og
Ragnar Þorsteinsson. Bridge-
deild Barðstrendingafélagsins
vill þakka öllum þeim fyrirtækj-
um sem styrktu keppni þessa.
Fyrirtæki sem tóku þátt í keppn-
inni voru: Múrarafélag Reykja-
víkur, Apótek Vesturbæjar,
Trésmiðja Reykjavíkurborgar,
B.M. Vallá, Nathan & Olsen, Pét-
ur O. Nikulásson, Bifreiða-
kennsla Hannesar, Múrara-
meistarafélag Reykjavíkur,
Osta- og smjörsalan, ístex hf.,
Faxi hf., Bifreiðabyggingar hf.,
Seglagerðin Ægir, Björn og
Halldór, Smurstöðin Hafnar-
stræti 23, Vatnsveitan í Reykja-
vík, Húsgagnaverslunin Skeifan,
Nonni hf., Vatnsvirkinn hf.,
Slippfélagið í Reykjavík, Viðar
og Þórarinn, ístak hf„ Fyri hf„
Nesskip hf„ J. Þorláksson &
Normann, Blikk & Stál, Gler-
skálinn í Kópavogi, Gestur hf„
Bílaborg hf.