Morgunblaðið - 15.11.2002, Page 2
FRÉTTIR
2 FÖSTUDAGUR 15. NÓVEMBER 2002 MORGUNBLAÐIÐ
NÆÐIR UM NORÐURLJÓS
Landsbankinn hefur skrifað
Norðurljósum bréf þar sem segir að
verði tillögur bankans um fjárhags-
lega endurskipulagningu fram-
kvæmdar geti Norðurljós staðið við
skuldbindingar sínar. Norðurljós
segja skilyrði bankans stefna fyrir-
tækinu í þrot.
Vara Íraka við
Bandaríkjamenn vöruðu Íraka í
gær við því að hunsa ályktun örygg-
isráðs Sameinuðu þjóðanna um
vopnaeftirlit. Írakar báru hins vegar
brigður á umboð vopnaeftirlits-
manna.
Ker selur hlut í VÍS
Sala Kers hf. á 25% hlut í Vá-
tryggingafélagi Íslands í gær mark-
ar þáttaskil í átökum innan svokall-
aðs S-hóps og ber enn vitni
sviptingum í íslensku viðskiptalífi.
Enn ósáttur vegna prófkjörs
Vilhjálmur Egilsson er ósáttur við
niðurstöðu kjörnefndar og kjör-
dæmisráðs vegna prófkjörsins í
Norðvesturkjördæmi og segir að
hinir brotlegu njóti en fórnarlömbin
gjaldi brota á reglum.
Kosið aftur í Borgarbyggð
Hæstiréttur staðfesti í gær úr-
skurð félagsmálaráðuneytis um að
ógilda úrskurð sveitarstjórnarkosn-
inga í Borgarbyggð og sneri þar með
við úrskurði héraðsdóms.
Í skuld við Skagamenn
Spænska knattspyrnuliðið Real
Betis hefur ekki staðið í skilum við
ÍA vegna kaupanna á Jóhannesi
Karli Guðjónssyni frá hollensku liði í
fyrra. Skagamenn hefðu átt að fá um
15 milljónir í sinn hlut.
Slétt og fellt
Baráttan við hrukkurnar er í al-
gleymingi hér á landi og stöðugt
bætast við nýjungar. Restylane
nefnist nýjasta efnið og segir Ottó
Guðjónsson, lýta- og fegrunarlækn-
ir, að líta beri á fegrunaraðgerðir
sem eðlilegt viðhald.
B L A Ð A L L R A L A N D S M A N N A
ARNO Pijpers, landsliðsþjálfari Eistlands, hef-
ur valið átján manna landsliðshóp fyrir við-
ureignina við Íslendinga í Tallinn á miðviku-
daginn kemur. Eins og áður er kjarni liðsins frá
meistaraliðinu FC Flora Tallinn, eða ellefu leik-
menn. Pijpers er einnig þjálfari Flora. Sex leik-
menn hópsins leika með liðum utan Eistlands
og eru þeir allir fyrrverandi leikmenn Flora,
þannig að sautján leikmenn landsliðsins leika
eða hafa leikið með Flora. Einn þeirra er Andr-
eas Oper, sem skoraði þrennu fyrir Álaborg í
dönsku meistarakeppninni um sl. helgi og von-
ast hann til að vera áfram á skotskónum gegn
Íslendingum. Eini leikmaður hópsins, sem hef-
ur ekki leikið með meistaraliðinu, er Sergei
Hohlov-Simson, fyrirliði FC Lavadia Maardu.
Sautján Flora-
menn gegn
Íslendingum
ROY Keane, fyrirliði enska knattspyrnuliðsins
Manchester United, gæti verið á leið í enn frek-
ari vandræði. Skýrt var frá því í enskum blöð-
um í morgun að á myndbandi sem Keane gefur
út síðar í þessum mánuði segist hann sjá eftir
því að hafa ekki barið Alan Shearer almenni-
lega þegar þeim lenti saman í leik á síðasta
keppnistímabili.
Keane fékk rauða spjaldið í umræddum leik
gegn Newcastle. Shearer reyndi þá að tefja
leikinn undir lok hans og það fór í taugarnar á
Keane sem hljóp til og hrinti honum. „Ég var
rekinn af velli fyrir að ýta við honum en ég
hefði átt að berja hann almennilega. Refsingin
hefði verið sú sama. Ef maður er hengdur, er
eins gott að hafa unnið fyrir því.“
Keane hefur þegar verið dæmdur í bann af
enska knattspyrnusambandinu fyrir ummæli í
bók sinni. Þar kom fram að hann hefði slasað
Alf Inge Haaland, leikmann Manchester City, af
ásettu ráði. Nú er beðið viðbragða frá samband-
inu við þessum ummælum Írans skapheita.
Reuters
Alan Shearer, fyrirliði Newcastle.
„Hefði átt
að berja
Shearer“
MUAMMAR al Gaddafi, leiðtogi Líbýu, og fyr-
irtæki í eigu hans hefur áhuga á að eignast hlut í
Liverpool, en fyrir á fjárfestingarfyrirtæki hans
og fjölskyldunnar 7,5% hlut í Juventus á Ítalíu.
Sonur Gaddafis, El-Saadi, var á Anfield á dög-
unum þegar Liverpool mætti Valencia í Meist-
aradeild Evrópu, en El-Saadi er mikill aðdáandi
Michaels Owens og Liverpool-liðsins. Við-
urkenndi El-Saadi í samtali við Sunday Times að
ríkur áhugi væri á því að kaupa hluti í félaginu
eða þá í velli félagsins. „Sumar þjóðir fjárfesta í
vopnum en við viljum leggja peninga okkar í
aðra hluti. Með því viljum við sýna umheiminum
aðra mynd af Líbýu en þá sem blasað hefur við
undanfarin ár,“ sagði El-Saadi sem rennt hefur
einnig hýru auga til félaga í Grikklandi og á
Ítalíu, þar á meðal Lazio sem á í verulegum fjár-
hagsþrengingum um þessar mundir.
Gaddafi vill kaupa
hluti í Liverpool
Nýjar reglur Alþjóða knattspyrnusam-bandsins, FIFA, um svokallaðar
„samstöðubætur“ til uppeldisfélaga tóku
gildi þann 1. september 2001. Samkvæmt
þeim renna 5 prósent af söluverði leik-
manns sem seldur er á milli landa til þeirra
félaga sem hann lék með frá 12 ára til 23
ára aldurs.
Geir Þorsteinsson, framkvæmdastjóri
KSÍ, sagði við Morgunblaðið í gær að sölu-
verð Jóhannesar Karls hefði aldrei fengist
að fullu staðfest en það væri talið vera á
bilinu 6-7 milljónir evra. Það eru rúmar
500 milljónir króna. Geir sagði að Skaga-
menn ættu að fá um 3 prósent af þeirri
upphæð í sinn hlut, sem gæti þá verið í
kringum 15 milljónir króna.
„Við höfum ítrekað óskað liðsinnis frá
FIFA í þessu máli en þar á bæ hafa menn
dregið lappirnar vegna þess að ýmsar
reglugerðir í sambandi við samstöðubæt-
urnar og svokallaðar uppeldisbætur hafa
ekki verið nægilega skýrar.
Nú hafa reglurnar um uppeldisbætur
verið lagðar til hliðar til ársins 2004 en þá
stendur eftir að samstöðubæturnar, sem
ÍA á allan rétt á, eru ótvíræðar. Við mun-
um því sækja þetta af fullum krafti,“ sagði
Geir Þorsteinsson.
Norska 3. deildarliðið Stryn fékk fyrir
skömmu 27,4 milljónir króna í samstöðu-
bætur vegna sölunnar á Tore Andre Flo
frá Glasgow Rangers til Sunderland. Ljóst
er að ef Eiður Smári Guðjohnsen verður
seldur frá Chelsea til liðs utan Englands
eiga ÍR, Valur og KR von á umtalsverðri
búbót.
Betis enn í skuld
við Skagamenn
SPÆNSKA knattspyrnufélagið Real Betis hefur enn ekki greitt Skagamönnum til-
skildar bætur þrátt fyrir að það hafi keypt Jóhannes Karl Guðjónsson af RKC Waal-
wijk í Hollandi í september á síðasta ári. Skagamenn og KSÍ eru þessa dagana að
búa sig undir að sækja málið á hendur Spánverjunum af fullri hörku.
Morgunblaðið/Golli
Jóhannes Karl Guðjónsson, leikmaður með Real Betis á Spáni, er hér fyrir aftan varnarvegg í leik gegn Litháen – Brynjar
Björn Gunnarsson, Eiður Smári Guðjohnsen, Heiðar Helguson, Gylfi Einarsson og Haukur Ingi Guðnason.
■ Flo færir Stryn / C3
■ ÍR og Valur / C3
2002 FÖSTUDAGUR 15. NÓVEMBER BLAÐ C
F Ö S T U D A G U R 1 5 . N Ó V E M B E R 2 0 0 2 B L A Ð B
VIÐHALD ÆSKUBLÓMANS/2 TÍMI FYRIR TRIMM/4
ANDLEG NÆRING Á MJÓLKURFERNUM/6
DRAUMURINN/7 AUÐLESIÐ/8
ÞEGAR nytjahlutir byrja að birtast íóreglulegum formum eða diskur er hærriöðrum megin, má staldra við. Bognar lín-ur, skakkir hlutir og ósamhverfa vekja
athygli þegar gjafavara þessum eiginleikum gædd
stendur til sýnis í verslunum.
Bogarnir og skekkjan eiga líklega rætur sínar
að rekja til náttúrulegra, lífrænna forma en und-
anfarinn áratug hefur svokallaður lífrænn form-
stíll verið vinsæll. Á sjötta áratugnum var einnig
töluvert um ósamhverf form en mikið hefur ein-
mitt verið leitað til þess tímabils í húsbún-
aðarhönnun undanfarin ár.
Kemur auganu á óvart
Augun leita að samhverfu þegar við horfum í
kringum okkur og regluleg form eru vissulega
ríkjandi þegar náttúrunni sleppir og borg-
arumhverfi og vinnan tekur við. Það væri und-
arlegt ef takkarnir á lyklaborðinu væru ekki
reglulegir ferhyrningar heldur hrúga af óreglu-
legum formum.
Útlit hlutanna á myndunum koma auganu á
óvart, það er eitthvað óvenjulegt við þá, annað en
við eigum að venjast. Ekki sömu beinu línurnar og
reglulegu formin, heldur bogar, beyglur og ósam-
hverfa. Það er eitthvað skemmtilegt við þessi
skökku glös.
Skekkjan hefur
stundum tilgang
Finnski hönnuðurinn Alvar Aalto hannaði vas-
ana sína frægu árið 1936. Þeir eru ekki skakkir
en í þeim koma saman bognar línur, ósamhverfa
og fáguð hönnun. Vasinn er eitt af táknum hönn-
unar síðustu aldar og hefur verið nútímalegur allt
frá upphafi. Ekki skal fullyrt hvort vasi Aaltos
marki upphafið að hönnun ósamhverfra hluta en
hann er a.m.k. elsti hluturinn sem sést á þessum
myndum.
Skekkjan hefur stundum yfirlýstan tilgang.
Ítalski hönnuðurinn Enzo Mari hannaði skakka
ruslafötu árið 1971 þar sem hann vann með þá
hegðun fólks að miða og henda í ruslafötuna og
taldi meiri líkur á að viðkomandi hitti ef fatan
hallaði í átt til hans.
Útilampar frá Habitat. Lífræn form í garðinn.
Fuglakannan sækir bogið form sitt í dýrarík-
ið. Finnsk hönnun Kati Tuominen í Art Form.
Diskarnir eru hærri öðrum megin,
bogadregin hnífapör, glös á bogafæti og
skakkir vasar frá Í húsinu.
Ósamhverfir kertaplattar frá Habitat minna á
hönnun 6. áratugarins.
Vasar úr smiðju Alvars Aalto sem fást í Art Form.
Ósamhverfan í sinni fáguðustu mynd.
Morgunblaðið/Golli
Er kokteilglasið í Í húsinu að bráðna?
Skemmtileg
skekkja
Yf ir l i t
HÆSTIRÉTTUR staðfesti í gær þá
ákvörðun félagsmálaráðuneytisins
frá í sumar að ógilda úrslit sveitar-
stjórnarkosninganna í Borgarbyggð.
Sneri rétturinn þannig við úrskurði
Héraðsdóms Vesturlands frá 24.
september sem felldi úr gildi úr-
skurð ráðuneytisins frá 30. júlí sl.
Tveir dómarar af fimm skiluðu sér-
áliti í málinu.
Deilt var um gildi sveitarstjórnar-
kosninganna í Borgarbyggð 25. maí
sl. Í kjölfar kæru Framsóknarfélags
Mýrasýslu komst félagsmálaráðu-
neytið að þeirri niðurstöðu að ógilda
bæri kosningarnar. Með vísan til
þess að ráðuneytið hefði farið út fyr-
ir valdmörk sín með því að ógilda
kosningarnar þótt slík krafa hefði
ekki verið höfð uppi felldi héraðs-
dómur úrskurðinn úr gildi.
Meirihluti Hæstaréttar komst að
annarri niðurstöðu. Segir hann að
við meðferð félagsmálaráðuneytisins
á kæru framsóknarfélagsins hefði
blasað við að utankjörfundaratkvæði
með sams konar ágalla hefðu ekki
fengið sömu meðferð við talningu at-
kvæða í Borgarbyggð og hefði það
legið ljóst fyrir frá upphafi án þess
að til nokkurra viðbragða kæmi af
hendi þeirra sem um framkvæmd
kosninganna fjölluðu í héraði. Hefði
ráðuneytinu því bæði verið rétt og
skylt að láta það til sín taka og stóð
kröfugerð framsóknarfélagsins því
ekki í vegi.
Fyrir hafi legið að niðurstaða taln-
ingar hafði orðið sú að jafnmörg at-
kvæði voru að baki fjórða manni á
B-lista og öðrum manni á L-lista.
Utankjörfundaratkvæði sem meta
hefði átt ógilt en var ranglega sett í
kjörkassa gat beinlínis haft áhrif á
úrslit kosninganna og hlaut sá ágalli
að leiða til ógildingar þeirra sam-
kvæmt skýru ákvæði í 94. gr. laga nr.
5/1998. Hæstiréttur segir að niður-
stöðu félagsmálaráðuneytisins um
ógildingu sveitarstjórnarkosning-
anna hafi því ekki verið haggað.
Meirihlutann skipuðu Guðrún Er-
lendsdóttir, Haraldur Henrysson og
Pétur Kr. Hafstein en Garðar Gísla-
son og Hrafn Bragason skiluðu sér-
atkvæði.
Málskostnaður fyrir Hæstarétti
og í héraði var felldur niður. Gjaf-
sóknarkostnaður upphaflegs stefn-
anda málsins var dæmdur á ríkis-
sjóð, þar með talin samtals 700.000
króna málflutningsþóknun lög-
manns hans fyrir báðum dómstigum.
Ógilding kosninga í Borgarbyggð staðfest í Hæstarétti
Úrskurði héraðs-
dóms snúið við
HELGA Hall-
dórsdóttir, for-
seti bæjar-
stjórnar Borgar-
byggðar, segist
ekki líta svo á að
fjárhagslegar
skuldbindingar
Borgarbyggðar
og ákvarðanir
sem bæjaryfirvöld hafi tekið fram
að þessu séu ógildar í ljósi dóms
Hæstaréttar frá í gær.
„Það fyrsta sem við munum gera
er að hafa samband við félagsmála-
ráðuneytið og fá leiðbeiningar frá
því um framhaldið. Ég lít nú svo á
að eftir niðurstöðu Héraðsdóms
Vesturlands séu allar okkar
ákvarðanir í gildi og hafi verið
hingað til,“ segir Helga.
Hún segir það samdóma álit allra
í bæjarráði að reyna að efna til
kosninga eins fljótt og auðið er og
helst fyrir áramót.
Kosið fyrir
áramót?
arstjórinn ekki síður. Aðspurð sagðist Ásdís
Halla einu sinni hafa reynt fyrir sér sem tísku-
sýningardama sem unglingur en fljótlega séð að
það hafi ekki átt við hana. „Þetta gekk samt
ágætlega enda voru Garðbæingar mjög
skemmtilegir og hvetjandi.“
MEÐAL þeirra glæsilegu kvenna sem tóku þátt í
tískusýningu á Garðatorgi í gærkvöldi var bæj-
arstjórinn, Ásdís Halla Bragadóttir. Sýningin
var liður í menningarkvöldi Garðabæjar og vildi
bæjarstjórinn ekki láta sitt eftir liggja. Virtust
bæjarbúar hinir ánægðustu með tiltækið og bæj-
Sýningin var liður í menningarkvöldi og telur
Ásdís að aldrei hafi annar eins fjöldi verið á
Garðatorgi og mikil stemming. María Lovísa
fatahönnuður átti heiðurinn af flíkunum en
starfsmenn hárgreiðslustofunnar Cleo sáu um
hárgreiðsluna og Gréta Boða um snyrtingu.
Morgunblaðið/Þorkell
Reffilegur bæjarstjóri
STURLA Böðvarsson, sam-
gönguráðherra, segir óhjá-
kvæmilegt að bregðast við
ítrekuðum stóryrðum Vil-
hjálms Egilssonar í fjölmiðlum.
„Viðbrögð Vilhjálms Egils-
sonar við úrslitum prófkjörsins
valda mér miklum vonbrigðum.
Nú síðast ruglar hann saman
annars vegar sérstökum trún-
aðarmönnum flokksins við
framkvæmd prófkjörsins og
hins vegar stuðningsmönnum
einstakra frambjóðenda. Slíkt
er afar ómálefnalegt og ósann-
gjarnt. Ásakanir hans í garð
stuðningsmanna minna eiga
ekki við nein rök að styðjast.
Vegna ítrekaðra stóryrða í fjöl-
miðlum í minn garð og stuðn-
ingsmanna minna, er óhjá-
kvæmilegt að bregðast við. Það
mun ég gera með hagsmuni
sjálfstæðismanna í Norðvest-
urkjördæmi að leiðarljósi,“ seg-
ir Sturla.
Hann vildi ekki tjá sig að
öðru leyti um málið eða skýra
frá því hver viðbrögðin yrðu
þegar Morgunblaðið hafði tal af
honum í gærkvöldi.
Boðað til fundar í Skaga-
firði og Húnavatnssýslum
Boðað hefur verið til fundar
fulltrúaráðs sjálfstæðisfélag-
anna í Skagafirði og Húna-
vatnssýslum á sunnudag til að
ræða stöðu mála í kjölfar hins
umdeilda prófkjörs.
Í samtali við Morgunblaðið
staðfestir Vilhjálmur Egilsson
að sjálfstæðismenn fyrir norð-
an séu farnir að nefna hug-
myndir um sérframboð. Þetta
sé þó ekki gert að hans frum-
kvæði og sjálfur vill hann ekk-
ert um það segja fyrr en að
loknum fundi fulltrúaráðsins
sem haldinn verður á Blöndu-
ósi.
Sturla Böðvarsson
Ásakanir
eiga ekki
við rök að
styðjast
Snýst um/14
Í dag
Sigmund 8 Minningar 44/50
Viðskipti 14/18 Hestar 51
Erlent 19/23 Myndasögur 56
Höfuðborgin 24 Bréf 56/57
Akureyri 25 Dagbók 58/59
Suðurnes 26 Brids 59
Landið 27 Leikhús 60
Listir 28/33 Fólk 60/65
Forystugreinar 34 Bíó 62/65
Viðhorf 38 Ljósvakamiðlar 66
Umræðan 38/43 Veður 67
* * *
Kynningar – Blaðinu í dag fylgir aug-
lýsingablaðið Jólaundirbúningur í
Húsasmiðjunni. Blaðinu er dreift um
allt land.