Morgunblaðið - 21.06.1985, Blaðsíða 10

10
MORGUNBLAÐIÐ, FÖSTUDAGUR 21. JÚNÍ 1985
Hátíðafundur 19. júní
undir Ármannsfelli
Að kvöldi 19. júní síðastlidinn
voni haldnar samkomur víða um
land til að minnast þess að 70 ár
voru liðin síðan konur öðluðust
kosningarétt og kjörgengi til Al-
þingis. Fjölmennasti fundurinn var
undir Ármannsfelli í Þingvalla-
sveit. Að honum stóðu konur af
suðvesturhorni landsins, frá Borg-
arfirði að Skaftafellssýslu. Áætlað
er að þar hafi verið samankomið
hátt á annað þúsund manns.
Fundarmenn söfnuðust saman
í Bolabás um kl. 20. og hlýddu á
leik lúðrasveitar kvenna undir
stjórn Lilju Valdimarsdóttur.
Hafði lúðrasveitin verið sett
saman til þess að spila á þessum
fundi. Formaður Bandalags
kvenna í Reykjavík, Kristín
Guðmundsdóttir setti fundinn.
María Pétursdóttir, formaður
Kvenfélagasambands Islands,
flutti ávarp. Fjallaði hún m.a.
um starf 85 nefndarinnar, sem
er samstarfsnefnd 22 félagasam-
taka, um aðgerðir á lokaári
kvennaáratugar Sameinuðu
þjóðanna. Minnti hún á einkunn-
arorð áratugarins „Jafnrétti-
framþróun-friður" og á það sem
við hafði verið bætt á ráðstefnu
SÞ í Kaupmannahöfn 1980, „at-
vinna-heilbrigði-menntun.
Elín Bruusgaard, rithöfundur
frá Noregi, flutti kveðjur frá
MorgunbUðið/Júlíus
Konur úr Kvenfélagi Lágafellssóknar komu fram í 19. aldar búningum er þær höfðu sjálfar handsaumað.
VljK" flnPffP
3 í / ■ Vm pgl
norrænum kvennasamtökum og
frá Pakistan og Kenya. Hún
fjallaði síðan um verkefni það í
Kenya er íslenskar konur ætla
að taka þátt í. Kristín Ást-
geirsdóttir rakti sögu kven-
réttindabaráttu á íslandi. Konur
úr kvenfélagi Lágafellssóknar
komu fram í 19. aldar þjóðbún-
ingum er þær höfðu sjálfar
handsaumað. Helga Backman,
leikkona, flutti sögu Jónasar
Hallgrímssonar um Drottning-
una af Englandi. Að lokum var
fjöldasöngur.
Fundinum bárust nokkur
skeyti þ.a.m. frá Salome Þor-
kelsdóttur, forseta efri deildar
Alþingis, og Ragnhildi Helga-
dóttur, menntamálaráðherra.
Það vakti kátínu meðal fund-
armanna er sagt var frá því í lok
fundarins, að tvær konur af Suð-
urlandi, Drífa Hjartardóttir og
ólafía Ingólfsdóttir, hefðu smíð-
að pallinn er notaður var sem
svið á fundinum. Eftir fundinn
tóku þær pallinn síðan í sundur
aftur og fluttu til síns heima.
Segja má að fundurinn hafi
tekist mjög vel og verið íslensk-
um konum til sóma.
María Pétursdóttir, formaður
Kvenfélagasambands íslands.
Elín Bruusgaard, rithöfundur.
Séð yfir hluta hópsins, sumir sýndu fyrirhyggju og höfðu með sér nesti.