Morgunblaðið - 04.12.2001, Qupperneq 69

Á SUNNUDAGSKVÖLDIÐ fóru fram úrslit í Íslands-
meistarakeppni áhugamanna í karíókí á veitinga-
staðnum Players í Kópavogi. Það var útvarpsstöðin
Létt 96,7 sem stóð fyrir keppninni en þátt tóku ellefu
söngvarar á aldrinum 18 til 37 ára. Keppendum var
gert að taka tvö lög og mátti heyra allt frá Presley-
slögurum til kántrístaðallaga. Fóru leikar þannig að
þau Arief Siswanto og Diana Lind hrepptu fyrsta
sætið, í öðru sæti hafnaði Jóhanna María Guðmunds-
dóttir og í þriðja sæti lenti Hjálmar Friðbergsson.
Sigurlaunin voru ekki af verri endanum, utan-
landsferð fyrir tvo með Úrvali-Útsýn, 48 Corona-
flöskur og pítsuveisla fyrir sex á Pizza Hut.
Dómnefndin var skipuð þeim Páli Óskari Hjálmtýs-
syni, Þorgeiri Ástvaldssyni, Maríu Björk Sverrisdótt-
ur,Vali Sævarssyni og Huldu Bjarnadóttur.
Sigurvegararnir (f.v.): Hjálm-
ar Friðbergsson, Diana Lind,
Arief Siswanto og Jóhanna
María Guðmundsdóttir.
Íslandsmeistarakeppni áhugamanna í karíókí
Með sínu nefi
Morgunblaðið/Jim Smart
Dómnefndin fylgdist grannt
með gangi mála.
FÓLK Í FRÉTTUM
MORGUNBLAÐIÐ ÞRIÐJUDAGUR 4. DESEMBER 2001 69
Með smá aðstoð…
…kemst blaðið örugglega í réttar hendur!
Fjölmargir blaðberar víðsvegar um landið bera til þín Morgunblaðið á hverjum útgáfudegi.
Harðduglegir og ráðagóðir blaðberar okkar gera kleift að fréttirnar berist heim til
landsmanna með þessum hætti. Því er mikilvægt að:

Merkja póstkassa og lúgur vel

Hafa útiljósin kveikt

Hreinsa burtu snjó og klaka af tröppum
The German Trauma eftir Gitta Sereny.
383 síðna kilja með atriðisorðaskrá.
Penguin gefur út 2001. Kostar 2.495 kr.
í Pennanum-Eymundssyni.
AUSTURRÍSKA blaðakonan
Gitta Sereny hefur átt merkilega
ævi. Ellefu ára gömul sótti hún
nasistasamkomu í Nürnberg nán-
ast fyrir tilviljun og sagan hagaði
því þannig að upp frá því átti hún
eftir að glíma við nasismann og
eftirköst hans. Hún fékk þegar
óbeit á villi-
mennskunni þegar
þýski herinn lagði
undir sig heima-
land hennar með
þegjandi sam-
þykki þorra þjóð-
arinnar og næstu
árin tók hún með-
al annars þátt í
baráttu and-
spyrnuhreyfingarinnar í Frakk-
landi. Eftir stríð starfaði Sereny
við stofnun sem sá meðal annars
um það að skila börnum til síns
heima, ekki bara börnum sem
höfðu orðið viðskila við foreldra
sína í stríðinu, heldur einnig börn-
um sem Þjóðverjar höfðu rænt í
löndum sem þeir hernámu en fyrir
Sereny er það með verstu glæpum
styrjaldarinnar því mörg barnanna
upplifðu það sem verið væri að
taka þau frá foreldrum sínum og
setja í hendur ókunnungra, fólks
sem þau þekktu ekki lengur.
Sem blaðamaður hefur Sereny
meðal annars skrifað mikið um
nasismann og mál honum tengd. Í
bókinni The German Trauma, sem
hér er gerð að umtalsefni, er sjón-
arhornið oft óvenjulegt, eins og
þegar hún ræðir við börn frammá-
manna þriðja ríkisins og veltir því
fyrir sér hvernig þau hafi afborið
uppruna sinn. Einnig fjallar hún
nokkuð um Albert Speer, en hún
skrifaði ævisögu Speers sem þykir
mikið afbragð, ræðir við Franz
Stangel, sem var yfirmaður í
Treblinka útrýmingarbúðunum,
hremmingar Kurts Waldheims,
sem hann átti ekki skildar að mati
Sereny, málsóknina furðulegu á
hendur John Demjanjuk, Leni
Riefenstal og David Irving svo
dæmi séu tekin. Sereny var hörku-
tól í viðtölum, ef marka má dæmin
sem gefin eru í bókinni, en virðist
aldrei ósanngjörn. Hún veltir mik-
ið fyrir sér hvað verður til þess að
menn leiðast út í slík grimmd-
arverk sem útrýmingarbúðirnar
voru og þeir sem hafa dregið til-
vist búðanna í efa fá heldur en
ekki til tevatnsins fyrir afkáralega
röksemdafærslu, lygar og hálf-
sannleik. Að sama skapi kann Ser-
eny því ekki vel hve gyðingar hafa
helgað sér helförina, því þótt
myrtar hafi verið upp undir sex
milljónir gyðinga myrtu Þjóðverj-
ar einnig fimm milljónir óbreyttra
rússneskra borgara í útrýmingar-
búðum, tvær milljónir Pólverja og
um það bil milljón manna sem
voru taldir óæskilegir, kommúnist-
ar, samkynhneigðir, vottar Jehóva,
geðveikir, fatlaðir og svo má telja.
Framarlega í bókinni er reyndar
fróðlegur kafli um það er fjöl-
margir þýskir og austurrískir
læknar tóku til við að myrða van-
gefna og vanskapaða að fyrirmæl-
um yfirvalda á árunum fyrir stríð.
Greinarnar eru allar til þess
fallnar að varpa nýju ljósi á við-
sjárverða tíma og sú högun að
raða þeim upp í tímaröð gefur
góða mynd af þjóðfélagi sem gat af
sér þjóðernissósíalisma og er í sár-
um fyrir vikið enn í dag.
Árni Matthíasson
Forvitnilegar
bækur
Nasisminn
og eftir-
köst hans