Morgunblaðið - 15.11.2002, Blaðsíða 27

LANDIÐ
MORGUNBLAÐIÐ FÖSTUDAGUR 15. NÓVEMBER 2002 27
„ÞAÐ þarf kjark til þess að setja
markmið stjórnmálaflokka inn í slík-
an hugbúnað þar sem allir geta séð
hver markmið bæjarmeirihlutans
eru og hvernig til hefur tekist að ná
þeim á kjörtímabilinu. Akranes er
líkast til frumkvöðull á þessu sviði
en ekki er vitað til þess að nokkurt
sveitarfélag hafi sett markmið fram
með þessum hætti,“ sagði Sveinn
Kristinsson, forseti bæjarstjórnar
Akraness, þegar tekinn var form-
lega í notkun nýr hugbúnaður sem
nefnist „skorkort“ og er framleiddur
af íslenska fyrirtækinu IM (Inform-
ation Managament).
Hugbúnaðurinn er ætlaður
stjórnendum og forstöðumönnum
sem geta þar með fylgst með árangri
í markmiðasetningu og á að auð-
velda miðlun upplýsinga um stjórn-
un og árangur í einstökum verkefn-
um. Gísli Gíslason, bæjarstjóri
Akraness, sagði að auðvelda ætti
bæjarbúum að fylgjast með gangi
mála á öllum þeim sviðum sem starf-
semi bæjarins nær yfir.
„Sem dæmi má nefna að bæjarbú-
ar eiga að geta farið inn á heimasíðu
Akranesbæjar og fylgst með því
hverju var lofað í ýmsum málaflokk-
um og hvernig staðan er á hverjum
tíma. Þetta er einnig liður í því að
gera boðskiptin einfaldari á milli
stjórnmálamanna, starfsmanna
Akraneskaupstaðar og að sjálfsögðu
bæjarbúa,“ sagði Gísli.
Guðmundur Páll Jónsson, formað-
ur bæjarráðs, bætti því við að mikil
vinna hefði verið lögð í að koma
meirihlutasamkomulagi Framsókn-
arflokks og Samfylkingar í það horf
að hægt væri að mæla markmiðin í
skorkortinu. „Að mínu mati getur
hugbúnaðurinn hjálpað til á mörgum
sviðum og ekki síst þeim sem starfa
hjá bæjarfélaginu. Í skorkortinu er
nákvæm lýsing á hver markmiðin
eru og slíkt tæki ætti að gefa vissa
línu sem menn geta þá fikrað sig eft-
ir til þess að ná þessum markmiðum.
Samt sem áður er þetta lifandi
vinna og þótt eitthvað sé sett inn í
slíkt umhverfi er ekki þar með sagt
að hlutirnir séu dauðir. Margir hlut-
ir verða í stöðugri þróun á hverju
kjörtímabili fyrir sig. Að auki er
þetta gott tæki fyrir minnihlutann
hverju sinni sem getur þá veitt
meirihlutanum öflugt aðhald, sem er
nauðsynlegt,“ sagði Guðmundur.
Menn voru sammála um að upp-
gjör hvers kjörtímabils yrði einfald-
ara með notkun skorkortsins og
sagði Sveinn að nú gætu stjórnmála-
menn ekki þrefað rétt fyrir kosn-
ingar um hvað hefði farið úrskeiðis
og hvað hefði áunnist á kjörtíma-
bilinu. „Markmiðin eru skýr og nú
þarf aðeins að prenta þau út í lok
kjörtímabilsins þar sem allir sjá það
svart á hvítu hvernig tekist hefur
til,“ sagði Sveinn.
Hugbúnaðurinn er metinn á um
750 þúsund kr. og sagði Gísli að
gaman væri að ríða á vaðið í þessum
efnum en nú þegar nota Samskip,
Orkuveita Reykjavíkur, Mjólkur-
samsalan og Reykjavíkurhöfn skor-
kortið.
Fylgst með
kosningalof-
orðum á Netinu
Akranes Morgunblaðið/Sigurður Elvar
Frosti Jónsson, Ragnar Bjartmarz, Gísli Gíslason, Sveinn Kristinsson og
Karl Jóhann Jóhannsson kynna hið nýja „skorkort“ Skagamanna.
EITT fyrsta alvörumerkið um
hressilegan vetrarvind birtist
þegar litið var út um gluggana
nýlega. Fjórir uppljómaðir tog-
arar lágu í vari við eyjuna og
rugguðu til og frá á úfnum öld-
unum. Grímsey sem er 105
metra há veitir ótrúlega gott
skjól hér úti á hafinu meira en
40 sjómílur frá landi.
Skipin þurfa ekki að sigla til
heimahafnar heldur bíða þess
að veður lægi. Á meðan lýsa
ljósin frá þeim eins og þorpsljós
í vetrarmyrkrinu. Þegar Kári
blæs og hvín er gott að eiga
skjól við Grímsey.
Eyjan
veitir gott
skjól
Grímsey
„ÞETTA er sóðaskapur og er okkur
ekki til sóma,“ segir Kristinn Jón-
asson, bæjarstjóri í Snæfellsbæ, um
forna ruslahauga við afleggjarann að
Öndverðarnesi. Þar var meðfylgj-
andi mynd tekin í sumar.
„Þetta er dæmigert fyrir þann
hugsunarhátt fyrr á tíð þegar fólk
taldi að lengi tæki sjórinn við.“ Þrátt
fyrir að ruslahaugunum hafi verið
lokað fyrir mörgum árum hafa verið
brögð að því að fólk losi sorp þar
þrátt fyrir bann þar að lútandi. „Í
sumar var grafinn skurður til að
hindra umferð og settar upp keðjur
og 2 m há girðing til að koma í veg
fyrir að fólk sturtaði sorpi þarna
fram af.“
Kristinn segir að innan sveitarfé-
lagsins hafi ekki verið rætt um að
hreinsa upp haugana, en hann veltir
upp þeirri spurningu hvort rétt sé að
varðveita þá til að minna á söguna og
umhverfisvitund fólks áður fyrr.
Ljósmynd/Pálmi Guðmundsson
„Þetta er
sóðaskapur“
Snæfellsnes
MARNIX Koolhaas frá Hollandi
kom í heimsókn til Grímseyjar eftir
að hafa lesið bók um eyjuna eftir
séra Róbert Jack, sem var síðasti
prestur Grímseyinga sem hafði bú-
setu í eyjunni. Hann flutti héðan ár-
ið 1953.
Það var þrennt sem Marnix
fannst standa upp úr að lestri lokn-
um. Sagan ótrúlega um samband
Bandaríkjamannsins dr. Daníels
Willard Fiske og Grímseyinga heill-
aði Marnix. Skákáhugi Fiske og
fólksins hér og síðast en ekki síst
heimskautsbaugurinn. Marnix á
sjálfur ættir að rekja til smáeyjar
úti fyrir Hollandi þar sem móðir
hans fæddist. Þar með vaknaði
áhugi hans á eyjum almennt.
Ekki fyrir löngu heimsótti hann
eina afskekktustu eyju í heimi,
Tristan de Cune. Þangað er siglt
frá Cape Town tvisvar á ári og far-
kosturinn HEKLA, gamla strand-
ferðaskip okkar Íslendinga. Um
borð sagði Marnix að allar leiðbein-
ingar og skilti væru enn á íslensku.
Heklan er fallegt og sérlega vel við
haldið skip með fægðum kopar og
stífpússuðum tréþiljum bætti hann
við. Póstbáturinn sem færir íbúum
Tristan póstinn mun vera síðasti
póstbátur sem er á ferðinni í heim-
inum og siglir frá Englandi. En
enska er mál Tristanbúa sem eru
rétt um 300 manns. Marnix fannst
margt líkt með Grímsey og Tristan.
Á báðum stöðum lifir fólkið ein-
göngu af fiski sem það veiðir – hér
er það aðallega þorskurinn sem
gefur tekjurnar en á Tristan er það
dýrmætur humar.
Marnix dvaldi í Grímsey í fjóra
daga og valdi nóvember sér-
staklega til að geta kynnst íbúunum
enn betur í gegnum hátíðisdaginn –
Fiske-daginn, sem er alveg ein-
stakur í sjálfu sér. Dr. Fiske sem
tók Grímsey að hjarta sér fyrir
meira en 100 árum og er minnst 11.
nóvember ár hvert, velgjörð-
armannsins sem á svo stórt pláss í
hjarta allra Grímseyinga.
Hollenskur fréttamað-
ur heillast af Grímsey
Grímsey
Morgunblaðið/Helga Mattína
Hollendingurinn Marnix Koolhaas
heimstótti Grímsey eftir að hafa
lesið bók um eyjuna.
Á HÖFÐABREKKU í Mýrdal er
verið að stækka hótelið og ganga
byggingarframkvæmdir mjög vel,
grunnurinn er tilbúinn og platan
steypt.
Áður en platan var steypt var
gengið frá hitalögnum í allt gólfið en
hita á hótelið með heitu vatni sem
flæðir upp úr holu sem var boruð á
Höfðabrekku í fyrravetur og skilaði
um 40 gráða heitu vatni. Lagnaþjón-
ustan á Selfossi sá um að leggja hita-
lagnirnar sem eru heilmikið röra-
virki um allan grunninn. Ingvar
Jóhannesson var að aðstoða starfs-
menn Lagnaþjónustunnar við verk-
ið. Um leið og Ingvar leit upp til að
heilsa fréttaritara komu báðir heim-
ilishundarnir hlaupandi og vildu fá
athygli.
Morgunblaðið/Jónas Erlendsson
Ingvar Jóhannesson ásamt Skottu og Lappa.
Miklar lagnir í grunni
Fagridalur