Morgunblaðið - 15.11.2002, Blaðsíða 56
56 FÖSTUDAGUR 15. NÓVEMBER 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
VIÐ undirritaðar, f.h. 17 starfs-
manna á Dvalarheimilinu Höfða,
finnum okkur knúnar til að skrifa
þér opið bréf vegna okkar mála í
þeirri veiku von að það kunni að
hreyfa við réttlætiskennd þinni og
annarra sem sæti eiga í bæjar-
stjórn Akraness.
Á undanförnum árum hefur farið
fram endurmat á störfum starfs-
manna Akranesbæjar samkvæmt
samningi þar um til að ákvarða
kaup og kjör þeirra en niðurstöðu
síðan vísað til starfskjaranefndar til
endanlegrar afgreiðslu. Á sl. ári var
röðin komin að þeim starfsmönnum
Höfða, sem eru félagsmenn í
Starfsmannafélagi Akraness
(St.Ak.). Með því skyldi lokið end-
urmati á störfum starfsmanna bæj-
arins. Því miður vildi svo óheppi-
lega til, að trúnaðarmönnum láðist
að koma á framfæri starfslýsingum
og öðrum plöggum frá 17 starfs-
mönnum.. Við töldum sjálfgefið að
starfsmatið myndi ná til allra
starfsmanna heimilisins og vorum
grunlaus um gang mála þar til í
febrúar á þessu ári. Þá barst okkur
til eyrna að starfsmatsnefndin hefði
lagt til verulega hækkun á launum
St.Ak.-félaga á heimilinu annarra
en okkar, t.d. 9 launaflokka hækkun
hjá ófaglærðu starfsfólki á tveimur
deildum. Nefndin var um þessar
mundir að ljúka störfum. Við
brugðumst því skjótt við og komum
tilskildum upplýsingum á framfæri.
Hinn 15. maí sl. endurmat starfs-
matsnefnd störf okkar og úrskurð-
aði hliðstæða launahækkun okkur
til handa og hún hafði metið öðrum.
Þremur mánuðum síðar (16. ágúst)
komst hins vegar starfskjaranefnd
að þeirri niðurstöðu að útilokað
væri að endurmatið gæti náð til
okkar. Það hefði skyndilega komið
á daginn, að verulegir ágallar hefðu
„komið upp við vinnu við núverandi
starfsmatskerfi (og) því (væri) ekki
unnt að notast við kerfið og nið-
urstöðu úr því við endurmat
starfa“. Þessi hrikalega brotalöm á
matskerfinu kæmi m.ö.o. í veg fyrir
að unnt væri að lagfæra kjör þeirra
starfsmanna bæjarins sem hvað
lökust kjörin hefðu og síðastir
komu til endurmats! Við 17-menn-
ingarnir yrðum að bíða þess að fá
leiðréttingu okkar kjara þar til nýtt
matskerfi yrði tilbúið undir árslok!
Sem raunabót þótti við hæfi að
bjóða nokkrum okkar tveggja til
fjögurra launaflokka hækkun, en
öðrum ekkert.
Okkur brá í brún við þessi tíðindi
og þótti ómaklega að okkur vegið.
Við áttum ekki von á því að störf
okkar yrðu svo léttvæg fundin í
samanburði við störf starfsfélaga
okkar. M.a. af þessum ástæðum
sættum við okkur hvorki við þessa
meðhöndlun né ölmusu starfskjara-
nefndar. Með þessu bréfi óskum við
svara frá þér sem forseta bæjar-
stjórnar Akraness um eftirtalin at-
riði: Telur þú þessa málsmeðferð
gagnvart fáeinum starfsmönnum
Höfða réttláta í ljósi þess að starfs-
félagar þeirra og aðrir starfsmenn
bæjarins hafa nú um margra mán-
aða skeið fengið laun sín greidd á
grundvelli nýs starfsmats? Hvaða
rök eru fyrir því að ekki er hægt að
nota núverandi starfsmatskerfi við
endurmat á okkar störfum, þótt það
hafi nýst við mat á störfum allra
annarra? Eru ekki enn í gildi þau
ákvæði kjarasamnings St.Ak.og
Akranesbæjar að nota skuli núver-
andi endurmatskerfi á meðan nýtt
matskerfi hefur ekki verið sam-
þykkt af málsaðilum? Hversu hárri
upphæð nemur á ársgrundvelli sú
launahækkun sem starfsmatsnefnd
taldi okkur verðskulda eftir end-
urmat á störfum okkar? Má vænta
þess að þú og aðrir bæjarfulltrúar
breytið afstöðu ykkar til afgreiðslu
málsins?
Með von um skjót og skýr svör.
Fyrir hönd samstarfsfólks á
Höfða,
ARINBJÖRG
KRISTINSDÓTTIR,
EMILÍA ÁRNADÓTTIR.
Opið bréf til forseta
bæjarstjórnar
Akraness
Frá Arinbjörgu Kristinsdóttur
og Emilíu Árnadóttur:
VEGNA umræðna um hvort Ísland
skuli ganga í Evrópusambandið eða
ekki vildi ég gjarnan benda á ávinn-
ing þess að ganga í Evrópusamband-
ið, það er víðfeðmt og hefur gjald-
miðil sem stendur á föstum grunni
en það er nokkuð sem við Íslending-
ar höfum mikla þörf fyrir að tileinka
okkur, við erum á brauðfótum hvað
efnahagsgrundvöll varðar.
Við höfum verið að ganga til góðs í
efnahagsmálum undir stjórn Sjálf-
stæðisflokksins undanfarin missiri,
en við búum á stórri jörð sem sveifl-
ast í markaðslegum skilningi og við
þurfum sterka stjórn og sterka for-
ystu sem Sjálfstæðisflokkurinn er
einn fær um að veita.
Þess vegna vildi ég beina áskor-
unn minni til forustu Sjálfstæðis-
flokksins um að hann taki nú foryst-
una í samningum við Evrópu-
sambandið, því það verður aldrei lag
á þeim hlutum nema Sjálfstæðis-
flokkurinn sjái málin í rettu ljósi og
taki af skarið.
Lengi lifi lýðveldið.
BJARNI ÞÓR ÞORVALDSSON,
Asparfelli 12.
Aðild að ESB
Frá Bjarna Þór Þorvaldssyni: