Morgunblaðið - 21.06.1985, Blaðsíða 4
4
MORGUNBLAÐIÐ, FÖSTUDAGUR 21. JÚNÍ 1985
Flutningsmenn ályktunar opins fundar
verkalýðsmálaráðs Alþýðubandalagsins:
Vildu ekki samn-
inga heldur
átök í haust
FORYSTUMENN innan verkalýdshreyfingarinnar, svo og ákvertnir þing-
menn, telja að árás sú sem felst í mjög hörðum áfellisdómi á nýgerða
kjarasamninga, sem kemur fram í ályktun opins umræðufundar verkalýðs-
málaráðs Alþýðubandalagsins frá því í fyrrakvöld, eigi eftir að draga stóran
dilk á eftir sér fyrir verkalýðsarm Alþýðubandalagsins og forystumenn
flokksins í verkalýðshreyfingunni. Forystumenn flokksins bæði í pólitískum
armi hans og verkalýðsarmi benda hins vegar á, að þessi ályktun sé ályktun
opins fundar, og verði ekki skoðuð sem afstaða verkalýðsmálaráðsins sjálfs.
Svavar Gestsson, formaður Alþýðubandalagsins, segir það rangt að mæla
með því að samningarnir verði felldir, og í sama streng tekur Ásmundur
Stefánsson. forseti ASÍ.
Verkalýðsmálaráðið efndi til
opins fundar í fyrrakvöld, sem lið-
lega 50 manns sóttu. Fyrir fundin-
um lá ályktunartillaga, frá fram-
sögumönnum fundarins, Bjarn-
fríði Leósdóttur, formanni ráðsins
og Margréti Pálu Ólafsdóttur,
fóstru, sem á sæti í stjórn ráðsins.
Að loknum miklum umræðum um
framsöguerindin og ályktunina,
var hún samþykkt, mótatkvæða-
laust, en hluti fundarmanna sat
hjá við atkvæðagreiðsluna.
Samkvæmt heimildum Morgun-
blaðsins voru ræðumenn á fundin-
um, sem lýstu þeirri skoðun sinni
að nýgerðir kjarasamningar væru
mun betri kostur en VSI-tilboðið
til 18 mánaða hefði verið og jafn-
framt að þessir samningar væru
mjög til bóta miðað við það sem
hefði orðið, ef menn hefðu haldið
að sér höndum fram á haust.
Margrét Pála Ólafsdóttir, sem á
sæti í verkalýðsmálaráöinu og var
annar flutningsmaður ályktunar-
tillögunnar, sagði í gær í samtali
við blaðamann Morgunblaðsins að
umræður fundarins hefðu mikið
gengið út á það að líta bæri á þann
Ijósa punkt, að þessir samningar
væru skammtímasamningar, sem
giltu aðeins til áramóta. Færi svo
að BSRB færi sömu leið, þá myndi
slíkt gefa tækifæri til þess að ASÍ
og BSRB tækju upp sameiginlega
kjarabaráttu. Sagði hún að einir 5
eða 6 fundarmenn hefðu bent á
þetta, og fundurinn hefði tekið
undir þetta sjónarmið. Margrét
Pála sagði að annað jákvætt hefði
ekki verið sagt um þessa samn-
inga.
Margrét Pála var spurð hvort
ályktun fundarins hefði þá ekki
verið fullharkaleg, í ljósi þess að
fundurinn tók undir það sjónar-
mið sem hún greindi frá hér að
ofan: „Nei, alls ekki,“ sagði Mar-
grét Pála, „það stendur eftir sem
áður að fólk telur þessa samninga
algjörlega óviðunandi."
Margrét Pála var spurð hvaða
leið hún og Bjarnfríður, flutn-
ingsmenn tillögunnar, hefðu þá
viljað fara: „Okkar mat var það að
ef ekki næðust þeir samningar
sem viðunandi mættu teljast, ætti
að láta koma til átaka í haust.“
Spurningunni hvort þær hefðu
talið að verkalýðshreyfingin hefði
verið í stakk búin að taka á sig
áframhaldandi rýrnun kaupmátt-
ar á næstu vikum og mánuðum, og
fara að því búnu út í hörð átök á
vinnumarkaðnum, svaraði Mar-
grét Pála á eftirfarandi hátt:
„Kaupmáttarhrap hefði orðið
eitthvað í sumar, á því er enginn
vafi. En þessir samningar verja
ekki einu sinni þann kaupmátt
sem við höfum í dag. Það hefur því
ekki verið tryggt að kaupmátt-
arhrapið haldi ekki áfram.“
Fram hefur komið í samtölum
blaðamanns við fundarmenn sem
sátu þennan fund, að hann sátu
hvorki forystumenn úr verka-
lýðshreyfingunni, sem eiga sæti í
ráðinu, né úr flokksforystunni, að
Vilborgu Harðardóttur, varafor-
manni Alþýðubandalagsins und-
anskilinni. Einn fundarmanna
orðaði það þannig að þarna hefði
verið eitthvað af eldra fólki, tals-
vert af konum á öllum aldri og
róttæklingar. Margrét Pála var
spurð hvort þau í verkaiýðsmála-
ráðinu hefðu engar áhyggjur af
því hversu einangrað fyrirbæri
þessi stofnun Alþýðubandalagsins
væri orðin: „Við höfum meiri
áhyggjur af því hversu forysta
verkalýðshreyfingarinnar er að
verða einangruð.“
Margrét var spurð hvort hún
teldi að þessi ályktun opna fund-
arins endurspeglaði afstöðu
verkalýðshreyfingarinnar í land-
inu: „Við teljum að við séum að
tala fyrir munn geysilega stórs og
fjölmenns hóps.“
Vilborg Harðardóttir, varafor-
maður Alþýðubandalagsins, var í
gærkveldi spurð hver hennar af-
staða hefði verið til ályktunar
þeirrar sem samþykkt var á fund-
inum: „Ég sat hjá þegar húii var
borin undir atkvæði. Ég sat hjá
vegna þess að það var borin upp
breytingartillaga sem ég var á
móti, en ég var ekki á móti andan-
um í ályktuninni, þó að ég væri
ekki sátt við tillöguna eins og hún
hljóðaði að lokurn."
„Tveggja lítra
mjólkursamninga“
EFTIRFARANDI ályktun var sam-
þykkt á opnum umræðufundi sem
efnt var til af verkalýösmálaráði Al-
þýðubandalagsins að kvöldi 19. júní
sl.
„Tveggja lítra
mjólkursamningar“
Opinn fundur verkalýðsmála-
ráðs Alþýðubandalagsins, haldinn
á Hverfisgötu 105 þann 19. júní
1985, lýsir fullri andstöðu við
nýgerða kjarasamning milli ASÍ
og vinnuveitenda og leggur til að
þeir verði felldir.
Verkalýðsforystan hefur geng-
ist inn á launastefnu ríkisstjórn-
arinnar og áfram mun verkafólk
afhenda atvinnurekendum og rík-
isstjórn tugi þúsunda af launum
sínum á næstu mánuðum vegna
kjararáns ríkisstjórnarinnar.
Nýgerðir samningar breyta þar
engu um.
Launahækkun sem nemur 59 kr.
á dag mun verða létt í pyngju lág-
launafólks, enda tæplega jafnvirði
2ja mjólkurlítra.
Ekkert kauptryggingarákvæði
er að finna í samningunum heldur
aðeins ósk um að ríkisstjórnin
haldi verðlagi innan ákveðinna
marka. Þannig er samningurinn
ávísun upp á áframhaldandi
kjaraskerðingu.
Fundurinn fordæmir þau vinnu-
brögð, sem enn eru notuð við
kjarasamninga, þar sem deyfð og
kjarkleysi verkalýðsforystunnar
ræður ferðinni í stað þess að for-
ystan leiði verkalýðshreyfinguna
til baráttu gegn ósvífnu kjararáni.
Launþegasamtökin geta sam-
eiginlega brotið niður launastefnu
ríkisstjórnarinnar, endurheimt
lífvænleg laun og fullar verðbætur
á laun.“
Morgunbla&ið/Gunnar
Til þess að sprengja klettinn í Óshlíðinni þurfti að bora 60 holur í bergið, sem síðan voru fylltar með um tveimur
tonnurn af sprengiefni.
Bolungarvík:
Slysagildra sprengd úr Óshlíðarvegi
Bolungarvík, 20. júní.
UNDANFARIÐ hafa staðið yfir vegaframkvæmdir á Óshlíðarvegi. Er hér
um að ræða framhald á þeim vegaframkvæmdum sem staðið hafa yfir á
þessum vegi undanfarin ár og sem miða að því að breikka veginn og taka
af honum varasamar brekkur og beygjur um leið og vegurinn er færður
frá fjallshlíðinni þannig að góðar vcgrásir fáist fyrir ofan hann.
í þessum áfanga er tekinn
fyrir um eins kílómetra vegar-
spotti, eða frá kennileiti sem
kallast Einbúi og að svokallaðri
Steinsófæru. En þar er einmitt
staðsettur kross á stalli við veg-
inn. Neðan við krossinn er áletr-
unin: Góður guð verndi vegfar-
endur. Þar sem vegurinn liggur
fyrir þessa ófæru er á honum
vinkilbeygja. En í gærkveldi var
kletturinn þarna sprengdur
fram og var þar með losað um
3000 rúmmetra af efni, eða 7 til 8
þúsund tonn.
Til að sprengja klettinn þurfti
að bora 60 holur í bergið, sem
síðan voru fylltar með um tveim-
ur tonnum af sprengiefni. En
aðallega var notaður áburður,
nánar tiltekið kjarni.
Vel tókst til við sprenginguna
og er í dag unnið við að hreinsa
út af veginum og samkvæmt síð-
ustu fréttum virðist þurfa ein-
hverjar smásprengingar til við-
bótar þarna á þessum stað.
Þar með er farin af Óshlíðar-
vegi ein hættulegasta beygjan
þar sem allnokkuð hefur orðið
um árekstra ökutækja á undan-
förnum árum.
Þess ber að geta að stæði
krossins og krossinn sjálfur
verður á sínum stað eftir sem
áður. En krossinn var að sjálf-
sögðu tekinn af sínum stalli
meðan á þessum framkvæmdum
stóð.
Það er verktakafyrirtæki
Gunnars og Ebenesar á Ísafirði
sem annast þennan áfanga á
Óshlíðarveginum. Gert er ráð
fyrir að þeir ljúki framkvæmd-
um um næstu mánaðamót. í
sumar er jafnframt áætlað að
leggja bundið slitlag á tveggja
til þriggja km kafla vegarins. Á
næstu tveimur árum er hins veg-
ar áætlað að klára breikkun veg-
arins, en eftir er um tveggja km
kafli, og jafnframt leggja bundið
slitlag á allan veginn, auk þess
sem byggðar verða a.m.k. tvær
vegsvalir. Er ákveðið að á næsta
ári verði byggðar vegsvalir á
Steinsófæru. — Gunnar
Þetta fólk
virðist líta á
kjarabarátt-
una sem leik
— segir Ásmundur Stefánsson um þá sem stóðu að
ályktun opins fundar verkalýðsmálaráðs Al-
þýðubandalagsins um nýgerða kjarasamninga
„ÞAÐ hefði að mínu mati verið frá-
leitt að gera ekki þessa samninga
núna, því ef ekkert hefði verið að gert
hefði kaupmátturinn haldið áfram að
falla hröðum skrefum niður á við.
Þess vegna var óhjákvæmilegt að
spyrna við fótum. Eg vil eindregið
hvetja fólk til þess að samþykkja
þessa samninga, vegna þess að ekki
er bjartur sá kostur að bíða hausts og
horfa á kaupmáttinn rýrna dag frá
degi,“ sagði Ásmundur Stefánsson,
forseti Alþýðusambands íslands, er
blaðamaður Morgunblaðsins spurði
hann álits á ályktun opins fundar
verkalýðsmálaráðs Alþýðubanda-
lagsins um nýgerða kjarasamninga
ASÍ og VSÍ.
„Það er rétt að minna á að fram
til 1. október nk. er kauphækkunin
samkvæmt þessum samningum
14,5% að meðaltali og uin 15,5%
hjá þeim sem eru á lægri launa-
stigunum," sagði Ásmundur.
„Mér sýnist að það fólk sem gert
hefur þessa samþykkt skorti allt
raunsæi í stöðumati. Það mætti
halda að það hafi hvorki fylgst með
aðdraganda samninganna eða
kynnt sér samningana sjálfa.
Ályktunin einkennist af ábyrgðar-
leysi og svo virðist sem þetta fólk
líti á kjarabaráttuna sem leik,“
sagði Ásmundur.
Lagði Ásmundur áherslu á að
full samstaða hefði verið með öll-
um landssamböndum innan Al-
þýðusambandsins um gerð þessara
samninga og stæðu þau öll sameig-
inlega að niðurstöðunni. Allur að-
dragandi hefði verið í almennri
umræðu innan samtakanna í meira
en mánuð og eftir mjög ítarlega
umfjöllun hefði það verið sameig-
inleg niðurstaða á öllum vígstöðv-
um að rétt væri að láta reyna á
samninga núna.
„Ég var ekki á þessum fundi,
þannig að ég hef enga aðstöðu til
þess að dæma um það hvernig um
málin hefur verið fjallað, en mér
sýnist niðurstaðan benda til þess
að málin hafi naumast verið skýrð
á réttan hátt. Ég hef hvergi heyrt
það viðhorf sem þarna er verið að
lýsa, eða þá afstöðu sem þarna
kemur fram,“ sagði Ásmundur.
Ásmundur benti á að hér væri
ekki um ályktun verkalýðsmála-
ráðs Alþýðubandalagsins að ræða
heldur væri þetta ályktun opins
fundar sem verkalýðsmálaráðið
hefði boðað til.
Simon Le Bon
Vinsældalisti
hlustenda
rásar 2
EFTIRFARANDI lög eru þau tíu
vinsælustu þessa vikuna ef
marka má hlustendur rásar tvö:
1. (1.) A View to a Kill
Duran Duran
2. (8.) Icing on the Cake
Stephen Tin Tin Duffy
3. (2.) Axel F.
Harold Faltenmayer
4. (6.) Raspberry Beret
Prince
5. (4.) Cloud across the Moon
Rah Band
6. (3.) Nineteen
Paul Hardcastle
7. (17.) Móðurást
Possibillies
8. (20.) Celebrate Youth
Rick Springfield
9. (10.) Get It On
The Power Station
10. (11.) Left, Right
Drýsill