Morgunblaðið - 12.02.1997, Blaðsíða 11
MORGUNBLAÐIÐ
MIÐVIKUDAGUR 12. FEBRÚAR 1997 11
FRETTIR
Könnun á notkun öryggisbúnaðar fyrir börn í bílum
32% leikskólabarna ekki
í öryggisbeltum í bílum
TÆPUR þriðjungur íslenskra bama
á leikskólaaldri er laus í fjöiskyldubíln-
um, ef marka má könnun sem gerð
var nýlega á vegum Umferðarráðs,
Slysavamafélags Islands og verkefn-
isins „Betri borg fyrir böm“. Könnun-
in náði til 1.095 bama á leikskóla-
aldri og fór fram í 30 sveitarfélögum
víða um land dagana 27.-28. janúar
sl. Slysavamadeildir á hverjum stað
sáu um framkvæmd könnunarinnar.
Sé miðað við sambærilega könnun
sem gerð var í mars á síðasta ári
kemur í ljós að ívið fleiri börn leika
lausum hala nú en þá. í könnuninni
1996 voru 28% barnanna laus í bílum
og 72% voru spennt í barnabílstólum
eða á bílpúða eins og lög gera ráð
fyrir. Nú eru 32% barnanna laus og
68% föst. Einnig voru 230 nemendur
í 4. og 8. bekk í sjö grunnskólum
spurðir um bílbeltanotkun. Af þeim
Umdeild innkeyrsla á
lóð við Barónsstíg leyfð
Skilyrði að
sögufrægt
hús verði
varðveitt
BORGARRÁÐ hefur gefið sam-
þykki sitt fyrir nýrri innkeyrslu að
lóðinni Barónsstíg 2-4 til bráða-
birgða þar til endurskoðað deili-
skipulag liggur fyrir. Á fundi borg-
arstjórnar á fimmtudaginn fögn-
uðu borgarfulltrúar Sjálfstæðis-
flokksins að loks hefði fengist nið-
urstaða í málinu sem væri í sam-
ræmi við tillögur þeirra í skipulags-
nefnd en gagnrýndu jafnframt
harðlega að málið skuli hafa velkst
um í borgarkerfinu í þrjá mánuði.
Fulltrúar Reykjavíkurlistans í
borgarráði bókuðu á fundi þess á
þriðjudaginn að lengi hefði legið
ljóst fyrir að frá umferðartækni-
legu sjónarmiði væri engin góð
lausn til á aðkomu að lóðinni. Til
að mynda væri ekki hægt að styðj-
ast við staðfest deiliskipulag þar
sem rífa þyrfti Barónsfjós vegna
aðkomu samkvæmt því frá Baróns-
stíg.
Ingibjörg Sólrún Gísladóttir
borgarstjóri sagði í borgarstjórn á
fimmtudag að henni þætti mikil-
vægast að með þessari lausn væri
tryggt, með samkomulagi borg-
aryfírvalda og lóðareigenda, að hið
sögufræga Barónsfjós yrði varð-
veitt á staðnum og hvers konar
breytingar utan húss verði gerðar
í samráði við Árbæjarsafn.
í samþykkt borgarráðs segir að
ef tvístefna verði sett á Hverfis-
götu fyrir almenna umferð verði
aðeins leyfð hægri beygja út og inn
á lóðina.
Tsurumi
BJARGVÆTTURINN
VATNSSUGA/GÓLFDÆLA
Þar sem þurrka þarf upp vatn
eða hættervið flóðum.
Sýgur upp vatn niður í
1-2 mm vatnsborð!
Sterk og öflug, hefur sannað
ágæti sitt víða um land.
kváðust 179 börn nota bílbelti að
staðaldri en 51 barn aldrei.
Áróður sem sífellt þarf að
hamra á
í fréttatilkynningu frá aðstand-
endum könnunarinnar kemur fram
að þeir líta það mjög alvarlegum
augum að á fjórða hundrað barna á
leikskólaaldri og fimmtíu og eitt
barn á grunnskólaaldri séu laus sem
farþegar í bílum og skora á foreldra
og forráðamenn að leggja sitt af
mörkum til að bæta þetta ástand.
Fjóla Guðjónsdóttir, verkefnis-
stjóri „Betri borgar fyrir börn“, telur
niðurstöður könnunarinnar miður
góðar fréttir. Aðspurð hvort forvarn-
ir á þessu sviði hafi ekki borið tilætl-
aðan árangur segir hún meginniður-
stöðuna vera þá að þetta sé áróður
sem sífellt þurfi að hamra á. Einnig
virðist sem fólk geri sér almennt
ekki grein fyrir því að bílbeltið eitt
sé ekki nægilegt. „Annaðhvort þurfa
börnin að vera í bílstól sem hentar
þeim eða á bílpúða í belti.“
Fjóla leggur áherslu á að ábyrgð-
in sé fyrst og fremst foreldranna.
„Við getum ekki ætlast til þess að
börnin sjái um þetta sjálf, til þess
hafa þau hvorki vit né getu. Þetta
er eitthvað sem við foreldrarnir verð-
um að ganga úr skugga um að sé
í lagi, því það er réttur barnanna
að vera spennt og örugg í bílnum,“
segir hún.
Mismunur á notkun
Mikill mismunur var á notkun
barnabflstóla og bílbelta eftir byggð-
arlögum. Ástandið var best á
ísafirði, þar sem 88% leikskólabama
var í barnabílstól eða með bílbelti.
Hlutfallið var svipað í Reykjavík og
á Akureyri en í ýmsum fámennari
sveitarfélögum var ástandið hins
vegar slæmt. Þannig voru einungis
20% barna, sem voru á ferð á Rauf-
arhöfn þegar könnunin var gerð,
með viðeigandi öryggisbúnað og 30%
á Hellissandi.
Discovery Diesel
LAND-
< *ROvm
FÆR í FLESTAN SNJO
- á vel búnum Discovery
Discovery Díesel
frá Land Rover er
jeppinn sem gerir
ökumönnum kleift að
taka vetri og ófærð
fagnandi. Discovery var mest seldi jeppi í Evrópu á
síðasta ári og móttökur íslenskrajeppamanna hafa einnig
verið fádæma góðar. Discovery 5 dyra er 113 eða 122
hestafla bíll með forþjöppu og millikæli sem fæst 5 gíra
beinskiptur og með 4 þrepa sjálfskiptingu. Sítengt aldrif
gerir Discovery stöðugan í hálku, heilar hásingar og
gormaljöðrun að framan og aftan tryggja styrkleika og
mýkt bílsins sem auk seiglunnar nýtast sérlega vel í snjó
og ófærð. Discovery er ríkulega búinn aukabúnaði;
rafmagn í rúðum og speglum, fjarstýrðar samlæsingar
með öflugri þjófavörn, vökva- og veltistýri, útvarp og
segulband með 4 hátölurum og tvískipt
miðstöð fyrir ökumann og farþega og
vandað tauáklæði á sætum. Skoðaðu
Discovery í sýningarsal okkar að
Suðurlandsbraut 14 og fáðu nánari
upplýsingar hjá sölumönnum okkar.
r k KUVCK
SUDURLANDSBRAUT 14 . SÍMI SBS 1200 . BEINN SiMI SttLUDEILDAR SB3 8S3E