Morgunblaðið - 04.12.2001, Page 13

FRÉTTIR
MORGUNBLAÐIÐ ÞRIÐJUDAGUR 4. DESEMBER 2001 13
Símar 435 6810/891 6811
www.hellnar.is
Fæst í öllum helstu
bókaverslunum landsins
Besta „sjálfshjálparbók“
allra tíma er fáanleg á ný
Þessi margverð-
launaða metsölubók
hefur slegið öll
sölumet og hjálpað
fjölmörgum í
gegnum erfiðleika.
HAFRÉTTARSTOFNUN Íslands,
gekkst fyrir athöfn í Háskóla Ís-
lands sl. laugardag til að heiðra
minningu Hans G. Andersen, þjóð-
réttarfræðings og sendiherra.
Ekkja hans, Ástríður H. Andersen,
afhjúpaði brjóstmynd af honum við
athöfnina. Hana gerði Helgi Gísla-
son myndlistarmaður. Hún færði
jafnframt Hafréttarstofnun laga-
bókasafn Hans að gjöf en þar eru
fyrst og fremst bækur á sviði haf-
réttar. Að Hafréttarstofnun standa
Háskóli Íslands, utanríkisráðu-
neytið og sjávarútvegsráðuneytið.
Halldór Ásgrímsson utanrík-
isráðherra flutti ávarp við þetta
tækifæri og þakkaði hann Ástríði
og börnum þeirra, Gunnari og
Þóru, fyrir veglega gjöf. Sagði
hann mikinn feng að lagabókasafni
Hans og að það myndi mynda
grunn að bókasafni Hafréttar-
stofnunar sem væri eitt fyrsta
verkefni hennar að koma upp.
„Ég tel afar viðeigandi að brjóst-
myndin af Hans G. Andersen, hin-
um mikla frumkvöðli á sviði haf-
réttar, skuli falin Hafréttarstofnun
til varðveislu. Brjóstmyndin með
hinum áletruðu orðum sem lýsa í
hnotskurn framlagi Hans til haf-
réttarins og til íslensku þjóð-
arinnar mun gera þá sem starfa á
vegum stofnunarinnar og þá sem
þangað koma meðvitaðri um þá
sögu og þróun sem að baki býr,“
sagði ráðherra meðal annars.
Á skjöld sem fylgir brjóstmynd-
inni er eftirfarandi texti um helstu
atriði í framlagi Hans G. Andersen
til hafréttarmála og þar segir:
Einn fremsti og færasti
sérfræðingur heims
„Hans G. Andersen var einn
fremsti og færasti sérfræðingur
heims á sviði hafréttarmála. Hann
lagði lagalegan grundvöll að út-
færslu íslenskrar lögsögu úr þrem-
ur í fjórar sjómílur 1952, tólf sjó-
mílur 1958, fimmtíu sjómílur 1972
og loks tvö hundruð sjómílur 1975
– svo og landgrunnsréttinda út
fyrir þau mörk. Hann var að-
alráðgjafi allra ríkisstjórna Ís-
lands sem höfðu forystu um út-
færslu lögsögunnar og öflun
viðurkenningar á henni. Virðing
og traust sem hann naut leiddu til
verulegra áhrifa hans á þróun haf-
réttar, þar á meðal mótun hafrétt-
arsamnings Sameinuðu þjóðanna –
og vann hann þjóð sinni einstakt
gagn.“
Við athöfnina töluðu einnig Ei-
ríkur Tómasson, varaforseti laga-
deildar Háskólans, en hann veitti
bókagjöfinni viðtöku, Árni M.
Mathiesen sjávarútvegsráðherra
og Manik Talwani, jarðeðlisfræð-
ingur og sérfræðingur í land-
grunnsmálum, en hann starfaði ná-
ið með Hans G. Andersen.
Morgunblaðið/Árni Sæberg
Ástríður H. Andersen afhjúpaði brjóstmynd af Hans G. Andersen í hátíðarsal Háskóla Íslands og tilkynnti jafn-
framt um bókagjöf fjölskyldunnar. Með henni eru Halldór Ásgrímsson utanríkisráðherra og kona hans, Sig-
urjóna Sigurðardóttir, Eiríkur Tómasson, varaforseti lagadeildar, og Björn Bjarnason menntamálaráðherra.
Brjóstmynd af
Hans G. Ander-
sen afhjúpuð
Morgunblaðið/Árni Sæberg
Þéttsetið var í hátíðarsal Háskóla Íslands á laugardag þegar brjóstmynd af Hans G. Andersen var afhjúpuð.
Í PALLBORÐSUMRÆÐUM á ráð-
stefnu um rafrænar kosningar, sem
haldin var á föstudag komufram
áhyggjur yfir því að Alþingi gæfist
ekki tími til að breyta kosningalög-
um til unnt væri að gera tilraun með
rafrænar kosningar í sveitarstjórn-
arkosningum á næsta ári. Nokkur
sveitarfélög hafa þegar lýst yfir
áhuga á slíkum kosningum.
Það voru hugbúnaðarfyrirtækin
EJS og Skýrr sem boðuðu til ráð-
stefnunnar. Í fundarboði til fjölmiðla
segir að í kjölfar ályktunar Sjálf-
stæðisflokksins á síðasta landsfundi,
þar sem lagst var gegn rafrænum
kosningum, hafi félagsmálaráðu-
neytið hætt við að fella inn í frum-
varp til breytinga á kosningalögum
kafla sem leyfir rafrænar kosningar.
Missum forskotið
Að sögn Ingvars Kristinssonar hjá
Samtökum íslenskra hugbúnaðar-
framleiðenda var ætlunin sú að prófa
tölvubúnað í kosningunum til að
ganga úr skugga um að hann stæðist
allar kröfur. Tækist kosningin vel
var hugmyndin sú að kjósa rafrænt
til Alþingis árið 2003. Ingvar segist
ekki mega til þess hugsa að ekki
verði gerð breyting á kosningalög-
unum.
„Ég held þetta sé bara spurning
um það að menn geri þetta. Þetta er
annað hvort spurning um að koma
inn með bráðabirgðaákvæði eða
breyta lögum þannig að þetta verði
heimilt,“ segir Ingvar. Íslensk hug-
búnaðarfyrirtæki stæðu afar fram-
arlega í upplýsingatækni og hefðu
forskot á önnur lönd í gerð rafrænna
kosningakerfa. Yrði þeim ekki gert
kleift að prófa búnaðinn í sveitar-
stjórnarkosningunum næsta vor
myndu þau missa það forskot sem
þau hafa.
Þátttakendur í pallborðsumræð-
um voru sammála um að það yrði
vonlaust verk að ætla að selja rafræn
kosningakerfi til útlanda ef ekki væri
búið að reyna þau áður í kosningum
á heimamarkaði.
Ekki staðið á móti
framþróuninni til lengdar
Valgerður Sverrisdóttir, iðnaðar-
ráðherra, sagði ekki nokkurn vafa
leika á því að rafrænar kosningar
yrðu að veruleika áður en langt um
liði. Þó væru margir sem vildu fara
hægar í sakirnar og halda í hefðir
sem hefðu gefið góða raun í áranna
rás. Ekki yrði þó staðið á móti
framþróuninni til lengdar. Valgerð-
ur sagði mikilvægt að tíminn fram á
næsta vor yrði nýttur til að hið raf-
ræna kosningakerfi gæti fengið þá
notendareynslu sem aðeins eldskírn
raunverulegra kosninga gæti veitt.
Gunnar Eydal, skrifstofustjóri hjá
Reykjavíkurborg taldi ljóst að yrði
frumvarpið ekki samþykkt fyrir jól
„missum við af lestinni.“ Hann rakti
reynslu Reykjavíkurborgar af raf-
rænum kosningum um flugvöllinn í
mars sl. og sagði hana góða. Sérstak-
leg hefði rafræn kjörskrá sannað
gildi sitt. Miklu færri vandamál
tengd kjörskrá hefðu þannig komið
upp varðandi flugvallarkosninguna
en í hefðbundnum kosningum og
hann taldi það meiriháttar slys ef
Reykjavíkurborg fengi ekki að not-
ast við rafræna kjörskrá í sveitar-
stjórnarkosningum í vor.
Rætt um kosningalögin á ráðstefnu
um rafrænar kosningar
Missum af lestinni
verði lögunum
ekki breytt