Skírnir - 01.01.1894, Page 40
40
Mannal&t.
og Bíðar Hallfríði Einarsdðttur, frá Skeggjastöðum í Pellum. Einn sonur
lifir frá fyrra hjðnabandinu, Magnús, er nú les læknisfræði við háskðlann.
Sæbjörn var búsýslumaður og einbver menntaðastur bðndi á Austfjörðum.
Hann ritaði ýmsar greinar í blöð, einkum sögulegs efnis. Hann safnaði
í Þjððsögusafn Jóns Árnasonar, og kunni margar þjóðsagnir og munnmæli
og fðr svo vel með, er hann sagði frá eða ritaði, að því var brugðið við.
Pétur Pálmason, bóndi á Álfgeiravöllum, andaðist 16. febr. (f. í
Syðra-Vallholti 29. ágúst 1819). Hann var sonur Pálma bónda í Vall-
holti í Skagafirði Magnússonar og Ingibjargar Bjarnadðttur. Hann
var kvæntur Jórunni Hannesdóttur, frá Hömrum, er lifir hann, og 8 börn
þeirra, öll einkar mannvænleg. Pétur bjð lengi í Valadal, og síðan á
Álfgeirsvöllum. Haun var stilltur og tápmikill, iðjusamur og afkasta-
maður til vinnu, og talinn fyrir margra hluta sakir einn með merkustu
bændum í Skagafirði.
Jalcob Rósinkarsson, bðndi í Ögri, andaðist 21. marz (f. í Æðey 23.
júni 1854). Foreldrar hans voru Eósinkar Árnason, óðalsbóndi í Æðey, og
kona hans, Ragnhildur Jakobsdóttir. Kona Jakobs var Þuríður Ólafsdóttir,
er lifir mann sinn og 3 börn þeirra, öll í æsku. Hann þðtti vera fyrir-
myndarbóndi í fiestu. Jörð sína, höfuðbðlið Ögur, hýsti hann prýðilega, og
bætti hana á margan veg.
Pall Eyjólfsson, gullsmiður, andaðist í Skálholti 30. marz (f. 23. febr
1822). Foreldrar hans voru Eyjðlfur bðndi Ásgrímsson á Torfastöðum í
Grafningi og Valgerður EyjólfBdðttir frá Sólheimum. Kona Páls var Rósa
Jðhannesdóttir, frá Hranastöðum í Eyjafirði. Hann var vel að sér um
margt, glaðlyndur og hafði allmikinn áhuga á þjóðmálum. Hann fékkst
fyrrum við blaðamennsku og hélt úti Tímanum og íslendingi (yngra).
Hafliöi Eyjólfsson, dbrm., bóndi i Svefneyjum, andaðist 5. apríl (f. í
Svefneyjum 23. ágúst 1821). Foreldrar hans voru Eyjólfur dbrm. Einars-
son og Guðrún Jóhannsdóttir, prests í Garpsdal, Bergsveinssonar. Hafliði
var kvæntur Ólínu Friðriksdóttur, systur Halldórs yfirkennara, og bjuggu
þau hjðn lengi rausnarbúi í Svefneyjum. Hann var á yngri árum frækinn
maður og karlmenni að burðum. Þegar í æsku gjörðist hann formaður.
Hann þótti vera einhver bestur skipstjórnari á Breiðafirði. Hann fðr opt
utan, stundum til stuðnings verslunarfyrirtækjum, en sumarið 1865 til
fiskisýningar í Björgvin. Hann reit ýmsar greinar í blöð, er flestar snerta
fiskiveiðar og sjávariðnað. Var hann jafnan talinn sæmdarmaður og í