Dagur - 01.05.1990, Blaðsíða 5
Þriðjudagur 1. maí 1990 - DAGUR - 5
-I
fréttir
í
Aðalfundur Kaupfélags Eyfirðinga sl. laugardag í Félagsborg:
„Taka verður ýmsar ákvarðanir
sem valda sársauka og óánægju‘
- sagði Magnús Gauti Gautason, kaupfélagsstjóri
Kaupfélag Eyfírðinga hefur
tapað röskum 400 milljónum
króna á síðustu tveimur árum
en árið 1989 var félagið rekið
með verulegum halla, líkt og
gerðist árið 1988. Tap síðasta
árs nam 177,2 milljónum
króna en tap ársins 1988 nam
235 milljónum króna. Eigin-
fjárstaða félagsins versnaði því
á síðasta ári og rýrnaði eigið fé
og stofnsjóður félagsmanna
sem hlutfall af niðurstöðu
efnahagsreiknins úr u.þ.b.
40% í ársbyrjun 1989 í 33% í
árslok.
A aðalfundi Kaupfélags Ey-
firðinga sl. laugardag skýrðu
Jóhannes Sigvaldason stjórnar-
formaður og Magnús Gauti
Gautason kaupfélagsstjóri frá
rekstrinum á síðasta ári. Fram
kom í máli Magnúsar Gauta að
27% aukning varð í heildarveltu
félagsins milli ára sem að miklum
hluta skýrist af kaupum félagsins
á hluta þrotabús KSÞ í Fóður-
vörudeildinni.
Heildarveltan nam tæpum 11
milljörðum króna á síðasta ári.
Fram kemur í rekstrarreikningi
að rekstrartekjur voru 7,8 millj-
arðar, rekstrargjöld um 7,6 millj-
arðar og hagnaður fyrir fjár-
magnsliði tæplega 270 milljónir.
Fjármagnsgjöld umfram fjár-
magnstekjur námu röskum 400
milljónum króna en að viðbætt-
um eignarsköttum, kirkjugarðs-
gjaldi og áætluðum skuldatöpum
upp á um 60 milljónir verður
niðurstaða rekstrarreikningsins
177,2 milljónir í tap.
Nota verður bætt skilyrði
til að laga reksturinn
Jóhannes Sigvaldason vék í
ávarpi sínu að þeim aðhaldsað-
gerðum sem framkvæmdar hafa
verið, bæði á síðasta ári og í ár.
Hann sagði stjórninni ljóst að
skiptar skoðanir séu meðal
manna um þessar aðgerðir. „Allt
þetta gerir að verkum að við
verðum að standa betur saman
um þetta félag, tryggja að við
getum snúið aftur þeim taprekstri
sem nú er til betri vegar og tryggt
Úthlutun Menn-
ingarsjóðs KEA
Níu aðilar hlutu styrk úr
Mcnningarsjóði KEA á þessu
ári. Til úthlutunar voru 450
þúsund krónur og komu 50
þúsund í hlut hvers. Eftirtaldir
hlutu styrk að þessu sinni:
Kristín G. Gunnlaugsdóttir
vegna myndlistarnáms, Ingi-
björg Elva Bjarnadóttir vegna
náms í sýningar- og sviðsstjórn
fyrir leikhús, sjónvarp og
kvikmyndir, Kristinn G. Jó-
hannsson vegna kostnaðar við
listsýningu, Sigríður K. Þor-
grímsdóttir vegna útgáfu rits
um Þuru í Garði, Stefán Þór
Sæmundsson vegna útgáfu á
eigin Ijóðum og sögum,
Kirkjukór Grenivíkurkirkju
vegna ferðakostnaöar, Guð-
mundur Ármann vegna kostn-
aðar við listsýningu erlcndis,
Sigurður Á. Sigurðsson vegna
myndlistarnáms og Sóknar-
nefnd Akureyrarkirkju vegna
útgáfu á sögu Akureyrar-
sókna.
að Kaupfélag Eyfirðinga verði
það stei ka afl í þessari byggð sem
það hefur alltaf verið,“ sagði Jó-
hannes
Magnús Gauti tók í sama
streng og sagði að með bættum
ytri rekstrarskilyrðum í þjóðfé-
laginu verði að nota tækifærið og
laga rekstur KEA. „Það er
hvorki einfalt mál né auðvelt en
taka verður ýmsar ákvarðanir
sem valda sársauka og óánægju.
Undan því verður ekki vikist
þegar menn telja að slíkar
ákvarðanir séu liður í að bæta
rekstur félagsins. Stefnan er og
verður að gæta aukins aðhalds á
öllum sviðum kostnaðar og reyna
jafnframt að auka tekjur. Ef
tekst að framfylgja þe,'sari stefnu
og framvinda efnahagsmála verð-
ur eins og vonir standa til þá mun
takast að laga rekstur Kaupfélags
Eyfirðinga,“ sagði Magnús
Gauti.
Sláturhúsið í brennidepli
í umræðum á aðalfundinum sætti
sú ákvörðun að úrelda sláturhús-
ið á Dalvík nokkurri gagnrýni.
Auk þess voru umræður um aðra
tillögu félagsstjórnar til aðalfund-
ar þess efnis að fundurinn feli
stjórn félagsins að ákveða endan-
legt verð á stórgripakjöti og húð-
um sem félagið hefur tekið til
sölumeðferðar með áætluðu
verði á árinu 1989 þegar séð
verður hvað félagið fær fyrir
þessar afurðir. Flutt var tillaga
um að stjórninni verði falið að
ganga til samninga við Félag ey-
firskra nautgripabænda um
endanlegt verð á innlögðu kjöti
og húðum innlögðu á árunum
1988 og 19§9. I framhaldi af
þessu bauð Jóhannes Sigvaldson
viðauka við fyrri tillöguna þannig
að haft verði samráð við Félag
nautgripabænda um ákvörðun á
endanlegu verði á stórgripakjöti
og húðum. Á þessa viðbót sætt-
ust bændur og drógu fyrri tillög-
una til baka.
í umræðum á aðalfundinum
eftir hádegið báru tvö mál hæst,
annars vegar staða samvinnu-
hreyfingarinnar og hlutur KEA
þar og hins vegar aðhaldsaðgerð-
ir og uppsagnir hjá fyrirtækinu í
vetur.
Staða samvinnu-
hreyfíngarinnar
Árni Jóhannsson vakti máls á
stöðu samvinnuhreyfingarinnar
og taldi nauðsynlegt að fá fram
afstöðu fundarntanna gagnvart
henni og hvort bæri að sveigja í
einhverju af þeirri braut sem
mörkuð hefði verið. Kristján
Theodórsson sagðist telja það
ranga skilgreiningu að SÍS væri
stóri bróðir. Þvert á móti væru
kaupfélögin og þ.m.t. KEA
grunneiningar SIS. Kristján
kvaðst setja stórt spurningar-
merki við víðfeðman rekstur SÍS
á höfuðborgarsvæðinu. Kristján
vék að launamálum innan sam-
vinnuhreyfingarinnar og sagði
það sína skoðun að í launum ætti
starfsfólk að standa sem jafnast
að vígi. Laun toppanna í SÍS
væru of há miðað við þá sem
minnst bæru úr býtum. „Hæfi-
leikar stjórnenda fara ekki aðeins
eftir því hvað þeim er borgað í
laun,“ sagði Kristján.
Ragnar Sverrisson taldi nauð-
syniegt að standa vörð um sam-
vinnuformið og sú þróun að
breyta fyrirtækjum í samvinnu-
rekstri í hlutafélög væri uggvæn-
leg. Nefndi hann Miklagarð í því
sambandi. Ragnar sagði raun-
hæfustu leiðina að virkja starfs-
menn og framleiðendur innan
KEA í að efla samvinnuformið
og ekkert fyrirtæki væri betur til
þess fallið að snúa vörn í sókn en
einmitt KEA.
Breyting á samvinnulögum
Jóhannes Geir Sigurgeirsson
sagði að með lagabreytingum
hefði verið rýmkaðar reglur varð-
andi hlutafélög en beðið væri eft-
ir úrbótum með reglur um sam-
vinnufélög. Von stæði til að úr
rættist innan tíðar. Jóhannes
Geir sagði að númer eitt væri að
bæta rekstur SÍS en í öðru sæti
kæmi síðan að finna félaginu
hentugt rekstrarform til lengri
tíma.
Valdirnar Bragason taldi
ástæðu til að blása lífi í sam-
vinnufélagsformið og undir það
tók Jóhann Ólafsson. Jóhann
taldi Framsóknarflokkinn hafa
látið íhaldið teyma sig út í það
fen og ógöngur sem samvinnu-
rekstur væri kominn í, m.ö.o.
ekki varið samvinnuhreyfinguna
eins og nauðsynlegt hefði verið.
Jóhannes Geir Sigurgeirsson,
varaþingmaður Framsóknar-
flokksins, sagði þetta ekki rétt
mat hjá Jóhanni. Staðreyndin
væri sú að þræðir samvinnuhreyf-
ingarinnar næðu inn í alla stjórn-
málaflokka, Framsóknarflokkinn
eins og aðra flokka.
Skeggrætt um uppsagnir
Miklar umræður spunnust um til-
lögu Gunnars Hallssonar um
stuðningsyfirlýsingu við stjórn
KEA og kaupfélagsstjóra vegna
ýmissa erfiðra ákvarðana að
undanförnu. Sveinn Jónsson
sagðist að sumu leyti skilja
aðgerðir stjórnar KEA og að
sumu leyti alls ekki. Hann kvað
undarlegt að hafi þurft 30-40 ár
fyrir fyrirtækið að uppgötva að
það hefði ekki not fyrir ákveðna
starfsmenn. Hann sagðist ekki
geta skrifað upp á það að eina
úrræðið í erfiðri stöðu væri að
draga saman seglin, eins og gert
hafi verið.
Þorgerður Guðmundsdóttir
sagðist hafa verið undrandi yfir
tillögu Gunnars Hallssonar. Hún
sagðist hafa verið ein af þeim sem
fékk uppsagnarbréf og sárt væri
að vera rekin út á gaddinn mcð
fúsar vinnuhendur. Þorgerður
sagðist þó skilja afstöðu kaupfé-
lagsstjóra og vita að hann vilji
félaginu vel. Þó sagðist hún líta
svo á að framkvæmd uppsagn-
anna hafi verið fljótræði.
Vegna þessara orða Þorgerðar
sagði Ragnheiður Sigurðardóttir
að uppsagnir væru alltaf sárs-
aukafullar, en ekki væri hægt að
líta svo á að starfsmenn KEA
væru æviráðnir.
Jóna Steinbergsdóttir sagði
uppsagnirnar mjög harkalegar.
Hún sagði tillögu Gunnars um
traustyfirlýsingu við stjórn KEA
og kaupfélagsstjóra til skammar
og hún myndi greiða atkvæði
gegn henni.
Magnús Gauti Gautason,
kaupfélagstjóri, lagði orð í belg
og sagði ljóst að uppsagnirnar
kæmu illa við þá sem yrðu fyrir
þeim. Uppsagnir væru aðgerð
sem menn vildu draga í lengstu
lög. „Við eigum í miklum vanda
og við verðum að bregðast við
honum,“ sagði kaupfélagsstjóri.
„Það verður að draga úr kostnaði
og ég ásaka sjálfan mig fyrir að
hafa ekki brugðist fljótar við. Þá
hefði tapið orðið minna,“ sagði
hann ennfremur.
I lok fundarins var stjórnar-
kjör. Stjórn KEA var öll endur-
kjörin. Stefán Vilhjálntsson var
kjörinn sem varamaður í stað
Þóroddar Jóhannssonar, sem lést
á árinu 1989. JÓH/óþh
Samþykktir aðalfimdar
Eftirtaldar samþykktir voru
gerðar á aðalfundi KEA.
Aðalfundur KEA haldinn
28. apríl í Félagsborg lýsir
yfir, í ljósi gífurlegra erfið-
íeika í rekstri KEA, fullum
stuðningi við sparnaðar- og
hagræðingaraðgerðir kaupfé-
lagsstjóra og hvetur hann til
að neyta allra ráða við að snúa
vörn í sókn. (Flutningsmaður:
Gunnar Hallsson.)
Aðalfundur KEA haldinn í
Fclagsborg 28. apríl 1990 legg-
ur til að stofnaður verði starfs-
hópur áhugamanna til að
kanna valkosti í samvinnu-
rekstri þ.á.m. fá upplýsingar
um samvinnufélögin í Mon-
dragon á Spáni. Tilgangur
hópsins sé að leggja fram til-
lögur í umræðuna um framtíð
samvinnurekstrar vegna hugs-
anlegra breytinga úr sam-
vinnuformi í hlutafélagsform.
Hópurinn kanni hvaða fyrir-
myndir eða þættir úr vel-
heppnuðum samvinnufélögum
mætti nota til að efla sam-
vinnurekstur á Akureyri og
jafnvel landinu öllu. (Flutn-
ingsmaður: Ragnar Sverris-
son.)
Aðalfundur KEA haldinn í
Félagsborg á Akureyriu 28.
apríl 1990 samþykkir með til-
vísun til 26. gr. Samþykkta
Kaupfélags Eyfirðinga frá 6.
maí 1989 að fella úr gildi
Reglugerð um varasjóð frá
22.-23. apríl 1927 og 17. apríl
1941, í heild sinni.
Aðalfundur KEA haldinn í
Félagsborg á Akureyri 28.
apríl 1989 samþykkir með til-
vísun til 26. gr. samþykkta
Kaupfélags Eyfirðinga frá 6.
maí 1989 að fella úr gildi
Reglugerð um útibú KEA frá
26. mars 1934. Reglugerðin,
sem er 8 greinar falli brott t
heild sinni.
FISKKAUP - KVÚTI
Óskum eftirskipum í viöskipti. Kaupum allar tegund-
ir fiskjar.
Getum lagt fram kvóta ef með þarf.
Þeir sem hafa áhuga, vinsamlegast hafiö samband
viö Magnús í síma 95-35207.
Haldið verður
byrjendanámskeið
í WordPerfect 5.0 ritvinnslu
Námskeiðið verðnr haldið á kvöld-
in og hefst 3. maí n.k.
Framlialdsnámskeið verður haldið
síðar.
Iiiiiritiiii er liafin. S E
Kennarar athugið.
Verkefna- og styrkjarsjóður K.í. greiðir
námskostnað að fullu.
Tökufræðslan Akureyri h£
Glcrárgötu 34. IV. hæð. Sími 27899.