Dagblaðið Vísir - DV - 04.04.2002, Blaðsíða 16
m 28
Skoðun
FIMMTUDAGUR 4. APRÍL 2002
DV
Spuming dagsins
Ferðaðistu eitthvað
um páskana?
Sesselja Friöriksdóttir matráðskona:
Nei, það var fínt að vera heima.
Edgar Ágúst Þráinsson, 7 ára:
Nei, best að vera heima.
Margrét Ásta Árnadóttir, 12 ára:
Nei, ég hefði samt viljað heimsækja
heitt land.
Nei, en ég heföi viljað ferðast
innanlands.
Bryndís Jóna Hamilton, 12 ára:
Nei, ég hefði viijað ferðast innan-
lands. Eg geri það kannski í sumar.
Farþegasiglingar frá
fjarlægum stað
Seyðisfjörður.
Fallegur bær en ærið afskekktur fyrir þorra landsmanna sem vilja sigla með ferju.
Ingvi Ingvason,
Breiövangi 55 í Hafnarfirði, skrifar:
Tilefni þessara skrifa er annars
vegar umíjöllun Skúla Sigurðssonar
14. desember og Katrínar Fjeldsted
29. nóvember um ferjusiglingar - og
hins vegar litfagur bæklingur frá
Smyril Line inn á hvert heimili, að
minnsta kosti til undirritaðra. Ann-
ar okkar hefur notið ferjunnar
nokkrum sinnum og hefur ekkert
séð athugavert við þá þjónustu. Aft-
ur á móti er það stórathugavert og
sennilega mistök að þjónusta þessi
skuli vera rekin frá afskekktum
smábæ hinum megin á landinu við
frekar þröngar aðstæður og erfiðar
brekkur, hvort sem er upp eða nið-
ur.
Að auki er þjóðvegurinn austur
oft erfiður yfirferðar. Víða er ekki
malbik og þar sem endurbætur eiga
sér stað má búast við stöðugu grjót-
kasti frá ökuþórum sem hirða ekki
um hraðatakmarkanir sem valda
skemmdum á lakki og gleri. Þrátt
fyrir þetta hefði mátt hafa ferjumót-
tökuna í Reyðarfirði því aðkoma og
brottfor þaðan er þægilegri á allan
hátt.
Hér á Suðvesturlandi hefur meiri-
hluti þjóðarinnar kosið sér aðsetur.
Fólk á þessu svæði hefur meiri hag
af því og þá ekki síður skipafélagið
að aðstaðan væri í nágrenni þéttbýl-
isins eins og til að mynda í Þorláks-
höfn þar sem búnaður fyrir svona
skip er þegar til staðar. Algjörlega
hefði mátt spara þá fjármuni sem
fara eiga í bætta aðstöðu í Seyðis-
firði. Seyðisfjörður er fallegur bær
og allt það en það er með hann eins
og útvarpið að skylduaðildin er ekki
„Ef eitthvert vit á að vera í
hlutunurn er augljóst að
gera verður þéttbýlisbúum
kleift að þurfa ekki að aka
lengra en til Þorlákshafnar
þegar og ef þá langar að
skreppa til Evrópu til
lengri eða skemmri dvalar. “
í samræmi við nútíma starfshætti f
viðskiptum. Ef eitthvert vit á að
vera í hlutunum er augljóst að gera
verður þéttbýlisbúum kleift að
þurfa ekki að aka lengra en til Þor-
lákshafnar þegar og ef þá langar að
skreppa til Evrópu til lengri eða
skemmri dvalar.
í þessu ljósi styðjum við undirrit-
aðir tillögu Katrínar og Skúla að
hluta til, við viljum ferjusiglingar
allt árið milli landa og það frá Þor-
lákshöfn. Hvað varðar fargjaldið og
kostnaðinn við að komast til og frá
landinu þá er það verðugt umfjöll-
unarefni í öðru erindi. Samt verður
að geta þess að fargjöldin með ferj-
unni hafa hækkað töluvert frá fyrra
ári og er þá aðeins litið á fargjald
með eigin bifreið. Eftir sem áður
geta bifreiðaeigendur sent bifreið-
ina með skipi og flogið á milli
áfangastaða.
Sviknir Grafarvogsbúar
Fjölskyldan flutti
nýlega 1 Grafarvog.
Þar er gott að búa
innan um fjölda
ungs fólks sem
þama býr, og
reyndar alla ald-
urshópa. Það hefur
oft verið sagt að
glöggt sé gests aug-
að og nýfluttur i
hverfið greini ég sitthvað sem R-list-
inn hefur svikið Grafarvogsbúa um.
Ég ætla að nefna hér dæmi sem
blasa strax við.
Fjaran er menguð og full af alls
konar drasli sem varla er hægt aö
nefna á prenti. Böm leika sér í
óþverranum og getur maður þá
hugsað sér að foreldrar hafi nóg að
Böm leika sér í óþverranum
og getur maður þá hugsað
sér að foreldrar hafi nóg að
þrífa af þeim við heimkomu.
þrífa af þeim við heimkomu. Þegar
sjálfstæðismenn fóru með stjóm
borgarinnar var langt komið að
hreinsa alla strandlengjuna frá
Kópavogi vestur að Ánanaustum.
Þegar R-listinn prettaði sig inn á
borgarbúa 1994 strandaði þessi
hreinsun fljótlega. Þá lagði R-listinn
á alræmdan holræsaskatt og átti að
nota hann i þessa hreinsun. Ekkert
gerðist fyrir Grafarvogsbúa og hol-
ræsaskatturinn fór i annað. Því er
fjaran í hverfinu þakin hvítum sal-
emispappír og öðra enn verra. Sjálf-
stæðismenn ætla að halda áfram að
hreinsa strandlengjuna og leggja
samt af holræsagjaldið.
Hitt dæmið sem ég ætla að minn-
ast á er Korpúlfsstaðir. Árið 1994
sagði R-listinn Korpúlfsstaði vera
ónýt hús og því brjálæði að endur-
nýja þau. Það fór samt svo að R-list-
inn kokgleypti allt um Korpúlfsstaði
og setti þar upp gluggalausan bama-
skóla, Korpuskóla. Nú hefur D-list-
inn, með Björn Bjamason í fomstu,
ákveðið að byggja nýjan skóla og
ætlar listamönnum og fleiri aðstöðu
á Korpúlfsstöðum.
Ég skora á alla Grafarvogsbúa að
standa vel að því að Bjöm Bjama-
son geti orðið næsti borgarstjóri í
Reykjavík.
Karl Ormsson,
fv. deildarfulltrúi,
skrifar:
Garri
Aðalatriði og aukaatriði
Garri hefur reynt að fylgjast með umræðunni
A um væntanlegt álver á Reyðarfirði og fréttum af
ákvörðunum hjá Norsk Hydro þess efnis að ekki
væri útlit fyrir að tímasetningar varðandi bygg-
ingu álversins mundu standast. Á hann í
nokkmm vandræðum með að ná áttum í málinu
og fráleitt einn um þá stöðu. Finnst Garra svo
komið í málinu að það er farið að minna tölu-
vert á fyrirætlanir um byggingu álvers á Keilis-
nesi hér í eina tíð. En það mál er löngu fallið í
gleymskunnar dá.
Umræðan um páskana snerist að mestu um
það hvort og hvenær talsmenn íslensku samn-
inganefndarinnar hefðu vitað að blikur væm á
lofti um timasetningar varðandi byggingu álvers-
ins eystra. Og hvort þeir hefðu komið þeim
Wt skilaboðum norsara skilmerkilega til iðnaðarráð-
herrans svo ekkert færi milli mála um stöðu
mála eða forklúðrað málinu svo að ráðherrann
hélt að þama væri aðeins ómerkilegt slúður á
ferð sem ekki bæri að taka alvarlega.
Blikur á lofti
Samkvæmt fréttum vissu menn hér á landi í
febrúarlok að blikur væru á lofti varðandi tíma-
49 setningar Norsk Hydro en mátu stöðuna svo aö
það mundi skaða málið að gera þess-
ar blikur opinberar. Enda ekkert vit
í þvi að blása málið út í fjölmiðlum
og láta alls kyns ólíkindatól síðan
vaða taumlaust uppi með stóryrtar
yfirlýsingar um að málið væri
strand. Austfirðingar fengju ekkert
álver. Enda átti slík umræða ekkert
erindi við almenning. Og við bætist
að svo virtist sem menn hjá Norsk Hydro hefðu
ekki tekið endanlega ákvörðun um að tímasetn-
ingar stæðust ekki heldur einungis látið í veðri
vaka að svo gæti farið. Og á þessu tvennu er reg-
inmunur.
Lágmarksbreytingar
Efasemdir um að bygging álvers yrði ekki á
tímaáætlun voru ekki nægar til að hefja umræðu
um málið enda engin endanleg ákvörðun um að
byggingaframkvæmdir mundu tefjast og að auki
verið settar fram viljayfirlýsingar um viðræðu-
fundi þar sem rætt yrði um endanlega ákvörðun
þess efnis að framkvæmdir mundu kannski ekki
standast timasetningar sem ákveðnar höfðu ver-
ið á fundi forðum. Garri las ennfremur að i byrj-
un mars hefði verið haldinn fundur um að reynt
hefði verið að finna lágmarksbreytingar á tíma-
setningum sem hefðu falið i sér að tímasetning-
amar gætu staðist í aðalatriðum. Þetta er náttúr-
lega aðalatriði málsins og ljóst að menn verða að
skilja það ætli þeir nokkum tima að reisa álver
á Reyðarfirði.
En niðurstaða alls þessa er samt sem áður að
hjá Norsk Hydro hafa menn heykst á því að
skella sér í byggingaframkvæmdir eða koma
með tímaáætlun meö lágmarksbreytingum sem
fela í sér að tímasetningar geti staðist í aðalat-
riðum. Garri er á því að hann hafi náð kjama
málsins með smáfrávikum sem ná þó ekki að
mgla heildarmyndina meir en svo að hann sér
Jón Sigurðsson, fyrrum iðnaðarráðherra, ljóslif-
andi fyrir sér í stafni,
horfandi til lands. CsfkjTfi.
Afburða fréttaþulur
Fyrrverandi kaupfélagsstjóri skrifar:
Ég má tO með að
koma því á fram-
færi að mér finnst
Logi Bergmann
Eiðsson, fréttamað-
ur hjá Sjónvarpinu,
bera af öllum þeim
sem fréttir lesa að
báðum stöðvimum
meðtöldum. Hefur
Logi vaxið jafnt og
þétt frá þvi að hann
hóf störf í íþróttadeild Sjónvarpsins.
Hann hefur skýra og þýða rödd,
brúnaþungur svipur hans eykur
traust fréttanna og fréttir í hans eigin
flutningi eru á heimsmælikvarða.
Ætti Sigurður G. Guðjónsson, for-
stjóri Norðurljósanna, ekki að íhuga
að gera Loga að fréttastjóra hjá sér?
Logi Bergmann
brúnaþungur og
traustur.
Léttið ykkur, landar!
Reynir skrifar:
Margir íslendingar þjást af offítu,
sér í lagi böm á aldrinum 4-12 ára, en
einnig unglingar og eldra fólk. íslend-
ingar hafa verið að fitna með árunum
og nú finnst mörgum að það ætti að
stoppa þetta. Allt of margir fara á
skyndibitastaði á virkum dögum og
enn fleiri á fóstudögum. I kjörbúðum
má sjá fólk rogast með 10 til 12 lítra af
kóki, tugi þúsunda kaloria, og ljóst á
holdafari kaupendanna að dagleg
neysla á þessum sykraða drykk er
ekki við hæfi. Em ekki kranar á öll-
um heimilum með köldu, rennandi
vatni? Mér finnst að hraust og sterk
þjóð af vikingaættum ætti að taka sig
á í þessum málum. Ömurlegt er að
horfa upp á unglinga á sundstöðum af-
myndaða af fitu. Hér dugir ekkert
annað en stórátak landsmanna.
Atriöi úr I faðmi
hafsins
sem Flateyringar
og fleiri kvik-
mynduðu.
Stórkostleg bíómynd
Reykvíkingur hringdi:
Ég átti ekki á
miklu von þegar
ég settist niður og
skoðaði bíómynd
Ffateyringanna, í
faðmi hafsins. En
myndin reyndist
ein sú besta ís-
lenska sem ég hef
séð tO þessa, betri
en þær sem sjálf-
umglaðir kvikmyndastjórar eru að
sýna okkur. Menningarmafiunni hér í
borg þóknaðist það ekki að Lýður hér-
aðslæknir og aðrir Flateyringar væru
að gera þorpið sitt að Hollywood.
Myndin fær því enga styrki, þeir era
handa klíkuliðinu sem býr til and-
lausar myndir. Mynd læknisins og fé-
laga hans reyndist vera bráðskemmti-
leg, mikið drama, fallega tekin mynd
- þetta var boðskapur fólks sem hefur
þurft að þola mikið. Kærar þakkir til
Flateyringa og til hamingju með
myndina.
Áfram Teigakjör!
Teigabúi skrifar:
Hann heitir Logi og hún heitir
Magga og þau eiga verslunina Teiga-
kjör í Laugarneshverfi. Mér fmnst
þau eiga þakkir skilið fyrir liðlegheit.
Þau eru alltaf boðin og búin að að-
stoða fólkið í hverfinu og fara jafhvel
heim til gamla fólksins með vöram£ir
ef svo ber undir. Það liggur við að
maður geti farið með bamið í pössun
til þeirra á meðan maður skreppur
frá. Einnig fmnst mér þau eiga heiður
skilið fyrir að gefa stórmörkuðunum
ekkert eftir hvað varðar verðlagn-
ingu. T.d. kostaði Góu páskaegg núm-
er 6 ekki nema 1.220 krónur í Teiga-
kjöri en í stórmörkuðunum hef ég
ekki séð verðið á þessari vöru fara
undir 1.440 krónur. Ef fólk vanhagar
um eitthvað, þá panta þau Logi og
Magga það fyrir mann eins og ekkert
sé. Þetta fólk á heiður og þakkir skil-
ið. Ef ég flyt úr hverfmu þá er þetta
eitt af því sem ég á eftir að sakna
mest, búðarinnar minnar.
DV Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangið:
gra@dv.is
Eöa sent bréf til: Lesendasíöa DV.
Þverhofti 11,105 ReyKjavík.
Lesendur eru hvattir til aö senda mynd
af sér til birtingar með bréfunum á
sama póstfang.