Morgunblaðið - 04.12.2001, Qupperneq 50

UMRÆÐAN
50 ÞRIÐJUDAGUR 4. DESEMBER 2001 MORGUNBLAÐIÐ
ÉG HEF ekki alveg
getað fylgt stjórnar-
formanni Línu.Nets,
Orkuveitunnar og
Sparisjóðs vélstjóra
eftir á þeim mikla
hraða sem ráðstafanir
hans á fjármálasviðinu
hreyfast eftir.
Því hlustaði ég með
öndina í hálsinum á
það, hversu fimlega
hann varðist atlögum
sjálfstæðismanna í
beinni útsendingu um
fjármál Línu.Nets.
Eftir að hafa lýst því
hversu góðar og sjálf-
sagðar allar hlutafjáraukningar,
hlutabréfakaup, hlutabréfaniður-
færslur og yfirtökur á skuldum á
upplýsingahraðbrautinni milli
Orkuveitunnar og Línu.Nets væru
kom útrásin:
Allar þessar tilfærslur hjá Línu.-
Neti væru nú ekki stórar tölur
miðað við skuldasöfnun Lands-
virkjunar, þar sem viðmælandinn
sæti í stjórn. – Aleinn, að manni
gat helst skilist. Þessi skuldasöfn-
un væri stjórnarformanninum mik-
ið áhyggjuefni, hvað sem Línu.Neti
liði. Lína.Net væri hinsvegar svo
mikið þjóðþrifafyrirtæki að aðeins
forneskjur gætu verið á móti því
og skuldir þess fyrirtækis hjóm
eitt hjá Landsvirkjun.
Stjórnarformaðurinn sannaði
þarna eftirminnilega, að hann hef-
ur sitthvað getað tileinkað sér af
útrásarstíl hins mikla leiðtoga síns.
En hún þaggar niður gagnrýni
stjórnarandstöðunnar með því að
draga djúpt andann og blása:
„EEEEEnn þið ssssjálfstæðis-
menn...,“ af þvílíkum sannfæring-
arkrafti og óðmælgi í frammítök-
um, að ekkert kvikt stendur eftir á
sviðinu. Stórkostlegur fjölmiðla-
stíll.
Þótt horft væri alveg framhjá
því að Reykjavík á nærri helming í
því ágæta fyrirtæki Landsvirkjun
og hverjir stjórna Reykjavík, þá
voru þetta þung og ábyrgðarfull
orð og til þess fallin að vekja menn
til umhugsunar, í ljósi þess að
Reykjavík ráðgerir að skulda sjálf
42 milljarða í lok næsta árs til við-
bótar hlutdeildinni í skuldum
Landsvirkjunar. En skuldir Lands-
virkjunar nema þó aðeins 71 millj-
arði eftir tvær nýbyggðar virkj-
anir.
Hreinar skuldir Reykjavíkur-
borgar í valdatíð
stjórnarformannsins
frá 1994 nema hins-
vegar 32 milljörðum
og hefur nettóskuldin
því aukist um 10 millj-
ónir á dag, hvern ein-
asta dag, sem hann
hefur stjórnað borg-
inni. Og það eru 180
dagar til kosninga.
Til útskýringar þýð-
ir „hrein“ skuldaaukn-
ing það sama og
skuldasöfnunin eftir
að búið var að eyða
því sem til var í
bankabókunum frá tíð
íhaldsins.
Viðmælandinn í sjónvarpinu
átaldi stjórnarformanninn fyrir
skuldasöfnun Línu.Nets og fjár-
austur Orkuveitunnar í það fyr-
irtæki, sem væri að keppast við að
veita þjónustu sem aðrir gætu
veitt. Þetta fyrirtæki ætti að selja
tafarlaust og láta aðra um starf-
semina.
Að þessu sögðu náði stjórnarfor-
maðurinn hápunkti í framgöngu
sinni þetta kvöld. Skelmislegt bros
færðist yfir andlit hans þegar hann
sagðist ætla að selja Perluna, þar
sem rekinn væri veitingarekstur,
sem einkaaðilar gætu gert betur.
Þetta var útspil, sem hann greini-
lega naut til fulls. Já, selja þetta
mannvirki, sem sjálfur Davíð hafði
látið byggja fyrir milljarð.
Fjölmiðlaveizla
Og skyndlega var þetta Perlu-
mál orðið aðalatriði í fjölmiðlunum.
Allt baslið með Línu.Net gufað upp
þó að það kosti bráðum tvær til
þrjár Perlur. Engu máli skipti þó
að einkaaðilar hafi rekið
starfsemina og jafnvel farið á
hausinn við veitingarekstur í Perl-
unni. Þetta er sko að kunna á fjöl-
miðla.
Næst þegar að honum er sótt
getur formaðurinn spilað því út, að
hann muni barasta selja Ráðhúsið,
sem sami Davíð byggði fyrir
stórfé. Þar er líka rekin sjoppa,
sem aðrir ættu að reka, samkvæmt
formúlu stjórnarformannsins. Og
Kjarvalsstaðir yrðu þá væntanlega
líka á söluskránni. Enda hvers
vegna eiga þessi hús að keppa við
boðað Orkukaffi og aðra Orku-
drykki, sem framreiddir verða
samkvæmt hvítbók í hinum nýju og
arðbæru höfuðstöðvum Orkuveit-
unnar uppi á Hálsi?
Þegar þetta verður allt fram
komið er ekki hægt að benda á
neitt, sem sjálfstæðismenn hafa
einhverntímann gert, sem stjórn-
arformaðurinn hefur ekki líka gert.
Davíð seldi Bæjarútgerðina og
stjórnarformaðurinn selur Perluna
á kosningaárinu.
Samræmd sjónarhorn
Við skulum reyna að sætta okk-
ur við það í bili, að enginn nema
stjórnarformaðurinn og Orkuveit-
an geti rekið Línu.Net. En ætti þá
ekki að vera samræmi í málflutn-
ingi háttvirts stjórnarformannsins
þegar kemur að öðrum borgar-
rekstri?
Inni á Ártúnshöfða er fyrirtæki,
sem mig myndi langa til að kaupa
frekar en Perluna eða Ráðhúsið.
Malbikunarstöðin Höfði finnst mér
fallegt fyrirtæki og vel rekið þó að
það stundi ekki veitingarekstur.
Ég er búinn að starfa á næstu lóð
við það í 37 ár og þekki því vel til
þess og þess ágæta fólks, sem þar
vinnur. Ég hef velt því fyrir mér af
hverju stjórnarformaðurinn sé að
láta borgina vasast í þessum at-
vinnurekstri, sem aðrir geta sann-
anlega séð um og sjá um?
Hvernig væri að stjórnarformað-
urinn stórhuga seldi mér og mín-
um Malbikunarstöðina Höfða,
svona til samræmis?
Stórhuga stjórn-
arformaður
Halldór
Jónsson
Stjórnmál
Stjórnarformaðurinn
sannaði þarna eftir-
minnilega, segir Hall-
dór Jónsson, að hann
hefur sitthvað getað til-
einkað sér af útrásarstíl
hins mikla leiðtoga síns.
Höfundur er verkfræðingur.
Mörkinni 3, sími 588 0640G
læ
si
le
ga
r
gj
af
av
ör
ur
Bjórglös
kr. 1.750
Opið mán.-fös. frá kl. 12-18.
Lau. frá kl. 11-14.
Samvinnunefnd um
svæðisskipulag höfuð-
borgarsvæðisins sam-
þykkti hinn 9. nóvem-
ber síðastliðinn tillögu
að nýju svæðisskipulagi
til almennrar kynning-
ar. Tillagan, sem dansk-
íslenska ráðgjafarsam-
steypan Nesplanners
hefur unnið fyrir nefnd-
ina, er svæðisskipulag
fyrir átta sveitarfélög á
höfuðborgarsvæðinu til
ársins 2024.
Eitt af meginmark-
miðum skipulagsins er
að nýta betur land inn-
an byggðarinnar fyrir nýbyggingar.
Þetta eru gamlar atvinnulóðir og
önnur „laus“ svæði sem ekki hafa
gildi sem hluti af útivistarsvæðum.
Dæmigert slíkt svæði er Borgartúnið
í Reykjavík. Slík þróun stuðlar að
betri nýtingu grunnkerfa svo sem
vega og veitna og hefur oftast jákvæð
umhverfisleg heildaráhrif.
Á skipulagstímabilinu er einkum
horft til þess að ný byggð muni fylla í
þær eyður sem eru á milli Mosfells-
bæjar í norðri og Hafnarfjarðar í
suðri. Austurmörk byggðarinnar
munu afmarkast af hinum svokallaða
„græna trefli“, sem eru skógræktar-
og útivistarsvæðin ofan byggðar. Á
norðursvæðinu er reiknað með upp-
byggingu á reitum undir Úlfarsfelli
og í Blikastaðalandi upp með Úlfarsá
að Hafravatni. Á þessu svæði er auk
blandaðrar byggðar, gert ráð fyrir
uppbyggingu nýs þjónustukjarna. Í
Mosfellsbæ verða byggð upp svæðin
norðan og austan Reykjalundar og
dalurinn þannig fullbyggður. Gufu-
nes og Geldinganes
munu byggjast upp,
m.a. verður byggt at-
hafnasvæði umhverfis
nýja höfn í Eiðsvík.
Norðlingaholtið mun
byggjast upp á skipu-
lagstímabilinu og svæði
austan Rauðavatns
verða tekin undir at-
vinnustarfsemi. Við
Eiðisgranda verða frek-
ari landfyllingar til
vesturs, sem tengjast
munu Seltjarnarnesi.
Eftir 2016 er gert ráð
fyrir að uppbygging á
Reykjavíkurflugvelli
hefjist beggja vegna austur-vestur
flugbrautarinnar. Verði allt flug lagt
af á svæðinu, mun byggð þróast þar
áfram eftir að skipulagstímabilinu
lýkur 2024.
Í Kópavogi er reiknað með nýrri
byggð á uppfyllingu í Fossvogi, en
meginuppbyggingin á sér stað með
vexti byggðarinnar við Vatnsenda að
Elliðavatni. Frekari uppbygging
verður í Bessastaðahreppi þannig að
byggðin mun mynda samfelldari
heildir. Við Arnarnesvog í Garðabæ
er gert ráð fyrir byggð á fyllingu. Þá
mun byggð teygja sig út á Álftanes
þegar Garðaholtið fer undir byggð.
Byggt verður á auðum svæðum
beggja vegna Arnarnesvegar. Ofan
Reykjanesbrautar eru stór svæði í
Garðabæ sem áætlað er að byggist
upp á tímabilinu, og munu þau ná að
græna treflinum. Í Hafnarfirði verð-
ur haldið áfram uppbyggingu ofan
Reykjanesbrautar að útivistarsvæð-
inu við Hvaleyrarvatn sem er hluti af
græna treflinum.
Erfitt er að sjá hver staðan verður
á landnotkun í lok tímabilsins en
horft er til nokkurra svæða sem
næstu uppbyggingarsvæða í fram-
haldi skipulagsins eftir 2024. Þau
svæði eru, auk Reykjavíkurflugvall-
ar, á Álfsnesi, austan Úlfarsfells og í
hrauninu sunnan Hafnarfjarðar.
Vinnan við svæðisskipulagið hefur
verið mjög yfirgripsmikil og víða
þurft að sætta sjónarmið og miðla
málum. Slíkt er eðlilegt þegar hlut
eiga að máli stór sveitarfélög sem,
þrátt fyrir samvinnu á einu sviði, eru í
samkeppni á öðrum sviðum. Það er
von okkar sem höfum komið að þess-
ari vinnu að nýju svæðisskipulagi
fylgi skilvirkara samstarf sveitarfé-
laganna á höfuðborgarsvæðinu í þeim
fjölmörgu málaflokkum sem snúa að
þjónustu við þetta samfellda íbúðar-
og atvinnusvæði, jafnframt því sem
það tryggi að höfuðborgarsvæðið,
með landsbyggðina sem bakhjarl,
standi traustum fótum í vaxandi al-
þjóðlegri samkeppni.
Þróun byggðar á
höfuðborgarsvæðinu
Sigurður
Einarsson
Skipulag
Vinnan við svæðisskipu-
lagið, segir Sigurður
Einarsson, hefur verið
mjög yfirgripsmikil
og víða þurft að sætta
sjónarmið.
Höfundur er formaður samvinnu-
nefndar um svæðisskipulag á höf-
uðborgarsvæðinu.
EUROCARD korthafar og MasterCard korthafar banka og sparisjóða
geta snúið sér til EUROPAY í Ármúla 28 vegna kortagreiðslna
á ferðum með Samvinnuferðum–Landsýn hf. sem fallið hafa
niður eða munu falla niður. MasterCard korthafar geta einnig
snúið sér til síns banka eða sparisjóðs. Þeir sem greitt hafa
ferðir að hluta með kreditkorti og að hluta með debetkorti,
ávísunum eða peningum eru einnig velkomnir og mun EUROPAY
þá annast nauðsynleg samskipti við samgönguráðuneytið fyrir
þeirra hönd. Þeir sem ekki greiddu með kreditkorti þurfa hins
vegar sjálfir að snúa sér til ráðuneytisins.
Nauðsynleg eyðublöð og leiðbeiningar liggja frammi í afgreiðslu
félagsins í Ármúla 28 og eru einnig á vefslóðinni www.europay.is.
Nauðsynlegt er að korthafar leggi fram frumrit gagna frá
ferðaskrifstofunni, s.s. reikninga og kvittanir fyrir innborgunum
á ferðir eða staðfestingu samgönguráðuneytis á móttöku slíkra
gagna. Til að auðvelda afgreiðslu eru korthafar vinsamlega
beðnir að ljúka útfyllingu eyðublaða og ljósritun frumrita sinna
áður en þeir koma til okkar, ef mögulegt er.
4. desember 2001,
EUROPAY Ísland – Kreditkort hf.
Auglýsing frá EUROPAY Íslandi
vegna gjaldþrots
Samvinnuferða–Landsýnar
Bankastræti 3,
551 3635
mat; eau de parfum
japanski dömuilmurinn hannaður af MASAKÏ MATSUSHÏMA