Ársrit Ræktunarfélags Norðurlands - 01.01.1982, Blaðsíða 54
TRYGGVI STEFÁNSSON:
RÆKTUN GULRÓFNA
Ritstjóri Ársrits Ræktunarfélagsins hefur beðið mig að segja
frá reynslu minni af ræktun gulrófna, en ræktun þeirra hefur
verið fastur liður í búskap mínum hér á Hallgilsstöðum i
Fnjóskadal.
Frá því ég byrjaði búskap 1959, hef ég jafnan ræktað gul-
rófur sem hliðarbúgrein með sauðfé. Framan af í fremur
smáum stíl, 0,3-0,5 ha., en seinni árin í 1-2 ha. Uppskerumagn
á ha. hefur verið mjög breytilegt, frá 1 tonn á ha. 1979, upp í
ca. 20-25 tonn í bestu árum. Hitastigið, einkum að haustinu,
ræður mestu um uppskeruna, svo framarlega að spírun hafi
verið í lagi. Jarðvegur hér er fremur ófrjór, lyng- og fjall-
drapamóar. Nauðsynlegt reynist að skipta um garðland á
þriggja til fjögurra ára fresti. Stafar það bæði af því að erfitt er
að verjast illgresi og hinu, að þegar rófur hafa verið ræktaðar í
sama landinu í nokkur ár, fer að sækja í þær rotsveppur sem
getur valdið stjórtjóni. Sé garðurinn orðinn mjög mengaður af
rotsvepp, geta rófurnar verið ónýtar strax við upptöku. Hitt er
algengara að hann komi fram við geymslu. Helsta vörnin er
að skipta um garðland og sótthreinsa geymslur.
I venjulegu árferði er garðurinn plægður og herfaður um
miðjan maí. Áríðandi er að vanda jarðvinnslu en í illa unnum
garði verða rófurnar mun skottóttari og ljótari en ella.
Áburður á ha. hefur verið um 750 kg 12-19-19 og ca. 25 kg
bórax. Venjulega er dreift með kastdreifara og farnar þrjár
umferðir til að fá sem jafnasta dreifingu. Helst þarf að dreifa í
56