Morgunblaðið - 04.12.2001, Síða 37

LISTIR
MORGUNBLAÐIÐ ÞRIÐJUDAGUR 4. DESEMBER 2001 37
rósir og silfurlitað og
gyllt efni eru notuð til að
skapa sannkallað prins-
essuteppi. Handavinnan
við gerð þessa barnatepp-
is er grófari en vinnan
sem einkennir flest hinna
en sköpunargleðin og
ímyndunaraflið lætur
ekki á sér standa.
Þó þykkt flauel sé
gjarnan notað í verkum
Þórunnar, s.s. í Ljósbroti
þar sem hlýir bleikir og
rauðleitir litatónar breyt-
ast í takt við mismunandi
birtuskilyrði einskorðast
efnisval listakonunnar
ekki við flauelið. Til að
mynda verða karlmanns-
jakkaföt fyrir valinu í
verkinu Herrateppi, enda
hefur viðfangsefnið mikil
áhrif á efnisval hverju
sinni. Herrateppið, sem
er eins konar ástarjátn-
ing af hálfu listakonunnar
til eiginmannsins, er
skemmtilegt tilbrigði við
þetta listform sem búta-
saumurinn er. Jarð-
bundnir grænir, brúnir
og bláleitir litir gera það
óneitanlega, ásamt efn-
inu, karlmannlegra á að
líta en hefðbundin búta-
saumsteppi og yfir því
verður bæði stílhreinn og nútímaleg-
ur blær. Krosssaumsfuglarnir á
hornum teppisins, sem tákna börn
þeirra hjóna, gefa því persónulegt
yfirbragð og merkingar fatnaðarins,
HEIMANMUNDUR Þórunnar
E. Sveinsdóttur, sem menningar-
miðstöðin Gerðuberg geymir um
þessar mundir, samanstendur af
teppum og koddaverum en uppi-
staða sýningarinnar er heiman-
mundur barna listakonunnar. Verk-
in eru vel flest bútasaumsverk og
fylgir gjarnan stutt skýring á tilvist
verksins ásamt ljósmynd af eigand-
anum. Teppi Þórunnar eru nefnilega
flest hver unnin með eigandann í
huga og persónuleiki hans á ekki
minni þátt í vinnunni en sköpunar-
gleði listakonunnar.
Rúmteppið Guð geymi okkur, sem
unnið eru úr hvítum hveitipokum og
skreytt hekluðum blúndum er þann-
ig gjörólíkt verkinu Drottinn blessi
heimilið – rúmteppi Jonna elsta son-
ar Þórunnar – þar sem fjörleg lita-
samsetning er notuð til að draga
fram sambland af litavalinu á heim-
ilum drengsins jafnt í fortíð sem nú-
tíð og myndar eins konar brú þar á
milli.
Teppi listakonunnar eru í ýmsum
stærðum, gerðum og litum, enda eru
þau gjarnan notuð til að segja sögu,
líkt og í síðastnefnda verkinu. Í
Punktar úti um allt og strik á milli er
glysgjörnu auga dótturinnar á
barnsárum síðan gerð skil. Blúndur,
sem teppið áður var, ýja að sögunum
sem jakkafötin búa yfir.
Á efri hæð Gerðubergs eru verk
listakonunnar á ólíkum vinnslustig-
um. Verkin Frjósemi og altari jarðar
og Viktorian punk eru þann-
ig fullbúin og í yfirstærð á
meðan verkin Fjör og
Stjarna eru enn í vinnslu og
jafnvel tölum, blúndum og
borðum er stillt upp í verk-
inu Dótakassi sem hefur ver-
ið í mótun allt frá því 1952.
Þá hefur faðirvorið orðið
Þórunni að viðfangsefni í
verkinu Barnstrúin, þar sem
bænatextinn er prentaður
með gotnesku letri á blúnd-
um prýdda svæfla.
Verk Þórunnar, sem heill-
aðist á Englandsárum sínum
af gömlum velskum teppum,
búa óneitanlega yfir tölu-
verðum innileik og hlýju.
Sögurnar sem þeim fylgja
einkennast af vissri kímni
sem auðvelt er fyrir sýning-
argesti að meta er listakon-
an kynnir líf sitt og fjöl-
skyldu sinnar fyrir þeim á
opinskáan máta sem frá-
sagnagleði hennar skilar vel.
Ferðagleði yngsta sonarins,
ásamt sögunni af gerð tepp-
isins stendur áhorfendum
þannig ljóslifandi fyrir sjón-
um þegar verkið Stöðugt
ferðalag og fjör er skoðað,
sem og dóttirin sem er mið-
punkturinn í lífi foreldra
sinna í verkinu Vindar jarð-
ar. Verk Þórunnar verða þar
af leiðandi skemmtilegt, íslenskt til-
brigði við bútasauminn og vel heim-
sóknarinnar virði.
Heimanmundur listakonu
MYNDLIST
Menningarmiðstöðin Gerðubergi
Sýning á verkum Þórunnar E. Sveins-
dóttur. Sýningin er opin virka daga frá kl.
11-19 og frá kl.13-16.30 um helgar.
Henni lýkur 16. desember nk.
HEIMANMUNDUR – VINSAMLEGA
SNERTIÐ ...
Anna Sigríður Einarsdóttir
Herrateppi eftir Þórunni E. Sveinsdóttur.
Morgunblaðið/Ásdís
MOLLOY er eftir
Nóbelsverðlauna-
hafann Samuel
Beckett í þýðingu
Trausta Steins-
sonar. Eftirmála
skrifar Sigurður A.
Magnússon.
Í Molloy segir af
manni sem
ferðast um á hjóli
með stífan fót og
hækjur í leit að móður sinni meðan
staurfóturinn styttist og betri fóturinn
stífnar. Sagan er draumkennd leiðsla
gegnum tíma og rúm þar sem fram-
vindan hverfist um bið, leit, minningar
og minnisleysi – fánýti tilverunnar.
Bókin skiptist í tvo hluta. Í fyrri hlut-
anum segir Molloy sögu sína. Hann er
tannlaus og illa til fara. Hann sefur á
daginn og hugarstarfsemin virðist
fyrst fara í gang þegar náttar. Í seinni
hlutanum kemur Moran til sögunnar,
sendur út af örkinni til að leita að
Molloy.
Í Borgarleikhúsnu standa nú yfir
sýningar á verki Becketts, Beðið eftir
Godot.
Útgefandi er Ormstunga. Bókin er
þriðja bókin í flokki Prýðisbóka. Bókin
er 208 bls., prentuð í prentsmiðjunni
Viðey og bókband annaðist Félags-
bókbandið Bókfell. Verð: 2.600 kr.
Skáldsaga
GUÐRÚN Jóhanna Jónsdóttir
tilheyrir yngstu kynslóð íslenskra
söngvara. Hún lauk framhaldsnámi
í söng í Englandi og hefur starfað
þar í landi í nokkur ár. Guðrún Jó-
hanna hefur ekki oft komið fram
hér heima og því forvitnilegra er
að heyra söng hennar á nýútkomn-
um geisladiski, Svartálfadansi, þar
sem hún syngur lög eftir Jón Ás-
geirsson. Ekki er það síður tíma-
bært að eiga þess kost að heyra
átján sönglög eftir Jón á einum
stað, því Jón á að baki langan og
mikinn tónskáldsferil og hefur
samið fjölda góðra sönglaga. Átta
stök sönglög við ljóð ýmissa skálda
gefa góða mynd af sönglagasmiðn-
um Jóni Ásgeirssyni; sum þessara
laga eru vel þekkt og mikið sungin,
eins og Glerbrot við ljóð Frey-
steins Gunnarssonar og Regn í maí
við ljóð Einars Braga og gaman að
heyra þau við hlið minna þekktra
laga. Guðrún Jóhanna syngur einn-
ig lagaflokkinn Svartálfadans sem
diskurinn dregur nafn
sitt af, en ljóðin eru
eftir Stefán Hörð
Grímsson. Guðrún Jó-
hanna söng þennan
ágæta lagaflokk eftir-
minnilega á tónleikum
fyrir um þremur árum
í Hafnarborg með
sama píanóleikara og
leikur með henni hér,
Bretanum William
Hancox. Hér bætir
Guðrún Jóhanna enn
um betur og skilar
glimrandi góðum
flutningi; syngur mús-
íkalskt og túlkar afar
fallega þessar indælu
stemmningar. Skammdegisvísa og
Nú er garðstígurinn þögull eru til-
komumikil í flutningi Guðrúnar Jó-
hönnu, en hægferðugri lög, eins og
Kvöldvísur um sumarmál, syngur
hún af innlifum og miklu næmi fyr-
ir texta. William Hancox er firna-
góður píanóleikari og leggur sitt af
mörkum til að draga fram falleg
blæbrigði í lögum Jóns. Það má
kalla djarft að hefja diskinn á
hægu rólegu lagi, Fyrir utan
glugga vinar míns, með löngum pí-
anóinngangi; en fallegur leikur
Williams er svo lifandi og tær að
hann kallar á að lagt
sé við hlustir. Lagið
Tileinkun við ljóð Þor-
geirs Þorgeirsonar er
eitt besta lag Jóns og
sérstaklega áhrifa-
mikið í flutningi Guð-
rúnar Jóhönnu.
Það má finna að
því, að ártöl laganna
skuli ekki gefin upp í
annars ágætum pésa.
Það hefði líka mátt
fylgja lögunum úr
hlaði með svolitlum
texta um uppruna
þeirra og tilurð og
nokkrum orðum um
ljóðin og höfunda
þeirra; – Jón hefði gert það listavel
sjálfur. Lögin standa einhvern veg-
inn munaðarlausari fyrir vikið. Þó
má vera að það sé einmitt ætlun
tónskáldsins, að leyfa þeim að lifa
eigin lífi og gefa hlustandanum
svigrúm til að heyra þau án tengsla
við nokkuð annað. Eftir stendur að
hér er að finna góðan grip með úr-
vali sönglaga eftir eitt okkar mestu
tónskálda, flutt af miklu næmi og
listfengi af William Hancox og
Guðrúnu Jóhönnu Jónsdóttur.
Falleg túlkun á lögum
Jóns Ásgeirssonar
Bergþóra Jónsdóttir
Guðrún
Jóhanna Jónsdóttir
TÓNLIST
Geislaplata
Sönglög eftir Jón Ásgeirsson.
Guðrún Jóhanna Jónsdóttir sópran og
William Hancox píanóleikari.
SVARTÁLFADANS