Dagblaðið Vísir - DV - 04.04.2002, Blaðsíða 11

11
FIMMTUDAGUR 4. APRÍL 2002___________________________________________________________________________________________
I>V Útlönd
Saumað að Bush Bandaríkjaforseta úr öllum áttum:
Sakaður um að draga
taum Sharons um of
Jóhannes Páll páfi gagnrýndi
ísraelsk stjórnvöld harðlega í gær
fyrir að niðurlægja Palestínumenn
og á sama tíma veittust dagblöð um
alla Evrópu að Bandaríkjastjóm fyr-
ir að gera ekki nóg til aö stöðva
átökin fyrir botni Miðjarðarhafs.
I harðorðri yfirlýsingu frá Páfa-
garði kom fram að sendiherrar ísra-
els og Bandaríkjanna hefðu verið
kvaddir þangað til skrafs og ráða-
gerða um ástandið.
Ariel Sharon, forsætisráðherra
ísraels, hefur sent hermenn og
skriðdreka inn á heimastjórnar-
svæði Palestínumanna þar sem þeir
hafa lagt imdir sig hvern bæinn á
fætur öðrum síðustu daga. Þá halda
ísraelskir hermenn Yasser Arafat,
forseta Palestínumanna, i herkví í
höfuðstöðvum hans i Ramallah.
Aðgerðir Israela og aðgerðarleysi
bandarískra stjómvalda sættu
harðri gagnrýni víða í Evrópu í
gær.
RELÍTERSMYND
Á leiö til Miö-Austurlanda
Javier Solana, utanríkismálastjóri ESB, og Josep Pique, utanríkisráöherra
Spánar, halda til Miö-Austurlanda í dag til að reyna aö knýja fram vopnahlé í
sívaxandi átökum ísraela og Palestínumanna.
Talsmaður þýsku stjómarinnar
sagði að José Maria Aznar, forsætis-
ráðherra Spánar, hefði rætt átökin
við Gerhard Schröder Þýska-
landskanslara í síma. Spánveijar
eru í forsæti Evrópusambandsins
um þessar mundir.
Hann ítrekaði ósk þeirra um taf-
arlaust vopnahlé og brottflutning
ísraelskra hermanna frá svæðum
Palestínumanna og að friðarviðræð-
ur yrðu hafnar á ný.
ESB ætlar að senda Javier Solana
utanríkismálastjóra og Josep Piqe,
utanrikisráðherra Spánar, til átaka-
svæðanna í dag.
Kjell Magne Bondevik, forsætis-
ráðherra Noregs, ræddi við Arafat í
síma í gær og lofaði að þrýsta á
Bandaríkin um að reyna að binda
enda á blóðbaðið. Bondevik ræðir
við Ariel Sharon í dag.
Dagblöð í Evrópu gagnrýndu
Bush og sökuðu hann um að draga
taum ísraela i deilunum.
REUTERSMYND
Trottari á hraðri siglingu
Arlette Laguiller, forsetaframbjóö-
andi franskra trotskista, nýtur vax-
andi fyigis meðal kjósenda.
Arlette skýtur
skelk í bringu
Fylgi Arlette Laguiller, frambjóð-
anda trotskista fyrir forsetakosning-
amar í Frakklandi síðar í mánuðin-
um, fer stöðugt vaxandi og nú er
svo komið að ellefu prósent kjós-
enda segjast ætla að greiða henni at-
kvæði sitt. Fylgi Arlette, eins og
Frakkar kalla hana, hefur aldrei
verið meira.
Lionel Jospin, forsætisráðherra
og frambjóðandi sósíalista, óttast
mjög að Arlette taki frá honum fylgi
og hann hefur gert litið úr baráttu-
málum hennar, eins og yfirtöku rík-
isins á fyrirtækjum til að koma í
veg fyrir fjöldauppsagnir. En hin 62
ára Arlette sagði fréttamönnum í
gær að stefha hennar væri hluti
andstöðu sem komin væri upp í
Evrópu gegn óheftum kapítalisma
sem græfi undan réttindum verka-
manna.
Arlette hefur neitað að lýsa yfir
stuðningi við Jospin í síðari umferð
kosninganna 5. maí og gæti það
komið Chirac forseta til góða.
Ræningjarnir gáf-
ust upp í Úkraínu
Þrír grímuklæddir og vopnaðir
menn, sem lögregla elti yfir þvera
Austur-Evrópu eftir misheppnað
bankarán í Þýskandi í fyrradag,
slepptu síðasta gisl sínum og gáfust
upp fyrir lögreglu í Úkraínu í gær.
Ræningjamir höfðu lagt að baki
1600 kílómetra með lögguna á hæl-
unum þegar bundinn var endi á
flótta þeirra. Mennimir höfðu þá
farið yfir þrjú lönd og ekið niður
landamærahlið.
Síðasti gisl ræningjanna var 26
ára kona sem starfaði i bankanum í
Þýskalandi. Ræningjarnir höfðu
beint byssu að höfði hennar í heilan
sólarhring og fékk hún taugaáfall.
REUTERSMYND
Styttuhreingerning í London
Starfsmaöur Lundúnaborgar vinnur hér aö hreinsun styttunnar af Georg konungi sjötta, eiginmanni Elísabetar
drottningarmóöur sem lést á sunnudaginn, og fööur Elísabetar Bretadrottningar, en hreinsun styttunnar er liöur í
undirbúningi fyrir útför drottningarmóöurinnar sem fram fer á þriðjudaginn.
Donald Rumsfeld neitar
orðrómi um pyntingar
Donald Rumsfeld, varnarmálaráð-
herra Bandaríkjanna, mótmælti því
harðlega á blaðamannafundi í
Pentagon í gær að al-Qaeda-foringj-
ann Abu Zubaydah, yrði beittur
pyntingxnn til að ná fram upplýsing-
um um hryðjuverkastarfsemi al-Qa-
eda-samtakanna, eins og nýlega
kom fram í fréttum bandarískra
sjónvarpsstöðva, en Zubaydah, sem
handtekinn var í Pakistan í síðustu
viku, er grunaður um að vera heil-
inn á bak við hryöjuverkaárásimar
í Bandarikjunum þann 11. septem-
ber sl., auk þess að vera helsti
tengiliður al-Qaeda við liðsmenn
samtakanna og hópa víða um heim.
Rumsfeld neitaði því einnig að
fyrirhugað væri að flytja Abu Zu-
baydah til þriöja lands þar sem
vænta mætti meiri árangurs af yfir-
heyrslunum yfir honum, eins og
fram hafði komið í fjölmiðlum, en
Donald Rumsfeld
Donald Rumsfeld neitaöi því á
blaöamannafundi í Pentagon í gær
aö fyrirhugaö væri aö beita Abu Zu-
baydah pyntingum.
sagði þó að það væri hugsanlegur
möguleiki sem væri eftir að skoða
betur. Þá kæmi herstöðin í Guant-
anamo á Kúbu til greina, þar sem
fyrir eru í haldi um 300 grunaðir al-
Qaeda-liðar sem handteknir voru í
Afganistan.
Rumsfeld furðaði sig á tilfinn-
ingasemi fjölmiðla gagnvart Abu
Zubaydah og sagði að það væri al-
fjör óþarfi að hafa mikla samúð með
manni sem væri tengdur slíkum
hryðjuverkasamtökum og vissi allt
um aðgerðir þeirra. „Hann hefur
tekið þátt í þjálfun hryðjuverka-
manna og undirbúið þá fyrir þær
hræðilegu árásir sem við höfum
orðið vitni að. Hann býr því örugg-
lega yfir mikilvægum upplýsingum
sem við ætlum okkur að ná upp úr
honum á einn eða annan hátt, til að
koma í veg fyrir frekari hryðjuverk
í framtíðinni," sagði Rumsfeld.
Fadime Sahindal.
Faðir Fadime hlaut
lífstíðardóm
Héraðsdómur í Uppsölum i Svi-
þjóð dæmdi í gær kúrdíska innflytj-
andann Rahmi Sahindal til lífstíðar
fangelsis fyrir morðið á 26 ára dótt-
ur sinni, Fadime Sahindal, sem
hann skaut til bana í janúar sl.
Fadime var þá stödd í heimsókn
hjá yngri systur sinni á heimili fjöl-
skyldunnar í bænum Rinkeby í ná-
grenni Stokkhólms og skaut faðir-
inn dóttur sína frammi fyrir móður
hennar og tveimur systrum.
Faöirinn viðurkenndi morðið fyr-
ir dómi og sagðist hafa framið það
vegna þess að dóttirin hefði niður-
lægt sig með því að ræða málefni
fiölskyldunnar við fiölmiðla, en
hann gat ekki sætt sig við það að
dóttirin væri i sambúð með sænsk-
um manni.
Bæjarstjórinn var
eina skotmarkiö
Maðurinn sem myrti átta bæjar-
fulltrúa í Nanterre, einu úthverfa
Parisar, skömmu fyrir páska viður-
kenndi í yfirheyrslum hjá lögreglu
að hann hefði aðeins ætlað sér að
drepa bæjarstjórann, Jacqueline
Fraysse.
Morðingjanum, Richard Durn,
tókst að svipta sig lífi daginn eftir
með því að stökkva út um glugga á
fiórðu hæð lögreglustöðvarinnar
þar sem hann var í yfirheyrslu.
Durn sagði við yfirheyrslurnar að
hann hefði verið búinn að skipu-
leggja skotárásina í langan tíma.
Þegar upp var staðið varð hún að
mesta fiöldamorði í langan tíma.
Aung San Suu Kyi
Leiötogi stjórnarandstööunnar í
Burma ætlar aö halda áfram viöræö-
um viö herforingjastjórnina.
Kvarta yfir seina-
gangi viðræðna
Lýðræðissinnar í Burma segja að
viðræður milli leiðtoga þeirra,
Aung San Suu Kyi, handhafa friðar-
verðlauna Nóbels, taki allt of langan
tima og að árangurinn sé lítill. Þeir
lofa hins vegar að halda viðræðun-
um áfram.
U Lwin, ritari Lýðræðisflokksins,
vísaði á bug í viðtali seint í gær-
kvöld vangaveltum um að flokkur-
inn ætlaði að draga sig út úr við-
ræðunum, sem fara fram undir for-
sæti Sameinuðu þjóðanna, ef Suu
Kyi yrði ekki fljótlega leyst úr stofu-
fangelsi.
Viðræðumar hófust síðla árs 2000
og hafa þær leitt til þess að 250 póli-
tískir fangar hafa verið leystir úr
haldi. Þær hafa aftur á móti ekki
leitt til pólitiskra breytinga.