Morgunblaðið - 21.06.1985, Blaðsíða 33

MORGUNBLAÐIÐ, FÖSTUDAGUR 21. JÚNÍ 1985
33
Minning:
Ragnar Stefáns-
son fulltrúi
Aðeins örfá orð til þess að
þakka góðum vini kynnin. Raunar
var Ragnar kominn á harðasprett
í lífshlaupinu þegar hann gekk að
eiga Sigríði Ernu systur mína úti í
Vestmannaeyjum og fundum
okkar bar saman eftir stríð. Og
meira hvað maðurinn gat hlaupið!
Hann var mikill verkmaður og að
sama skapi ósérhlífinn þrátt fyrir
þennan sjúkdóm sem hrjáði hann
nánast frá blautu barnsbeini og
hafði hann að lokum undir núna
daginn fyrir þjóðhátíð. Stundum
kaus hann að víkja frá þegar
þrautirnar voru mestar; en kom
aftur að vörmu spori og þóttist
hinn hressasti.
Hann var ekki að berja sér, að
angra fólk með sjúkdómslýsing-
um. Þó hafði hann orð á því, er
mér sagt, við einn af starfsbræðr-
um sínum núna undir vorið, að
það færi að verða tímabært að
hverfa á vit forfeðranna einsog
það hét hjá honum. Hann var þá
orðinn æði lúinn. Þessi fylgja hans
gerðist sífellt aðgangsharðari og
ætli hann hafi ekki einkanlega
gengið fyrir seiglunni síðustu
misserin sem hann lifði.
Ragnar var stundum að basla
við að vera snefsinn hélt hann víst
— heilmikið hörkutól — þegar
annirnar voru mestar, en það var
svo grunnt á þessu og honum gekk
svo bölvanlega að ráða við grím-
una að það var næstum hlægilegt
stundum. Allir sem kynntust hon-
um vissu líka mætavel að hér var
á ferðinni viðkvæm sál, jafnvel
óvenju viðkvæm. Ragnar var ljóð-
elskur öðlingur, eindæma hjálpfús
og örlátur, góður eiginmaður, góð-
ur faðir, einlægur vinur vina
sinna.
Ég veit að ég mæli fyrir munn
þeirra, svo og móður minnar,
systkina og annarra venslamanna,
þegar ég þakka Ragnari Stefáns-
syni allt gamalt og gott og óska
honum fagnaðar og góðrar hvíldar
hjá forfeðrunum.
Gísli J. Astþórsson
Að morgni hinn 16. júní sl. and-
aðist Ragnar Stefánsson í Land-
spítalanum í Reykjavík, eftir erf-
iða sjúkdómslegu.
Ragnar fæddist 19. febrúar
1918, sonur hjónanna Stefáns
Jónssonar bónda á Brimnesi,
Dalvík, og Eyvarar Tímótheus-
dóttur frá Vatnsleysuströnd.
Mér er lítt kunnugt um lífs-
hlaup Ragnars fyrir árið 1950,
þegar við gerðumst báðir starfs-
menn hjá Sölusambandi íslenzkra
fiskframleiðenda, og höfum þar
starfað náið síðan. Þó er mér
kunnugt um, að hann lauk námi
frá Verzlunarskóla íslands og
hingað til Reykjavíkur flutti hann
frá Vestmannaeyjum í lok ársins
1949, ásamt eiginkonu sinni, Sig-
ríði Ernu, dóttur hjónanna Ást-
þórs Matthíassonar og Sigríðar
Gísladóttur Johnsen.
Ragnar kvæntist Sigríði hinn
28. október 1944 og var það honum
mikið gæfuspor, því að þau voru
mjög samrýnd og minnist ég
margra góðra stunda á heimili
þeirra hjóna. Sigríður og Ragnar
eignuðust fjögur börn, þau Ásdísi
Guðnýju, Ástþór, Önnu Eyvöru og
Stefán. Barnabörnin eru nú orðin
12.
Ragnar varð fyrir þeirri þungu
lífsreynslu að missa eiginkonu
sína snögglega hinn 11. nóvember
1979.
Eins og áður segir hóf Ragnar
störf hjá SÍF árið 1950 og starfaði
þar til dánardægurs. Starf hans
var í því fólgið að sjá um allar
afskipanir og hafði hann því mikið
Hannes Stefánsson
Þverá — Minning
Fæddur 15. maí 1910
Dáinn 21. febrúar 1985
Foreldrar hans voru Stefán Sig-
urðsson bóndi á Þverá og kona
hans Hjörtína Hannesdóttir. (Sjá
æviskrár 4. bindi.) Hannes var
röskur meðalmaður á hæð, þétt-
vaxinn, lipur í hreyfingum, knár
og átakagóður, fríður í andliti og
allur hinn drengilegasti. Á ungl-
ingsárum sínum stundaði hann
nám hjá séra Tryggva Kvaran á
Mælifelli, tvo vetrartíma. Mun
hugur hans hafa verið nokkuð
óráðinn eins og oft er með unga
menn. Hann átti létt með námið
og virtist honum námsbrautin vel
fær, en þá var fjármagnshliðin og
búhneigðin. Þó búskapur væri
góður hjá föður hans voru börnin
mörg og lítið fjármagn umfram
þarfir.
Hannes átti nokkrar ær sem
hann hefði þurft að selja. Hann
lagði málin á metaskálar og
bóndastarfið varð þyngra á met-
unum og öruggari fjármagnshlið-
in auk þess sem æskustöðvarnar
og átthagatengslin fengu að njóta
sín. Hannes eignaðist hálfa Þverá
og á sínum efri árum keypti hann
Axlarhaga og nytjaði jörðina með
Þverá, en lönd jarðanna liggja
saman. Hannes varð snyrtimaður
í búskapnum, var fjárræktarmað-
ur og bjó lengst af skuldlausu af-
urðabúi. Hann byggði gott íbúð-
arhús og fjós auk þess sem hann
sléttaði og stækkaði tún sitt.
Hannes var giftur Arnfríði Jón-
asdóttur frá Hofdölum. Hún var
ekkja eftir Jón Pálmason frá
Svaðastöðum. Hann og Arnfríður
áttu fjögur börn, voru tvö þau
eldri búin að stofna heimili en tvö
þeirra yngri, Hreinn f. 12. janúar
1943 og Þórdís f. 23. ágúst 1947,
ólust bæði upp á Þverá og er nú
Hreinn orðinn bóndi á Þverá.
Hannes var heilsutæpur síðustu
æviárin og dvaldi öðru hvoru á
sjúkrahúsinu á Sauðárkróki. Var
hann orðinn vinnulúinn en gat
ánægður litið til baka yfir liðinn
vel unninn dag.
Bjarni Halldórsson, Uppsölum
samband við alla saltfiskframleið-
endur á landinu um 35 ára skeið.
Óhætt er að fullyrða, að það var
mikil heppni fyrir SÍF, að Ragnar
gerðist þar starfsmaður, því bæði
var hann mikill starfshestur og
reikningsglöggur með eindæmum,
sem kom honum mjög vel í erfiðu
og oft vanþakklátu starfi. Vorum
við samstarfsmenn Ragnars oft
undrandi á því, hvernig hann
komst yfir hið erilsama starfssvið
sitt, en hann var kominn með þá
miklu sérgáfu að geta talað í tvo
síma í einu og var þá oft fljótur að
taka ákvarðanir. Ragnar var mjög
góður samstarfsmaður, ósérhlíf-
inn, enda vinnudagur hans oft
langur. Hann var hjálpsamur með
afbrigðum, einstaklega skemmti-
legur og orðheppinn.
Þegar ég nú kveð vin minn
Ragnar, er mér efst í huga þakk-
læti til forsjónarinnar, að hafa
notið vináttu, samstarfs og hjálp-
semi Ragnars þennan langan
tíma, sem leiðir okkar hafa legið
saman.
Ég sendi börnum hans, barna-
börnum og skyldmennum öllum,
mínar innilegustu samúðarkveðj-
ur í þeirri fullvissu að minningin
um hinn góða dreng, mun verða
þeim öllum styrkur í söknuði
þeirra.
Guð varðveiti minningu Ragn-
ars Stefánssonar.
Vilhj. Sigurösson.
Foreldrasamtök barna á dagheimilum og
leikskólum:
Hvetja yfirvöld til að bregð-
ast skjótt við yfirvofandi
lokunum dagvistarstofnana
NÝLEGA héldu foreldrasamtök
barna á dagheimilum og leikskólum í
Keykjavík fund um dagvistarmál
borgarinnar. Þar var gerð eftirfarandi
samþykkt.
Eins og fram hefur komið undan-
farið, er ástand dagvistarmála væg-
ast sagt mjög slæmt um þessar
mundir. í yfirlýsingu forstöðu-
manna dagvistarstofnananna kem-
ur frarn að þeir treysta sér ekki til
að reka þær, eins og ástandið er/
verður í haust. Ixtkanir eru því yfir-
vofandi.
Stöðug starfsmannaskipti á
deildum dagvistarstofnana eru
mjög slæm fyrir börnin; það er
jafnvel hægt að nota sterkari lýs-
ingu: þau geta verið beinlínis skað-
leg.
Við foreldrar lítum á dagvist
barnanna sem lið í uppeldi þeirra.
Dagvistun er ekki barnageymsla.
Börnin eyða stórum hluta dags á
dagvist, og við viljum auðvitað að
þeim líði vel og finni til öryggis
þann tíma. Þegar tíðar breytingar
eru á deildunum, mannabreytingar
örar, of fáir starfsmenn um börnin
o.s.frv. gengur börnunum illa að
mynda tengsl við starfsfólk —
tengsl sem einmitt eru undirstaða
vellíðunar beggja aðila, barnanna
og starfsfólksins.
Þar sem ástæðan fyrir örum
mannabreytingum eru slæm kjör
starfsfólks, bæði faglærðs og ófag-
lærðs, styðjum við eindregið starfs-
fólk í kjarabaráttu þeirra.
Við hvetjum yfirvöld til að bregð-
ast skjótt við, þannig að ekki komi
til lokana í haust. Við bendum á að
lokanir dagvistarstofnana í haust
hafa ekki einungis ófyrirsjáanlegar
afleiðingar í för með sér fyrir börn-
in, foreldra og starfsfólk, heldur
einnig á atvinnulífið í borginni í
heiid. (í'r rréttAtilkynninfni)
Bobbingar Gúmmí-
vinnustofunnar
gefa góða raun
Gúmmívinnustofan hf. á
Akureyri hefur nú byrjað fram-
leiðslu og sölu á millibobbing-
um svonefndum fyrir sjávar-
útveginn. Bobbingar þessir eru
framíeiddir úr gúmmísalla sem
fellur til við hjólbarðasólun, að
því er segir í kynningum frá
fyrirtækinu, en hingað til hefur
enginn markaður verið fyrir
þennan gúmmísalla. Við fram-
leiðsluna er notuð aðferð sem
þróuð hefur verið af sænska
fyrirtækinu JLP Products A/B
sem er sameignaraðili að
Gúmmívinnslunni. Bobbingar
þessir hafa verið í notkun til
reynslu í hálft annað ár um
borð í íslenskum togurum.
Fram kemur í kynningu
fyrirtækisins að á næstu
mánuðum muni fyrirtækið
hefja framleiðslu á ýmsum
gerðum af gúmmímottum —
annars vegar fyrir frystihús
og iðnfyrirtæki en hins vegar
básamottur fyrir kýr og
hesta.
Á aðalfundi félagsins kom
fram að afkoma félagsins
var vel viðunandi og ákveðið
að greiða starfsmönnum öll-
um sérstaka launauppbót af
þeim sökum er nemur um 25
þús. krónum á hvern starfs-
mann.
urv
Gerir þú upp
sjálfur?
Veist þú hvernig
reksturinn hefur
gengið frá áramótum?
Ef ekki, þá höfum við
lausnina
TDK hugbúnaðurinn er
auðveldur í notkun og þrautreyndur.
«aiptölvuverslun
1 vlk B0«8»«TÚKI 23
SlMI 17199
WGM HEWLETT
1"CM PACKARD
SOI.UliMHí )t)