Morgunblaðið - 21.06.1985, Blaðsíða 48
E
Jw.
EUPOCAPD J
Tll DAGIEGRA NOTA
KEILUSALURINN
OPINN 10.00-02.00
FÖSTUDAGUR 21. JÚNÍ 1985
VERÐ í LAUSASÖLU 30 KR.
Ir
I
Svavar Gestsson, formadur Alþýðubandalags-
ins um ályktun fundar verkalýðsmálaráðs:
99
Rangt að leggja
til að samningarn-
ir verði felldir“
Segir það ekki hafa verið verkalýðsmála-
ráð sem ályktaði svo, heldur opinn fund
„ÞESSI ályktun er gerð af almennum opnum fundi, sem boðaður er af stjórn
verkalýðsmálaráðs. Þetta er því ekki verkalýðsmálaráðið sem ályktar svo,
heldur það fólk sem nest til á almennan fund,“ sagði formaður Alþýðu-
bandalagsins, Svavar Gestsson, er hann var spurður hver afstaða hans veri
til efnis þeirrar ályktunar um nýgerða kjarasamninga ASÍ og VSÍ, þar sem
lagt er til að þeir verði felldir, sem samþykkt var á opnum fundi verkalýðs-
málaráðs Alþýðubandalagsins í fyrrakvöld.
Ásmundur Stefánsson, forseti
ASf, tók í sama streng, og sagði að
sér virtist sem fólk það sem að
þessari ályktun stóð liti á kjara-
baráttuna sem leik og léti ekki
einu sinni svo lítið að kynna sér
aðdraganda samninganna eða
samningana sjálfa áður en það
ályktaði í þá veru, sem þessi opni
fundur gerði.
Svavar lagði áherslu á það í
máli sínu að þessi fundur talaði
ekki í nafni verkalýðsmálaráðs
Alþýðubandalagsins, en ályktun
sú sem samþykkt var, var borin
upp af formanni ráðsins, Bjarn-
fríði Leósdóttur, og Margréti Pálu
Ólafsdóttur, sem á sæti í verka-
lýðsmálaráðinu.
Svavar sagði að afstaða hans til
nýgerðra samninga hefði þegar
komið fram og hefði hann engu
þar við að bæta, „nema,“ sagði
Svavar, „að ég tel að það sé rangt
að leggja til að þessi samningar
verði felldir".
Vilborg Harðardóttir, varafor-
maður Alþýðubandalagsins, sat
ofangreindan fund. Hún sat hjá
við atkvæðagreiðsluna, en sagði í
samtali við Morgunblaðið í gær-
kveldi að hún hefði verið efnislega
sammála ályktuninni, hún hefði
einungis ekki vilja greiða henni
atkvæði sitt, þar sem hún hefði
ekki verið sátt við það hvernig
ályktunin hljóðaði eftir að breyt-
ingartillaga hafði verið samþykkt.
Svavar var spurður hvort hann
og varaformann Alþýðubanda-
lagsins greindi mjög á í afstöðu til
nýgerðra kjarasamninga: „Ég veit
ekki betur en Vilborg hafi lagst
gegn því að það yrði lagt til að
þessir samningar yrðu felldir,"
sagði Svavar.
Sjá nánar viðtal við Asmund
Stefánsson, forseta ASÍ, frásögn
af fundi verkalýðsmálaráðsins
og ályktun fundarins á bls. 4.
Morgunblftðiö/Þorkelí
María Björg Kristjánsdóttir f Hensonstreyjunni, sem leikmenn Aston
Villa munu klæðast. Þau Halldór Einarsson halda á milli sín á „gömlu
treyjunni“ frá Le Coq.
Neðri deild:
*
Afram átta
ára skóla-
skylda
NEÐRI deild Alþingis samþykkti í
gærkvöldi frumvarp um breytingu á
grunnskólalögum þar sem gert er
ráð fyrir að skólaskylda verði 8 ár.
Tvö atkvæði skyldu að stuðnings-
menn og andstæðinga. 17 voru frum-
varpinu hlynntir, en 15 greiddu at-
kvæði gegn því.
Alexander Stefánsson félags-
málaráðherra skipti um skoðun
milli umræðna. Við aðra umræðu
var hann andstæðingur frum-
varpsins en við lokaafgreiðslu
ljáði hann því atkvæði sitt.
Samkvæmt grunnskólalögunum
frá 1974 var gert ráð fyrir að
skólaskylda yrði 9 ár frá og með
árinu 1980. Gildistöku þessa
ákvæðis hefur hins vegar verið
frestað á hverju ári síðan.
Menntamálaráðherra Ragnhildur
Helgadóttir lagði þunga áherslu á
í umræðu að þetta ákvæði tæki
gildi. Hún var mótfallin umræddu
frumvarpi.
Á miðnætti í nótt var ekki ljóst
hvort málið kæmi á dagskrá efri
deildar.
íslenskur fataiðnaður í Englandi:
Aston Villa leikur í
íslenskum búningum
— á næsta keppnistímabili í ensku knattspyrnunni
LIÐSMENN enska knattspyrnufé-
lagsins Aston Villa, sem um árabil
befur verið eitt af virtustu fyrstu-
deildarfélögum þar í landi, munu
leika í íslenskum búningum á næsta
keppnistímabili, sem hefst um miðj-
an ágúst. Það er fyrirtækið Henson
sportfatnaður hf. í Reykjavík, sem
gert hefur samkomulag þar að lút-
andi við stjórn Aston Villa og verður
endanlega gengið frá samningum í
Birmingham í næstu viku, að sögn
Halldórs Einarssonar, forstjóra
Henson.
Auk þess að liðið muni ieika í
íslensku búningunum verða Hen-
sonbúningar Aston Villa seldir í
verslun félagsins á Villa Park-
leikvanginum, í sportvöruverslun-
um í Bretlandi og f póstverslun
víða um heim. Er gert ráð fyrir að
á þann hátt verði seldir um 15
þúsund búningar árlega, enda eru
tryggir aðdáendur enskra
knattspyrnufélaga fjölmargir. At-
vinnuknattspyrnumenn Aston
Villa hafa til skamms tíma leikið í
búningum frá fataframleiðslu-
fyrirtækinu Le Coq.
Samgönguráðherra á Selfossi í gærkvöldi:
Símagjöld lækka 1. júlí nk.
en póstburðargjöld hækka
SelfoMÍ, 20. jÚBÍ.
TALSVERÐAR breytingar verða á gjaldskrá Pósts og síma frá og með 1.
júlí næstkomandi. Arsfjórðungsgjald fyrir sjálfvirkan síma mun til dæmis
lækka um 7,8% skrefagjald lækkar um 11% og gjöld fyrir telexafnot
lækka um 4?,8%— 74,1%. Aftur á móti hækka póstburðargjöld um
17—33%. Þetta kom fram í ræðu, sem Matthías Bjarnason samgöngu-
ráðherra hélt á fundi hér í kvöld, en það er fyrsti fundurinn af sjö, sem
hann heldur um samgöngumál víða um land.
Ráðherrann minnti á, að
gjaldskrár fyrir póst- og síma-
þjónustu hafi verið óbreyttar
síðan haustið 1983 að undan-
skildri hækkun á talsímaþjón-
ustu við útlönd vegna gengis-
breytinga. „Hagkvæmni í rekstri
símakerfanna og aukin síma-
viðskipti hafa bætt hag stofnun-
arinnar, svo nú er tímabært að
láta símnotendur njóta góðs af í
lækkuðum símagjöldum," sagði
Matthías.
Hann sagði síðan að frá og
með næstu mánaðamótum
myndi ársfjórðungsgjald fyrir
sjálfvirkan síma lækka úr 713
krónum í 657,20 krónur, eða um
7,8%. Hvert skref í símtali lækk-
ar úr 1,67 í 1,49 krónur, eða um
11%. Þá lækkar stofngjald fyrir
telexnotanda, númer og lína, úr
24.029,95 krónum í 13.020 krónur
eða um 45,8% og ársfjórðungs-
gjald fyrir sömu þjónustu úr
8.268,30 krónum í 2.139 krónur,
eða um 74,1%. Öll þessi verð eru
með söiuskatti.
Póstburðargjöld hækka hins-
vegar frá 1. júlí úr sex krónum
og 6,50 krónum í átta krónur eða
um 19—33% og úr 7,50 krónum í
níu krónur eða um 17%. Sam-
hliða þessari hækkun verður
nokkur lækkun á burðargjaldi
bréfa, sem eru yfir fyrsta þyngd-
arflokki innanlands, að því er
ráðherrann sagði á fundinum.
Hann sagði einnig: „Ný fjar-
skiptalög voru sett á sl. ári og í
samræmi við þau hefur verið
samin ný reglugerð. Nú á sér
stað hröð tækniþróun, sem
snertir öll fjarskipti, bæði hvað
varðar svokallaðar boðveitur og
til dæmis sjónvarp um gervi-
tungl. Ný útvarpslög munu einn-
ig breyta ýmsum forsendum. Ég
hef því ákveðið að fjarskiptalög-
in verði endurskoðuð að nýju.“
— Sig. Jóns.
„Til þessa hafa ensku knatt-
spyrnufélögin fengið greiddar
stórar fúlgur fyrir að velja eina
gerð búninga fram yfir aðra og
aldrei minna en 50 þúsund pund á
ári, eða sem svarar 2,7 milljónum
króna,“ sagði Halldór Einarsson í
samtali við blm. Morgunblaðsins.
„Ég get nefnt sem dæmi, að Liv-
erpool gerði nýlega þriggja ára
samning við Adidas um að leika í
búningum frá þeim og það kostar
Adidas milljón pund, eða um 17
milljónir íslenskra króna á ári.
Við munum hinsvegar selja Aston
Villa alla þessa búninga í heild-
sölu — fyrir utan þrjá umganga á
liðið sjálft og þjálfara þess.“
Halldór sagði að þetta verkefni
væri afar spennandi fyrir fyrir-
tæki sitt og íslenskan iðnað i
heild, ekki síst með tilliti til
hugmynda Henson hf. um að setja
upp saumastofu í Skotlandi.
„Þetta gerir þann möguleika tví-
mælalaust raunhæfari," sagði
hann.
Aðdragandi þessa máls er sá, að
haustið 1981 lék Valur við Aston
Villa í Evrópukeppni meistaraliða.
Halldór var þá í stjórn Vals og
tókust góð kynni með honum og
stjórnarmönnum enska félagsins.
„Við höfum síðan haldið þessu
sambandi og ræktað það,“ sagði
Halldór. „Steven Stride, fram-
kvæmdastjóri félagsins, var hér á
dögunum og þá komst virkilegur
skriður á hugmyndina. Fyrir
nokkrum dögum sendi ég þeim
nokkrar hugmyndir að nýju útliti
búninga félagsins, sem stjórn fé-
lagsins hefur nú ákveöið að
kaupa."