Dagblaðið - 10.01.1980, Blaðsíða 27
DAGBLAÐIÐ. FIMMTUDAGUR 10. JANÚAR 1980.
C*
Útvarp
27
Sjónvarp
i)
TIL UMHUGSUNAR - útvarp kl. 14.45:
Hafa foreldrar vitneskju um
áfengisneyzlu bama sinna?
„Við ætlum í þessum þætti að vera
með áframhaldandi umræður frá
siðasta þætti, sem við vorum með
fyrir hálfum mánuði síðan,” sagði
Vilhjálmur Þ. Vilhjálmsson annar
umsjónarmaður þáttarins Til
umhugsunar í samtali við DB.
Umsjónarmaður ásamt honum er
Karl Helgason.
„Fyrst og fremst ræðum við um
aldurstakmarkið fyrir vinkaupum og
hve ungt fólk er þegar það byrjar að
neyta áfengis. EnnfVemur ræðum við
um hvernig ungt fólk fer að því að ná
sér í áfengi og vitneskju foreldra um
áfengisneyzlu barna.
Við höldum að almennt hafi
foreldrar litla hugmynd um að börn
13—14 ára neyti áfengis. Síðan
ræðum við um þróunina í nágranna-
löndunum og niðurstöður áfengis-
könnunar sem íslenzkir læknar hafa
gert,” sagði Vilhjálmur ennfremur.
,,Að síðustu ræðum við við þrjá
unglinga á aldrinum 14—15 ára um
þessi mál.” Þátturinn Til umhugs-
unar er á dagskrá útvarpsins kl. 14.45
í dag.
-ELA.
Unglingar og áfcngismálin eru ælíð
ofarlega á baugi. í þættinum Til
umhugsunar verður einmitt fjallað
um þau mál.
DB-mynd: Árni
Herdis Þorvaldsdóttir leikkona leikstýrir leikriti kvöldsins.
DB-mynd: Bj. Bj.
LEIKRIT VIKUNNAR
— útvarp kl. 21.25:
Drykkfelld, fallin
leikkona og áhyggju-
full móðir hennar
— í leikriti kvöldsins
í kvöld kl. 21.25 verður flutt í út-
varpi leikritið Kristalsstúlkan eftir
Edith Ranum í þýðingu Torfeyjar
Steinsdóttur.
Leikritið segir frá Kristalsstúlk-
unni Ninu Weide. Hún var eitt sinn
fræg leikkona. Nú er hún hins vegar
ekki lengur falleg og ung og þar að
auki á góðri leið með að verða
drykkjusjúklingur.
Móðir hennar hefur þungar
áhyggjur af dóttur sinni og ákveður
að bjóða heim til miðdegisverðar
gömlum kærasta Ninu. Hann er
frægur leikstjóri og nú vonar móðirin
að hann geti hjálpað dóttur sinni að
byrja nýtt líf. Oft fer þó sitthvað á
annan veg en menn ætla og svo er
einnig nú.
Leikstjóri er Herdís Þorvaldsdóttir
en með hlutverkin tvö fara Margrét'
Ólafsdóttir og Þórunn Magnea
Magnúsdóttir.
Höfundurinn, Edith Ranum, er
þekkt fyrir barnaleikrit sín í útvarpi,
bæði í heimalandi sínu, Noregi, og
annars staðar á Norðurlöndum. Hún
hefur einnig skrifað sakamálaleikrit
og nokkrar skáldsögur í þeim dúr.
Árið 1975 hlaut hún 1. verðlaun í
leikritasamkeppni fyrir Kettlinginn,
en það var jafnframt fyrsta útvarps-
leikrit hennar.
Flutningur leiksins tekur röskar
fimmtíu mínútur.
-ELA.
— í Baltic-keppninni í V-Þýzkalandi
í kvöld kl. 19.55 lýsir Hermann íþróttaunnendur ogaðrir ættu því að margir hafa áhuga fyrir því sem er að
Gunnarsson síðari hálfleik í keppni setjast við tækin í kvöld enda víst að gerast þarna úti. -ELA.
íslendinga og Norðmanna í handknatt-
leik Baltic-bikarkeppninnar sem fram
fer i Vestur-Þýzkalandi.
íslendingar kepptu við Austur-Þjóð-
verja á þriðjudag i bænum Minden, í
gær kepptu þeir við Vestur-Þjóðverja í
Bremerhaven og í kvöld eru það Norð-
mennirnir.
Miklar vonir eru bundnar við að
Island sigri Norðmennina en annars er
hætta á að síðasti leikur íslands i
keppninni verði um neðsta sætið.
Það er Jóhann Ingi Gunnarsson
landsliðsþjálfari sem valið hefur menn i
liðið og hefur því verið haldið á lofti að
hann hafi verið full kaldur við val
liðsins. Hefur Jóhann Ingi hlotið viður-
nefnið einvaldur sem þykir hæfa
honum vel. Jóhann Ingi hefur staðið
sig vel með strákana og eru miklar
vonir bundnar við liðið í kvöld þegar
orrustan við Norðmenn verður háð.
Starf ferskfiskmats-
manns í Kef lavík
Starf ferskfiskmatsmanns í Keflavík —
Njarðvík er laust til umsóknar.
Umsóknir ásamt upplýsingum um aldur,
menntun og fyrri störf sendist Fram-
leiðslueftirliti sjávarafurða, Nóatúni 17,
105 Reykjavík.
Framleiðslueftirlit sjávarafurða.
Hér sést Jóhann Ingi landsliðseinvaldur útskýra fyrir Ólafi Jónssyni fyrirliða liðsins og öðrum leikmönnum leikkerfið.
Fremst á myndinni situr sonur Ólafs Jónssonar.
DB-mynd: Bj. Bj.
LÝSING HERMANNS GUNNARSSONAR - útvarp kl. 19.55:
ÍSLENDINGAR 0G NORDMENN
LEIKA SAMAN í KVÖLD