Dagur - 02.03.1991, Blaðsíða 4

4 - DAGUR - Laugardagur 2. mars 1991
L
tómstundir
i
Heftir nemendur í fótbolta við óhefta kennara.
Kennararnir komu nemendunum ekki á sjúkrabörurnar.
Dillidagar í Framhalds-
skólanum á Húsavík
- íþróttir, skóli og félagsstarf og þá er enginn tími eftir,
segir einn nemenda um tómstundaiðkun sína
Nemendur Framhaldsskólans
á Húsavík hafa ekki verið í
vandræðum með hvernig þeir
geti varið tómstundum sínum
þessa viku því Dillidagar hafa
staðið yfir í skólanum, dagskrá
til fróðleiks og skemmtunar.
Tveir stjórnarmenn nemenda-
félagsins, þau Þórhildur Vals-
dóttir og Kristinn Wium, litu
við á skrifstofu Dags og voru
spurð við hvað unglingar á
Húsavík verðu tómstundum
sínum þegar ekki væru Dilli-
dagar.
Én lítum fyrst aðeins á hvað
unglingar gera á Dillidögum.
Ásmundur Arnarsson er formað-
ur nemendafélagsins og einnig er
Hörður Harðarsson í stjórn þess.
Það var Ásmundur sem setti
Dillidagana í íþróttahöllinni eftir
hádegi á mánudag og að loknu
ávarpi skólameistara fór fram
keppni í blaki og knattspyrnu.
Ekki lögðu kennarar í að keppa
við nemendur óhefta, svo þeir
voru drifnir í hnapphelduna í
orðsins fyllstu merkingu. Meira
að segja Ásmundur fór á hausinn
er hann reyndi að sparka í bolt-
ann með samanbundnar lappir,
og unnu kennarar leikina með
miklum yfirburðum. Nemendur
hefndu ófara sinna síðar um dag-
inn er þeir öttu kappi við óhefta
kennara í mælskulist, og rúlluðu
þeim upp. Umræðuefnið var
hvort kennarar væru nauðsynleg-
ir í nútíma þjóðfélagi og töldu
nemendur svo vera. Hlutu þeir
486 stig móti 470 stigum kennara
og var Sigmar Hallsson, nem-
andi, ræðumaður dagsins með
175,5 stig. Auk hans voru Þröstur
Jónasson og Garðar Héðinsson í
sigurliðinu en lið kennara skip-
uðu Björgvin Leifsson, Sigurður
Ólafsson og Valgerður Gunnars-
dóttir.
Á þriðjudag var sýnd ein af
þremur völdum kvikmyndum
sem voru á dagskrá Dillidaga en
síðan hélt Sigmundur Ernir Rún-
arsson fróðlegan fyrirlestur sem
nefndist Fjölmiðlafárið. Fjallaði
hann vítt og breitt um fjölmiðl-
un, sögu íslenskra fjölmiðla, eðli
þeirra, fréttir, fréttamennsku og
fjölmiðlun framtíðarinnar. Létu
nemendur af að þeir væru margs
vísari að loknu erindinu, en allt
of fáir nýttu sér tækifærið til að
fylgjast með því. Um kvöldið var
mun betri mæting á kvöldvöku,
en þar las Sigmundur Ernir ljóð
og Einar Kárason las úr verkum
sínum auk þess sem Píramus og
Þispa, leikklúbbur skólans, flutti
gamanmál.
Ekki er langt liðið á Dillidaga
er þetta er ritað, en á miðvikudag
skyldi keppa við Laugaskóla í
hinum ýmsu íþróttagreinum og
um kvöldið átti Magnús H.
Skarphéðinsson að flytja fyrir-
lestur sem nefnist Líkurnar á lífi
eftir dauðann. Á fimmtudag átti
Eiríkur Beck frá fíkniefnadeild
lögreglunnar að flytja fyrirlestur
um fíkniefni og síðan átti að fara
fram kynning á Framhalds-
skólanum fyrir nemendur 10.
bekkjar. Um kvöldið áttu síðan
að vera tónleikar með Bubba
Morthens. Föstudagurinn skyldi
síðan fara í undirbúning árs-
hátíðar með borðhaldi og tilheyr-
andi sprelli, fjöri og gáska þar
sem hljómsveitin Nýdönsk léki
fyrir dansi, og þar með væri Dilli-
dögum lokið að þessu sinni.
Nemendur reka útvarpsstöð
meðan á Dillidögum stendur og
senda út þegar aðrir dagskrárliðir
standa ekki yfir.
Nemendafélagið hefur verið
starfandi við skólann á fjórða ár,
eða frá stofnun hans og segja
stjórnarmenn það virkt í vetur.
Þetta er í fyrsta skipti sem opnir
dagar við skólann á Húsavík
nefnast Dillidagar og er Þórhild-
ur spurð hverjum hafi dottið
þetta nafn í hug.
Kristinn Wiuni og Þórhildur Valsdóttir, stjórnarmenn í Nemendafélagi
Framhaldsskólans.
Lið kennara: Björgvin, Valgerður og Sigurður.
„Það var litið í íslenska sam-
heitaorðabók og fundið samheiti
yfir svona gleðidaga, dilli mun
dregið af orðinu að daðra, eða
eitthvað í þá áttina."
- Þetta er mjög viðamikil
dagskrá hjá ykkur, var ekki erfitt
að fjármagna þetta, Kristinn?
„Það hefur svo lítið verið um
að vera hjá nemendafélaginu
undanfarin ár að það voru til
peningar. Það var mikið verk að
undirbúa þessa viku og síðasti
mánuðurinn er búinn að vera
ansi strembinn, sérstaklega síð-
asta vika.“
- Hvernig gengur að skapa
árlegar hefðir í nýjum skóla?
„Það er svolítið erfitt í svona
litlum skóla, en við erum árlega
með árshátíð í mars og það er frí
föstudaginn fyrir árshátíð og þá
koma allir saman til að skreyta og
undirbúa. Við höfum ekki verið
með busavígslur, en svona smá-
móttöku fyrir nýja nemendur.
Stúdentsefni dimmiteraði í vetur
og við vonum að áframhald verði
á því,“ sagði Kristinn.
- Hvað gera nemendur Fram-
haldsskólans í tómstundum þegar
ekki eru Dillidagar, ef þú svarar
fyrir strákana, Kristinn, og Þór-
hildur fyrir stelpurnar?
„Þeir strákar sem eru í íþrótt-
um stunda íþróttir á kvöldin en
ég hef á tilfinningunni að hinir
séu bara í bænum, eða að horfa á
vídeó einhversstaðar."
- En stelpurnar?
„Þær stelpur sem eru í íþrótt-
um eru að æfa á kvöidin og svo
fer fólk stundum í bíó. Ég er í
íþróttum og veit ekki hvað hinir
gera, en ég veit að krakkarnir á
vistinni eru dálítið mikið saman í
sínum tómstundum."
- Finnst ykkur vanta að ykkur
sé sköpuð aðstaða til tómstunda-
iðkunar, eða að meira sé fyrir
ykkur gert á einhvern hátt?
„Það mætti vera eitthvað fyrir
þennan eldri aldurshóp í skólan-
um, en við höfum ekki borið
fram óskir um neitt sérstakt. Þeg-
ar bíóið kom var því vel tekið,“
sagði Þórhildur.
- Er mikill fjöldi unglinganna
mjög virkur í íþróttum?
„Ég held að það sé ekki mjög
stórt hlutfall. En okkur finnst
það ef við erum í íþróttunum
sjálf því þá umgöngumst við mest
þessa krakka. Það eru til dæmis
mikið þau sömu sem eru í fót-
bolta á sumrin og handbolta á
veturna. Það er í rauninni enginn
tími eftir hjá okkur sem erum í
stjórn ncmendafélagsins, þegar
við erum búin að vera í íþróttum,
skólanum og félagsstarfinu,“
sagði Þórhildur.
Við þökkum unga fólkinu fyrir
spjallið og þau eru þotin því nóg
er að starfa á Dillidögum, útvarp-
stöðin í gangi þar sem fjöldi
nemenda spreytir sig við dag-
skrárgerð. IM
Nemendur og kennarar fylgdust með og studdu sína menn.
Myndir: IM
Opið laugardaga frá kl. 10-20.
----- ------------------------------------4
1 skammtur franskar kr. 290
KEA Sunnuhlíð
Munið okkar frábæra
helgartilboð á kjúklingum
á aðeins kr. 499