Morgunblaðið - 15.11.2002, Blaðsíða 51

HESTAR
MORGUNBLAÐIÐ FÖSTUDAGUR 15. NÓVEMBER 2002 51
ÞÆR ERU orðnar nokkuðmargar tilraunirnar til aðfækka þingum LH en núloksins er málið í höfn.
Verður því framvegis talað um lands-
þing í stað ársþinga og væntanlega er
aðalávinningurinn einhver sparnaður
bæði hjá samtökunum og hugsanlega
félögunum sem annast þinghaldið.
Nú verða haldnir formannafundir
þinglausu árin og þá vaknar sú spurn-
ing hvort þeir verði haldnir á höfuð-
borgarsvæðinu eða þeim verður
dreift um landið eins og gert er með
þingin.
Keppnisreglur eða tillögur tengdar
keppni og mótahaldi tóku að venju
mestan tíma þingsins. Reynt var að
taka á talnalestursflóðinu sem gekk
fram af mótsgestum á landsmótinu í
sumar í úrslitum gæðingakeppninn-
ar. Kom fram tillaga þess efnis frá
stjórn LH og var hún samþykkt.
Verður nú aðeins lesin röðun kepp-
enda í lok keppninnar en dómarar
munu eigi að síður gefa einkunnir fyr-
ir öll atriðin. Umræða um þessa til-
lögu var mikil bæði í nefnd og eins á
þinginu og var hún vægast sagt afar
ruglingsleg enda málið flókið. Sýnir
þetta mál vel í hvert óefni er komið og
ekki einfalt að spóla til baka. Þessar
ógöngur eru skilgetið afkvæmi þeirr-
ar fullkomnunaráráttu hestamanna
sem ráðið hefur ferðinni á þingum
LH síðustu 25 árin. Þess má geta að
upphaflega var aðeins raðað í sæti
eftir að farið var að bjóða upp á úr-
slitakeppni gæðinga. Nú voru menn
aðeins tilbúnir að ganga hálfa leiðina
til baka þannig að áfram gefa dóm-
arar einkunnir á sama hátt og gert
hefur verið en ritarar þeirra munu
reikna summuna út og dómarar síðan
rétta upp röð hvers keppanda fyrir
sig en ekki einkunnir. Ætla má að
mikill handagangur verði í öskjunni
hjá riturum og gerir þetta fyrirkomu-
lag vafalítið auknar kröfur til þeirra
um vinnuhraða og öryggi.
Hinir smáu svínbeygðir
Þá varð einnig mikil umræða um
tillögu frá Þyti í Vestur-Húnavatns-
sýslu þar sem lagt var til að leyft
verði að nota tvo dómara á minni
gæðingamótum. Þetta fyrirkomulag
hefur verið reynt nokkuð víða og ekki
annað að heyra en mikil ánægja sé
með það. Tillagan var hinsvegar felld
í nefnd og nokkuð deilt um hana á
þinginu. Virtist sem svo að fylkinga-
skiptingin hafi verið annarsvegar
þeir sem höfðu upplifað eða reynt
þetta fyrirkomulag og svo hinir sem
þekktu þetta bara af afspurn og var
síðarnefndi hópurinn á móti en hinir
með. Helstu rökin á móti voru þau að
faglegheitunum yrði stefnt í voða.
Mótrök voru að almenn ánægja hefði
verið með þetta þar sem þetta hefði
verið reynt, ekki hefði komið fram
nein óánægja með einkunnagjöf dóm-
ara á þessum mótum, það sparaði
bæði tíma og peninga og gerði móts-
gesti að virkari þátttakendum í
keppninni. Það vekur undrun margra
að þingið hafi ekki verið tilbúið að
reyna þetta í ljósi þess að brýn þörf sé
á að einfalda og laga keppnisfyrir-
komulagið að mótsgestum og sjón-
varpi. Höfðu menn á orði að þarna
hefðu flest stóru félögin svínbeygt
litlu félögin. Voru menn nokkuð
svekktir með þessa afgreiðslu og
mátti heyra á sumum þeirra að þetta
yrði notað áfram enda reynslan afar
góð.
Fjármál LH virðast í góðu lagi um
þessar mundir, síðasta ár var sam-
bandið rekið með ríflega þriggja
milljóna króna hagnaði borið saman
við rúmlega tveggja milljóna króna
tap árið áður. Þar ræður nokkru að á
síðasta ári var haldið heimsmeistara-
mót en þátttaka í þeim mótum hefur
skilað hagnaði en síðan hefur verið
tap á þátttöku í Norðurlandamótum.
Vel lítur út með núlíðandi ár sem er
einmitt Norðurlandamótsár en nú
bar svo við að útkoman af því móti er í
járnum.
Þá flutti Sveinbjörn Sveinbjörns-
son formaður stjórnar Landsmóts
ehf. þau góðu tíðindi að útlit væri fyr-
ir góðan hagnað á rekstri landsmóts-
ins í Skagafirði. Samkvæmt bráða-
birgðatölum væri hann 9 milljónir
króna en heildartekjur mótsins voru
67 milljónir króna.
Íslandsmótin í heila höfn
Vel greiddist úr ákvörðunum um
staði fyrir Íslandsmót næstu ára en
frekar illa hefur gengið að finna þeim
staði síðustu árin. Þá var samþykkt
heimild til að sameina Íslandsmót
eldri og yngri flokka ef í nauðir ræki
en valdir hafa verið mótsstaðir næstu
þriggja ára og virðist því á þessari
stundu að ekki þurfi til þess að koma
þennan tíma. Á næsta ári verður
yngriflokkamótið haldið á Varmár-
bökkum hjá Herði en fullorðinsmótið
hjá Sleipni á Selfossi. Árið 2004 verða
yngri flokkarnir hjá Sörla í Hafnar-
firði en eldri flokkarnir hjá Mána á
Mánagrund við Keflavík. Árið 2005
verður Máni með yngri flokkana en
Andvari heldur fullorðinsmót en þá
verður félagið 25 ára en Máni heldur
upp á fertugsafmælið.
Í liðnum önnur mál kvaddi Rafn
Jónsson sér hljóðs og gerði að um-
talsefni Landsmót 2000 ehf. Var hann
ómyrkur í máli yfir hvernig staðið
væri að málum þar. Aldrei væri staðið
við tímasetningar aðalfunda og ekki
væri hægt að skipta um menn í stjórn
því þegar loksins væri haldinn aðal-
fundur væri hann löngu á eftir þeim
tíma sem verið væri að fjalla um og
ekki væri hægt að kjósa menn aftur í
tímann. Sagði Rafn að á síðasta fundi,
sem haldinn var á Selfossi, hefði for-
maður stjórnar, Haraldur Haralds-
son, lofað eftir að stíft var gengið á
hann að halda stjórnarfund eigi síðar
en í apríl síðastliðnum en ekkert hefði
þar gerst. Taldi Rafn að með fram-
göngu sinni hefði stjórn félagsins
margbrotið lög um hlutafélög. Þing-
forseti, Stefán Pálsson, spurði þing-
fulltrúa hvort einhver væri til and-
svara gegn málflutningi Rafns en
enginn gaf sig fram. Þess má geta að
Haraldur Haraldsson var þingfulltrúi
fyrir Þjálfa í Þingeyjarsýslu.
Gengur á karlaveldið
Þrír heiðursmenn, Sigurður Þór-
hallsson, Fáki, Birgir Rafn Gunnars-
son, Fáki, og Jón Bergsson, Frey-
faxa, voru heiðraðir og afhenti Jón
Albert Sigurbjörnsson þeim gull-
merki LH en hann var ásamt varafor-
manni, Haraldi Þórarinssyni, Sleipni,
Sigurði Emil Ævarssyni, Sörla, og
Sigfúsi Helgasyni, Létti, endurkjör-
inn í stjórn en ný komu inn Guðný Ív-
arsdóttir, Herði, Sigurður Steinþórs-
son, Smára, Sigurður Sveinbjörns-
son, Blæ. Í varastjórn voru kosin
Helga Fjóla Guðnadóttir, Geysi, Ein-
ar Ragnarsson, Herði, Halldór Hall-
dórsson, Andvara, Vilhjálmur Skúla-
son, Fáki, og Hjörtur Einarsson,
Neista. Heldur vænkast hagur
kvenna í þessu mikla karlaveldi því
nú kom ein kona inn í aðalstjórn.
53. ársþing Landssambands hestamannafélaga
Langreynd tillaga um
fækkun þinga náði
loks fram að ganga
Morgunblaðið/Ásdís Haraldsdóttir
Jón Albert Sigurbjörnsson sæmdi þá Birgi R. Gunnarsson, Jón Bergsson og
Sigurð Þórhallsson gullmerki LH fyrir vel unnin störf.
Morgunblaðið/Vakri
Æskulýðsbikarinn hlaut að þessu sinni Smári í Hreppum og veitti æsku-
lýðsjöfurinn Rosemarie Þorleifsdóttir honum viðtöku með fulltingi for-
manns félagsins Guðbjargar Jóhannsdóttur og Lúðvíks Kaaber.
Morgunblaðið/Vakri
Knapi ársins, Eyjólfur Ísólfsson, með hinn eftirsótta farandgrip Alsvinn
ásamt Jóni Alberti, formanni LH.
Morgunblaðið/Vakri
Félagsheimili Fáks rúmaði vel þing LH og er það í fyrsta skipti sem þing er haldið í eigin húsnæði hestamannafélags.
Morgunblaðið/Vakri
Miðasala í hinu glæsilega happdrætti landsliðsnefndar hófst á þinginu og
hér afhendir Marteinn Magnússon Skagfirðingunum Magnúsi B. Magn-
ússyni og aldursforseta þingsins Sveini Guðmundssyni vænan bunka til að
taka með sér norður og miðla til manna þar og Sigurður Jökulsson bíður
eftir skammti þeirra Dalamanna.
Langþráðum áfanga var
náð í sögu Lands-
sambands hestamanna-
félaga þegar samþykkt
var að þing samtakanna
yrðu framvegis haldin
annað hvert ár í stað ár-
lega. Valdimar Krist-
insson brá sér á þingið
og fylgdist með af-
greiðslu nokkurra mála.
Eyjólfur Ísólfsson
knapi ársins
EYJÓLFUR Ísólfsson var útnefnd-
ur knapi ársins á uppskeruhátíð
hestamanna sem nú var slegið sam-
an við 80 ára afmælishátíð Fáks á
laugardagskvöldið. Aðrir sem hlutu
verðlaun voru Logi Laxdal sem
gæðinga- og kappreiðaknapi árs-
ins, Sigurður V. Matthíasson sem
íþróttaknapi ársins, Daníel Ingi
Smárason sem bjartasta vonin og
Þórður Þorgeirsson sem kynbóta-
knapi ársins. Sá síðastnefndi kaus
hinsvegar að afþakka verðlaunin
þar sem hann telur gróflega hjá sér
gengið í vali á knapa ársins. Í yf-
irlýsingu frá Þórði lýsir hann van-
trausti á þá nefnd sem velur í of-
antalin verðlaunasæti og leiðir
líkum að því að í gangi sé einhvers-
konar samsæri gagnvart sér.